Sefaniya 3:13 - Kifuliiru

¹³ Abahisiraheeri ábagaaba basigiiri, batagaki huba, batagaanaba banabibeesha, bataganaki henderezania. Si bagakizi longa ibyokulya, banagwejere. Ndaanaye mundu úgayiji bateera ikyoba.»

Sefaniya 3:13 ပူးပေါင်းရင်းမြစ်များ

2 Kutondobola 20:30

Uyo Yehoshafaati yehe, Rurema anamúluhuusa imbande zooshi, anatwala mu kati koꞌbutoge.

Hayubu 11:19

Neꞌkyanya ugakizi gwejera, utagateerwa noꞌmundu yeshi. Abandu bingi bagakizi yiji kutabaaza.

Zaburi 119:3

Yabo bandu, ndaago mahube go bali mu gira. Si bagweti bagakulikira ibyeꞌmwage naaho!

Zaburi 120:2

E Nahano, buno kandi, abandu bagweti bagambeeshera, banali mu teberezania. Aahago! Ungizagye, maashi!

Zaburi 120:3

E batebesi, kuti kwo Rurema agamùgira, halinde muhanirizibwe lwoshi-lwoshi?

Zaburi 23:2

Ali mu mbwataza mu ndaraara yoꞌbwasi úbudohiri, anali mu ndongoora halinde ha lwiji úlutuziizi.

Hisaaya 17:2

Kiri noꞌtwaya twa mu mbande zeꞌHaroweri tugaashaka. Ha nyuma, ibibuzi binakizi ragirira mu njira zaatwo. Ndaanaye mundu úwâye bikakaze.

Hisaaya 35:8

Iyo munda igaaba injira mbamu. Iyo njira, iziina lyayo «Njira yaꞌbataluule bali mu lenga mwo». Abandu ba Rurema naaho, bo bagagilenga mwo. Si abanabitalaalwe boohe, batâye hanguulwe. Kiri naꞌbahwija, ndaaye úgagiterekera mwo.

Hisaaya 54:14

Ugakizi sikama mu bikwaniini, halinde utaki hahazibwe naꞌbagoma. Utanaki be noꞌlushunguti, mbu uyobohe ikindu kyoshi. Ikyoba kigaamala.

Hisaaya 6:13

Yikyo kihugo, kundu kyangasigiiri mwaꞌbandu nga kihande kiguma kiꞌkumi, si kigaki shubi shereezibwa ngana! Yabo Bahisiraheeri bagaaba bakola nga kiti kyoꞌmwalooni, ku kyanya kyakubwa, kinasigalire ku naludakwe. Kwokwo yabo bandu nabo, bagasigala nga naludakwe. Uyo naludakwe agaki mina kweꞌshibwe litaluule.»

Hisaaya 60:21

«Mweshi mugakizi gira íbikwaniini, munahyane ikihugo imyaka neꞌmyakuula! Mugaaba ishibwe lyo nꞌgayibyalira. Mukuba, nꞌgamùbumba naꞌmaboko gaani, gira mukizi mbuuza.

Hisaaya 63:8

Nahano adetaga kwokuno: «Ku kasiisa, yaba Bahisiraheeri bali bandu baani, ndaanakyo kyanya bâye nyihindulire.» Kyo kitumiri Nahano agabakiza.

Hisaaya 65:10

Haaho, bagakizi ragirira ibitugwa byabo mu ndekeera yeꞌSharooni. Neꞌngaavu zaabo, zigakizi vyagira mu yeꞌHakoori. Yaho handu, hagasigala kihugo kya ngiisi ábaloziizi ukukizi ngulikira.

Yeremiya 30:10

«E beene Yakobo, muli bakozi baani! Ku yukwo, mutayobohe. E Bahisiraheeri! Mutavunike indege.» Kwokwo, kwo Nahano adesiri. «Ngamùlyosagya mu buja i mahanga. Kiri naꞌbaana biinyu, bagalyoka yo. Beene Yakobo bagashubi tuula ku butoge, mu kati koꞌmutuula. Ndaanaye mugoma úgashubi bateera ikyoba.

Yeremiya 31:33

Nahano ashubi detaga kwokuno: «Ku yikyo kyanya, ikihango kyo nganywana naꞌBahisiraheeri, kyo kyekino: Imaaja zaani, ngola ngaziyandika mu menge gaabo, na mu mitima yabo. Ngaaba Rurema wabo. Nabo, banabe bandu baani.

Hezekyeri 39:26

Ikyanya bagaaba bakoli tuuziri mu kati koꞌmutuula mu kihugo kyabo, buzira kushubi kakazibwa, lyo bagayami yibagira ngiisi kwo bakahuna imbere lyani, na ngiisi kwo bakateezibwa ishoni.

Balaawi 26:6

«Ngamùleetera umutuula, munakizi gwejera buzira kuyikanga-kanga. Ninamùyimulire inyamiishwa ndangi. Kiri naꞌbagoma, batagakizi yiji mùteera.

Mika 4:4

Si ngiisi mundu agakizi luhuukira mwiꞌdako lyeꞌmizabibu yage, neꞌmizehituuni yage. Ndaakiye mundu úgaki bateera ikyoba. Yaga gooshi, Nahano woꞌbushobozi bwoshi, ye gadesiri.

Mika 4:7

Ee! Balya ábakalemaha, ngakizi balanga. Na kundu bâli yimwirwi, ngashubi bakania, gube mulala gweꞌmisi. Nie Nahano ngaaba mwami wabo ku mugazi gweꞌSayuni, ukulyokera zeene, halinde imyaka neꞌmyakuula!

Mika 7:14

E Nahano! Ukizi langa abandu baawe. Si biryagagi bibuzi byawe. Na bwo bikoli rambiri byonyene mu lubako, ukizi bilanga neꞌngoni yawe. Leka bikizi ragirira ubwasi, áhayeziri i Bashaani neꞌGiryadi nga kwo byâli kizi gira yaho keera.

Sefaniya 2:7

Abayuda ábasigiiri, nabo bagakizi hashumbika. Ee! Bagakizi ragirira heꞌbitugwa byabo. Bushigi, bagakizi gwejera mu nyumba ízikasigwa mu kaaya keꞌHashikelooni. Mukuba, Rurema Nahamwabo, agabatanduula, anakizi bagenduusa, halinde banashubi tuula bwija nga kwo bâli tuuziri ubwa mbere.

Sefaniya 3:5

Kundu kwokwo, kalya kaaya, Nahano aki katuuziri mwo, anayamiri ali woꞌkuli. Yehe, ndaakyo kyanya ali mu gira igambo íritakwaniini. Ngiisi lusiku shesheezi, ali mu twa imaaja mu kati koꞌkuli, anayamiri ayemiirwi. Halikago, abakozi baꞌmabi boohe, ndaazo ishoni bayuvwiti, kiri neꞌhiniini.

Zakariya 8:12

«Buno, mukolaga mugashubi byala imbuto mu kati koꞌmutuula. Invula igashubi nia, halinde imizabibu inashubi tongeka ku bwingi. Ee ma! Idaho ligashubi yeza. Iyo migashani yoshi, abandu baani ábakoli sigiiri, bagaki gibona.

Zakariya 8:16

Si mukizi gira kwokuno: Ngiisi muguma winyu, akizi deta ukuli imbere lyoꞌwabo. Neꞌkyanya mugabuulania, mukizi twa imaaja ku njira íkwaniini, halinde abandu bakizi tuula mu mutuula!

Zakariya 8:3

Kyo kitumiri nadetaga kwokuno: Ngagalukira i Yerusaleemu, na njubi tuula mwo. Iyo munda i Yerusaleemu igashubi detwa Kaaya kemeera. Umugazi gwani Sayuni, gugakizi detwa Mugazi mweruusibwa.»

Mataayo 13:41

«Mukuba, Umwana woꞌMundu agatuma abaganda baage, banashaaze mu bwami bwage ngiisi ábagweti bagahubiisania, na banangora-mabi booshi.

Yohana 1:47

Uyo Natanaheri, iri Yesu akamúbona agweti agamúyijira, anadeta: «Lolagi! Uyu, ali Muhisiraheeri nirizina. Ndaanabwo bulyalya úbumúli mwo.»

Bakolosaayi 3:9

Mutanakizi ki besherana. Mukuba, keera mukatwikira ku ngesho ziinyu mbi za keera.

1 Peturu 3:14

Na kundu mwangalibuzibwa hiꞌgulu lyaꞌmiija, muhiriirwi. «Mutakizi bayoboha, mutanakizi gerania.»

1 Yohana 5:18

Tuyiji kweꞌri umundu angaba akola mwana wa Rurema, atangaki genderera ukukizi giriirira ibyaha. Mukuba, Umwana wa Rurema akoli múlaaziri. Noꞌlya mubi, ndaakwo kwo angamúgira.

Bwigule 14:5

Mu kati kaabo, ndaaye úwâli kizi beesha. Ndaanabwo buhube úbubali mwo.

Bwigule 21:27

Haliko, mu bidwakiiragi, ndaakyo íkyâye yingire mwo. Ndaanaye umunabihigo yeshi, úwâye fine mwo, kandi iri umutebani. Ábagakayingira mwo naaho, bali baabalya baꞌmaziina gaabo gali mayandike mu kitaabo kyoꞌbulamu kyeꞌKyanabuzi.

Bwigule 21:8

Haliko, abahemu boohe, ahandu haabo hagaaba mwiꞌrya nyenga yoꞌmuliro kwo guli mu yaka bweneene. Bagalashwa mwo, kuguma na ábatali mu mbiika kwoꞌbwemeere, naꞌbanabitalaalwe, na ábali mu yitana, na ábali mu yerula, na ábali mu logana, na ábali mu yikumba imigisi, na ábali mu beesha booshi. Yulwo, lwo lugaaba ulufu lwa kabiri.»