Yakobo 1:26 - Kifuliiru

²⁶ Iri umundu angayibona kwo ali mundu wa Rurema, anabe atagweti agalanga ululimi lwage, uyo ali mu yiteba. Ee! Kundu ali mu yigira mbu akulikiiri Rurema, si kuli kwa busha.

Yakobo 1:26 ပူးပေါင်းရင်းမြစ်များ

Hayubu 15:13

Kituma kiki ugweti ugamúrakarira ku magambo mwene yago? Na kituma kiki gali mu folomboka mu kanwa kaawe?

Hayubu 30:11

Rurema keera anjaagiza imisi, anakola mu nyogogoza. Kyo kitumiri iyo misore igweti igandeera buzira kuyihangirira.

Zaburi 141:3

E Nahano, ukizi langa akanwa kaani. Unakizi kashweka, ndayiji kengeera nadeta buligo.

Zaburi 32:9

Utakizi ba nga fwarasi, kandi iri kiiza kya punda. Si byohe, bitali mu sobanukirwa, bitanganakuyegeera, bítazi tambikwa ibyuma mu kanwa.»

Zaburi 34:13

Mu kati kiinyu, ka hali úloziizi ukutuula bwija? Anabe ali mu yifwija ukubona isiku nyingi nyiija?

Migani 10:19

Ngiisi úli mu tyabiriza ululimi, ali mu yami yifunda mu byaha. Haliko, iri wangahangirira akanwa kaawe, lyoki uli mu ba mwitegeereza.

Migani 10:31

Umundu mwija ali mu deta ku bwitegeereze. Si umunabibeesha, ululimi lwage lugalyosibwa niꞌkeeta.

Migani 14:12

Umundu, mu masu gaage, hali injira yo angabona kwo itungiini, si ku mbeka, inabe ya kumútwala mu lufu.

Migani 15:2

Abitegeereza, ikyanya bali mu deta, bali mu yushuula ubumenyi. Si abahwija boohe, bali vujuuka mu magambo.

Migani 16:10

Mwami ali mu kizi kyula ku burongoozi bwa Nahano. Kwokwo, ikyanya agakizi hana abandu, kukizi ba mu kati koꞌkuli!

Migani 16:25

Umundu, mu masu gaage, hali injira yo angabona kwo itungiini, si ku mbeka, inabe ya kumútwala mu lufu.

Migani 19:1

Kundu umundu angakena, haliko anabe ali mu gira íbikwaniini, ahimiri umuhwija úli mu kizi ravwanga.

Migani 21:26

Ee! Ali mu shiiba agweti agayifwija ibyeꞌngingwe. Si abandu biija boohe, bali mu kizi haana ku mutima úgushenguusiri.

Hisaaya 1:13

Galya matuulo giinyu, si galyagagi ga busha-busha! Aahago! Muleke ukukizi gandeetera! Kiri naꞌmatuulo giinyu goꞌmubadu, gakoli nyagaziizi bweneene. Keera nꞌganekwa neꞌsiku ziinyu ngulu zeꞌmbaluko yoꞌmwezi, na zeꞌSabaato, neꞌzindi siku zoꞌkunyikumba. Yizo siku, kundu mwangadeta kwo ziryagagi ndaluule, si zikoli bihuusiri bweneene. Yizo siku zooshi, ndangaki ziyigenderera!

Hisaaya 44:20

Aahabi! Inzaliro zaabo, ziryagagi ku munyota-kiiko naaho. Umundu mwene uyo, akoli habusiri, atanganahasha ukuyikiza. Anakoli vujuusiri mu bitali nga byo. Mu kati kaabo, ndaaye úwangatumburukwa, mbu adete: «Yoho wee! Kino nvumbiiti, gulyagagi mugisi kafwa-busha!»

Malaki 3:14

Naani, nie Nahano, namùshuvya kwokuno: “Si keera mukadeta: Ukukolera Rurema kutatuhitiiri akamaro. Ee ma! Kundu tusimbahiragi imaaja zaage, tunali mu múyereka kwo twatwikira ku byaha biitu, si ndaabyo tuyungusiri!

Mataayo 15:9

Ukunyikumba kwabo, kulyagagi kwa busha! Neꞌmihango yo bagweti bagayigiriza, ikabiikwa naaho naꞌbandu.”»

Mariko 7:7

Ukunyikumba kwabo, kulyagagi kwa busha! Neꞌmihango yo bagweti bagayigiriza, ikabiikwa naaho naꞌbandu.”

Luka 8:18

«Ngiisi byo mugweti mugayuvwa, mubiyuvwirize bwija! Mukuba, iri umundu angaba akoli hiiti ikindu, ye gayushuulirwa kweꞌbindi. Haliko, iri angaba ndaakyo ahiiti, kiri na hyo atoniri kwo akoli hiiti, agahinyugutulwa.»

1 Bakorindo 15:15

Na kwakundi, twangabonesiri kwo tuli mu tanga ubumasi bweꞌbibeesha hiꞌgulu lya Rurema. Mukuba, tuli mu deta kwo keera akazuula Kirisito mu bafwiri. Haliko iri kwangabiiri kwo abafwiri batagazuuka, iri Kirisito naye, Rurema atakamúzuula.

1 Bakorindo 15:2

Neꞌri mwangakizi gikania, ukukulikirana na ngiisi kwo nꞌgamùyigiriza yo, igamùkiza. Buzira kwokwo, ukugiyemeera kwinyu, kugaaba kwa busha.

1 Bakorindo 3:18

Hataki gire mundu úgayiteba. Mu kati kiinyu, iri umundu angaba ayibwini kwo ali munabwenge ku byeꞌkihugo, akwiriiri ayigire nga muhwija, gira lyo alonga ukuba mwitegeereza nirizina.

Bagalatiya 2:6

Balya bashosi, kundu bâli menyekiini kwo bakulu, ndaakyo kindu kyo bakayushuula ku magambo go ndi mu genda ngayigiriza! Na kundu bo bali mu yimbwa mbu balyagagi bakulu, haliko imwani, ubukulu bwabo, kitâli kindu. Mukuba, Rurema, ndaayo indoola yo ahiiti.

Bagalatiya 2:9

Yakobo, na Peturu, na Yohana, bo bâli menyekiini kwo byo birongoozi. Neꞌri bakabonaga ngiisi kwo Rurema âli mali ngashaanira, banatuhuma mu maboko twe na Barinaaba, banatuyegereza mu ngoome yabo. Twanalagaana kwo twe tugakizi kola mu batali Bayahudi. Nabo banakizi kola mu Bayahudi.

Bagalatiya 3:4

Ikyanya mukalengaga mu galya malibu gooshi, ka kwâli riiri kwa busha? Nanga! Bitangaziziri!

Bagalatiya 6:3

Iri wangayibonaga kwo ukuliiri abiinyu, unabe utali kindu, iri wayihenda wenyene!

Bahefeso 4:29

Mutanakizi ki deta amagambo ágatali nga go. Si mukizi deta naaho amagambo miija, ágangakizi tabaala abandi ku magoorwa gaabo. Kwokwo, ikyanya abandu bagamùyuvwiriza, bakalonge ukukana mu mitima yabo.

Bahefeso 5:4

Mutakizi deta amagambo geꞌshoni, kandi iri goꞌbuhwija, kandi iri goꞌkuyerura. Yago gooshi, gatakwaniinagi mu bandu ba Rurema. Si mwehe, mukizi mútangira kongwa!

Bukengeeze 11:16

«Kwokwo, mukizi ba masu! Hatagirage úgatebeka, mbu ajande Rurema, anabe akola mu kolera ibindi-bindi íbiri mu yikumbwa, kandi iri kubiyikumba.

Bakolosaayi 4:6

Amagambo giinyu, gakizi ba ga kuleeterana imigashani. Ganabe manunu nga muunyu. Kwokwo, ikyanya mugakizi buuzibwa, lyo mugaamenya ukushuvya bwija ngiisi mundu.

Yakobo 1:19

E beene witu bakundwa! Munyuvwirizagye bwija! Hatagire úgakizi deta ku mulindi! Haliko mukizi ba beeshu mu kuyuvwiriza. Mutanakizi ki yagalwa duba.

Yakobo 1:22

Mutakizi yiteba mbu mukizi yuvwa naaho igambo lya Rurema! Si mukizi gira nga kwo lidesiri.

Yakobo 2:20

E muhwija, ka uki loziizi ukuyerekwa kwoꞌbwemeere buzira mikolezi miija butahiiti kamaro?

1 Peturu 3:10

Mukuba, «Iri umundu angalooza ukutuula bwija, anakizi bona isiku nyiija, akwiriiri akizi hangirira akanwa kaage katakizi deta amabi, atanakizi lyalyania.