Sefaniya 3:6 - Kifuliiru

⁶ Nahano adetaga kwokuno: «Keera najigiivya abandu ba mu mahanga mingi. Inyumba zaabo, kundu zâli riiri ngomu, keera nazishereeza. Injira zaabo, nazisiga mushaka, zitanakiri mu lenga mwoꞌmundu yeshi. Utwaya twabo, keera tukasigwa mushaka, ndaanaye úki tutuuziri mwo.

Sefaniya 3:6 ပူးပေါင်းရင်းမြစ်များ

Hisaaya 14:26

Yibyo byoshi, kwokwo kwo ngoli bishungisiri, hiꞌgulu lyaꞌmahanga gooshi. Mukuba, ngoli loziizi ukuhana abandu baago booshi.

Hisaaya 37:36

Mu bwobwo bushigi, umuganda wa Nahano anayingira mu shumbi yaꞌBahasuriya, anayita mwaꞌbandu bihumbi igana na makumi galimunaana na bitaanu. Iri bukakya, ku kyanya abandu bakiri mu vyuka, banagwana birya birunda byoshi bilambamiri haashi.

Hisaaya 6:11

Nanabuuza: «E Nahamwitu, yibyo byoshi, ngwiriiri ukukizi bigira, halinde mangoki?» Naye, ti: «Ukizi giraga kwokwo, halinde ku kyanya utwaya twabo tugaaba tusigiiri mushaka. Neꞌnyumba zaabo, zinasigale biguuka. Neꞌkihugo kyabo kinasherebere lwoshi-lwoshi.

Yeremiya 9:12

Nahano anashubiza, ti: «Íbitumiri bikolaga kwokwo, bweꞌkyanya nꞌgaheereza abandu baani imaaja, batakazitwaza, banazijajaaka.

Balaawi 26:31

«Utwaya twinyu tuhamu, ngatujigiivya. Na ho mugweti mugayikumbira imigisi, ngahahindula libe ishamba. Na kundu mugakizi ndangira amatuulo goꞌkusiriiza, imishiiriri yago itaganzimiisa.

Sefaniya 2:5

E Bafirisiti, mwe mutuuziri ku butambi bweꞌnyaaja, na mu kaaya keꞌKaanani! Na niinyu kwakundi, mukolaga mugaahanwa. Ee! Nahano akola agamùminika, hataganasigala kiri na woꞌmuti!

Zakariya 7:14

Nanabashabulira hala mu mahanga, banagendi tuula yo nga binyamahanga. Ikihugo kyo bâli siziri, kyanahinduka mushaka. Ndaaye mundu úkakilenga mwo. Emwe! Kirya kihugo, kundu kyâli simisiizi, haliko kyanaba kikolaga ishamba naaho.»

Mataayo 23:38

Aahago! Mumenye bwija, kweꞌnyumba yinyu, ikola igaasigwa mushaka!

1 Bakorindo 10:11

Yibyo byoshi, ikyanya bikakoleka imwabo, byanayandikwa, gubaagage mugani gwoꞌkutukengula, twe tukoli tuuziri mu siku zeꞌmberuuka.

1 Bakorindo 10:6

Yabo bandu, bâli kizi hemurwa naꞌmabi. Neꞌri bakagira kwokwo, gwanaba mugani gwoꞌkutukengula, gira nyiitu tutakizi hemurwa.

Yoshwa 23:4

Iyo milala yo tukaminika, keera namùheereza ibihugo byayo. Kiri neꞌbihugo byeꞌmilala íkisigiiri, namùsikiiriza byo, bube buhyane bwinyu. Iyo milala ítonderiiri ku lwiji Yorodaani, halinde ukuhisa uluhande lweꞌmuga, ku Nyaaja Mediterane.