Yakobo 4:10 - Kifuliiru

¹⁰ Mukizi yibiika haashi imbere lya Nahano, lyo naye amùkuza.

Yakobo 4:10 ပူးပေါင်းရင်းမြစ်များ

2 Kutondobola 7:14

«Haaho, abandu baani bakwaniini bayibiikage haashi ku kahinda, banandabaaze, banandooze mu kati koꞌbutuudu, iri banatwikira lwoshi ku bitalaalwe byabo. Iri bangagira kwokwo, lyo ngabayuvwiriza ukulyoka mwiꞌgulu, na ngoge ibyaha byabo, na ngize neꞌkihugo kyabo. Mukuba, bali mu buuzibwa kwo bali bandu baani.

Hayubu 22:29

«Ikyanya abandu batwika indege, unabaholeeze, ti: “Uyihe ikise!” Haaho, banakizibwe.

Hayubu 5:11

Ngiisi ábali bakeni, ali mu bakuza. Na ábali mu kimombo, ali mu balanga mu mutuula.

Zaburi 113:7

Nahano ali mu lyosa banakahuku mu luvu, anabakuze. Ee! Ali mu kizi bayinamula, bashaage mwiꞌjolera.

Zaburi 147:6

Ngiisi ábali batuudu, Nahano agweti agabashiga. Si banangora-mabi boohe, ali mu badeedeka haashi.

Zaburi 27:6

Kundu abagoma bagaaba bakoli nzokaniini, haliko ngaaba nguziibwi imbere lyabo. Na ngizi tangira Nahano ituulo lyoꞌkusiriiza mwiꞌheema lyage. Na ngizi múbandira akabuuli, awi yiyi yiyi! Ee ma! Ngakizi múyimbira, iri ninamúlakiza ululanga.

Zaburi 28:9

E Nahano, kwokwo ukizagye abandu baawe. Bwo bali buhyane bwawe, ukizi bagashaanira. Ukizi ba mungere wabo, unakizi babegeta imyaka neꞌmyakuula.

Zaburi 30:1

Ulwimbo lwoꞌkushambaalira inyumba mbyahya ya Rurema. Izaburi ya Dahudi.

Kulyoka 10:3

Kwokwo, Musa na Harooni banagenda imwa Faraho, banamúbwira: «E mwami, Nahano Rurema waꞌBaheburaniya, akyula kwokuno: “Ugaahisa halinde mangoki, ugweti ugalahira ukuyibiika haashi imbere lyani? Uleke abandu baani bagendage, gira bagendi nyikumba.

Migani 29:23

Ikyanya umundu ali mu yikangaata, ali mu tindimazibwa. Si ngiisi úli mu yibiika haashi yehe, bali mu múgingika.

Hezekyeri 21:26

«Buno, uyo mwami weꞌBabeeri ahika ha mashangaaniza, analaguza. Na mu kulooza ho agalenga, ali mu shagania imyambi, iri anahanuusa imigisi yage. Anakizi loleekeza kiri na madiku geꞌbitugwa íbyatangwa amatuulo.

Mataayo 23:12

Mukuba, umundu, iri angayikuza, agabiikwa haashi. Haliko, iri angayibiika haashi, lyoki lyo agakuzibwa.

Luka 1:52

Kundu abatwali bagweti bagatwala ku bushobozi bwingi, ali mu batungulula ku bitumbi byabo. Haliko abatuudu, boohe, keera akabakuza.

Luka 14:11

Ee! Umundu, iri angayikuza, agabiikwa haashi. Haliko, iri angayibiika haashi, lyoki lyo agakuzibwa.»

Luka 18:14

Yesu anashubi deta: «Namùbwiraga kwoꞌlya mubuguza, ikyanya akataahira i kaaya, ye kagaluka akoli kwaniini imbere lya Rurema. Si uwabo, nanga! Kwokwo, iri umundu angaba agweti agayikuza, agabiikwa haashi. Haliko, iri angayibiika haashi, lyoki lyo agakuzibwa.»

1 Peturu 5:6

Kwokwo, mukizi yibiika mwiꞌdako lyoꞌbushobozi bwa Rurema. Ye mwene ubukalage, aganamùkuza ku kyanya íkikwaniini.

1 Samweri 2:7

Nahano ye mu keneesa baguma, anagaze abandi. Ali mu tindimaza baguma, anakuze abandi.

1 Samweri 2:9

Ngiisi ábamúyemiiragi, ali mu kizi balanga. Si banangora-mabi boohe, bagaherera mu kihulu. Ndaaye úli mu hima ku misi yage yenyene,