Sefaniya 3:16 - Kifuliiru

¹⁶ Si yulwo lusiku, abandu beꞌYerusaleemu bagabwirwa, ti: «E bandu beꞌSayuni, mutaki yobohe. Mutanaki vunike umutima.

Sefaniya 3:16 ပူးပေါင်းရင်းမြစ်များ

Hayubu 4:3

We wâli kizi yigiriza abandu bingi. Aaho! Naawe, uyuvwirizagye. Si ikyanya abandu bâli yiyuvwiti ubukaholwe, wanakizi bakania indege.

Hisaaya 25:9

Ku yikyo kyanya, abandu bagadetaga, ti: «Rurema witu, uyo! Ye twâli lindiiri kwo agatukiza. Na buno, keera atukiza. Aaho! Tushambaale mu kati kaꞌmalega.»

Hisaaya 40:9

E Sayuni, ulyagagi ndumwa yoꞌkuleeta Imyazi Miija. Kwokwo, uzamuukirage kwiꞌrango lyoꞌmugazi, gira ugimenyeese. E Yerusaleemu, ugendi berangira, utanagire mbu uyobohe. Ugendi bwira utwaya tweꞌBuyuda: «Lola! Rurema winyu, yonago!»

Hisaaya 41:10

Aaho! Bwo nyamiri tutuliinwi, mutakizi yoboha. Ndi Rurema winyu! Ku yukwo, mutashenguke. Ngakizi mùkania, iri ninamùtabaala. Ninamùsikamye, mu kukoleesa ubushobozi bwani.

Hisaaya 44:2

E beene Yakobo, keera nꞌgamùbumba, nanamùtoola. Na buno, mukola bakozi baani. Kiri neꞌkyanya mutâli zaazi butwa, nâli kizi mùlanga mu nda. Kwokwo, mutayobohe! Mukuba, ngakizi mùtabaala.

Hisaaya 54:4

Utayobohe, utanavunike indege! Mukuba, utâye ki yagagale, kandi iri kugayirizibwa. Kundu ukateezibwa ishoni mu busore bwawe, yibyo byoshi, ukola ugabiyibagira. Na kundu ukahonyolezibwa bweneene, mbu bwo ulyagagi namufwiri, birya byoshi, utâye ki bikengeere.

Yuheeri 2:21

E bandu baani, mutaki yobohe! Haliko, mushambaalage, iri munabanda akabuuli. Mukuba, Nahano akagira amagambo gaꞌkahebuuza.

Zakariya 8:13

«E bandu beꞌBuyuda, naꞌbeꞌHisiraheeri, kundu amaziina giinyu gâli kizi koleesibwa mu gandi mahanga ngiꞌdaaki, halikago buno, ngolaga ngamùkiza. Munaleete imigashani mu bandi bandu. Ku yukwo, mutaki yobohage! Si muyihe ikise!»

Yohana 12:12

Iri bukakya, abandu bingi bweneene bâli vyeziri i Yerusaleemu ku Pasaka, banayuvwa kwo Yesu naye akola mu njira yoꞌkuyija yo.

2 Bakorindo 4:1

Bwo Rurema ye katubiika mu yugu mukolwa ku lukogo lwage, tutali mu yihebuura.

Bagalatiya 6:9

Ikyanya muli mu gira amiija, mutakizi luha! Mukuba, iri twangakizi yihangaana mu kugira amiija, twâye galongere mweꞌmimbu ku kyanya íkikwaniini.

Bahefeso 3:13

Kundu ngweti ngalibuukaga hiꞌgulu liinyu, namùyinginga kwo mutavunike imitima. Mukuba, yaga malibu gaani, go gali mu mùleetera ubulangashane.

Baheburaniya 12:12

Ku yukwo, kundu mukoli yolohiri, musikamagye amaboko giinyu, kiri naꞌmadwi giinyu!

Bwigule 2:3

Na kundu muli mu himbuka hiꞌgulu liꞌziina lyani, halikago, muki gweti mugagooyera ku bwigenderezi, buzira kugagara.