Yakobo 1:11 - Kifuliiru

¹¹ Ikyanya izuuba liri mu ba keera lyatwa, ikyuka kyalyo kiri mu bogamya imbuto. Utwaso tunaholoke, tunabe tutaki buyahiri. Kwokwo, noꞌmugale naye, ikyanya ali mu ba akiri mu hiduukira mu mikolwa yage, mwomwo mwo ali mu fwira.

Yakobo 1:11 ပူးပေါင်းရင်းမြစ်များ

2 Samweri 22:46

Yabo bandu bakayija bakoli vunisiri imitima. Na ábâli bishamiri, banakizi yibishuula iri banalenga mweꞌkinyukura.

Zaburi 102:11

E Rurema, maashi! Nabonaga kwo ukoli rakiiri bweneene. Keera ukandengeza, wananvugumula hala.

Zaburi 102:4

Isiku zaani, ziri mu yami nyerera nga kyusi. Amavuha gaani, ganakoli duusiri.

Zaburi 103:15

Umwana woꞌmundu, isiku zaage ziryagagi niini bweneene, nga kishuka, zinali mu lenga duba nga twaso.

Zaburi 37:2

Si bagakuluuduka nga kishuka, banahangalale nga byasi.

Zaburi 39:6

Isiku zaani, si ziri niini bweneene, zinakwiziri ha fune. Ee! Imyaka yani yoshi, iri nga ndaayo. Ubulamu bwoꞌmundu, buli mu lenga nga úwayisa umuuka liguma naaho.»

Zaburi 90:6

Kundu kiri mu ba kidohiri bweneene, haliko kabigingwe, kiri mu ba keera kyaholoka, kinayume.

Mwigiriza 5:15

Yibi nabyo, biri mu tuvuniisa umutima. Ngiisi kwaꞌbandu bakayija, kwo na kwokwo bali mu galuka. Aaho! Bali mu ba balongaga bunguke buki? Bagweti bagakizi shaha ikyuya naaho, nga mundu woꞌkulooza ukugwata imbuusi.

Hisaaya 28:1

Yayewe imwaꞌkaaya keꞌSamariya! Si abatuulaga baamwo, Abahifurahimu, balyagagi balalwe! Banagweti bagayihaya, mbu kalimbiri ngoꞌlushembe, na mbu ho kayubasirwi, hayinamusiri mu ndekeera íri mweꞌnagiira. Kundu kwokwo, kakola ngoꞌtwaso útukoli yumagusiri. Yako kaaya koonyene, yubwo bulalwe bwo bugakatindimaza.

Hisaaya 28:4

Yako kaaya, kundu kâli limbiri nga lushembe úlukalukwa noꞌtwaso twija-twija, lwanâli teresirwi mu ndekeera íri mweꞌnagiira, haliko yutwo twaso tukola mu yumaguka. Yako kaaya kashushiini noꞌmutiini úgwakoma imbere lyeꞌkyanya. Ngiisi úli mu gubona, ali mu yami gutwa, anagulye.

Hisaaya 49:10

Batanâye ki shalike, kandi iri kunyooterwa. Batanâye ki hiire neꞌdugumbo yiꞌzuuba, kandi iri neꞌmbuusi nduutu. Ndi mu bayuvwira indengeerwa. Kwokwo, nienyene ngakizi barongoora, na mbahise ha shyoko zaꞌmiiji.

Mataayo 20:12

“Yaba wazindi biika mu mukolwa, si bakola kihe kiguma naaho! Wanatuyumaania imbembo, twe twashiiba tugweti tugahimbuka ku kirugu-rugu kiꞌzuuba!”

Mataayo 6:30

«Kwokwo, kwo Rurema ali mu limbiisa ibyasi bya mu kishuka. Yibyo byasi, zeene biri ho. Na kusheezi, binakabulwe mu muliro. Aahago! Ka itali yo haahe kwo na niinyu agakizi mùyambika. Si ubwemeere bwinyu, buki niihiri bweneene!

1 Bakorindo 7:31

Na ábagweti bagadandaza, nabo batabuyitange mwo lwoshi. Mukuba, kino kihugo nga kwo kiri, kikola kigaamala.

1 Peturu 1:4

Tunakoli bikiirwi byo twâye longe mwiꞌgulu. Bitâye shereere, bitanâye vunde, bitanâye fwifwitire.

1 Peturu 5:4

Ikyanya Umungere Mukulu agaboneka, lyo mugahaabwa ulushembe lwoꞌbulangashane, lutanâye fwifwitire.