Sefaniya 3:12 - Kifuliiru

¹² Ngiisi ábagasigala, bagaaba bali batuudu, iri banakizi yibiika haashi. Boohe, bo bagaaba bakoli biisiri umulangaaliro imwa Nahano.

Sefaniya 3:12 ပူးပေါင်းရင်းမြစ်များ

Hizira 9:8

«E Rurema Nahamwitu, lolaga! Mu zino siku ngerwa kandi, keera watuyereka ubwija bwawe. Wanahanguula kwo baguma biitu tusigale tukiri bagumaana, tunayiji hunguuka mu kihugo kyawe. E Rurema witu! Keera ukatushaaza mu buja. Amasu giitu, ganakoli ba kandi mwoꞌmulengeerwe.

Zaburi 37:40

Yabo bandu, Nahano agweti agabatabaala, anali mu bakiza. Ali mu bakiza mu banangora-mabi, halinde banaguluulwe. Na íbitumiri ali mu bakiza, bwo bali mu mútibitira.

Hisaaya 14:30

Abakeni, kundu bakekeriiri bweneene, bagaki yiguta. Na kundu balyagagi banakahuku, si bagaki ramba mu kati koꞌbutoge. Halikago mwehe, mwe Bafirisiti, abandu biinyu ábagasigala, ngabayitiisa umwena. Ee! Ngiisi úgasigala mu kati kiinyu, ngamúyita ngana.

Hisaaya 14:32

Aaho! Yizo ndumwa ízilyosiri mu Bafirisiti, kutagi kwo tugabashuvya? Tubabwirage kwokuno: «Akaaya keꞌSayuni, Nahano yenyene keera akakasikamya. Abandu baage bakeni, bagakizi katibitira mwo, halinde balongage ukulangwa bwija.»

Hisaaya 29:19

Ngiisi ábatindimaziibwi, Nahano agabashambaaza. Na ábakekeriiri bagashambaala mu kati ka Rurema, Umutaluule waꞌBahisiraheeri.

Hisaaya 50:10

Mu kati kiinyu, nyandagi úyobohiri Nahano, anabe asimbahiri umukozi wage? Iri wangaba ukiri mu genda mu kihulu buzira itara, ugire ukizi yihega ku Nahano Rurema, unamúbiike kwoꞌmulangaaliro.

Hisaaya 6:13

Yikyo kihugo, kundu kyangasigiiri mwaꞌbandu nga kihande kiguma kiꞌkumi, si kigaki shubi shereezibwa ngana! Yabo Bahisiraheeri bagaaba bakola nga kiti kyoꞌmwalooni, ku kyanya kyakubwa, kinasigalire ku naludakwe. Kwokwo yabo bandu nabo, bagasigala nga naludakwe. Uyo naludakwe agaki mina kweꞌshibwe litaluule.»

Yeremiya 17:7

Haliko, ngiisi úbiisiragi umulangaaliro imwa Nahano, yehe, agaaba agashaniirwi.

Yeremiya 50:20

Mu yizo siku, kundu abandu bangalooza ukubona amabi mu kihugo kyeꞌHisiraheeri, batagagabona. Neꞌri bangalooza ukubona ibyaha mu kyeꞌBuyuda, batagabibona. Mukuba, ngaasiga abandu baani bagerwa, na mbakejeerere.» Kwokwo, kwo Nahano adesiri.

Hezekyeri 6:8

«“Kundu kwokwo, ngaaleka baguma biinyu bafuushuke ingooti, banagendi shabulirwa mu mahanga.

Mika 5:6

Abahisiraheeri ábagaaba basigiiri, bagayiji gingikwa mu mahanga. Bagaaba nga kimi kya Nahano, kandi iri nga mitonyi yeꞌnvula ku byasi. Ndaaye mundu úwangabahangirira, kandi iri ukubatindiisa.

Nahumu 1:7

Nahano ali mwija. Ikyanya abandu bali mu libuuka, bakwaniini batibitire imwage. Ikyanya bali mu múbiika kwoꞌmulangaaliro, ali mu kizi bahahala.

Zakariya 11:11

Ee! Ku kyekyo kyanya, lyo nayami kihongola. Ngiisi bibuzi íbiri mwoꞌbukaholwe, byanayami sobanukirwa kwo Nahano ye wambwira ukugira kwokwo.

Zakariya 11:7

Kwokwo nanagendi ba mungere wa yibyo bibuzi byo yabo badandaza keera balingikania gira bigendi tongeerwa. Nanayabiiraga ingoni zibiri. Ngoni nguma, nanagihamagala Bugashaane. Neꞌgindi, Buguma. Kwokwo, nanagendi langa ibibuzi.

Mataayo 11:5

Ábashuba mbumi, bakola mu bona. Na ábashuba tundende, bakola mu genda. Na ábashuba noꞌmubembe, keera bakizibwa. Na ábashuba babitwitwi, bakola mu yuvwa. Kiri na ábatákoli fwiri, bagweti bagazuulwa. Naꞌbakeni, bagweti bagamenyeesibwa Imyazi Miija.

Mataayo 12:21

Abapagaani booshi, bagakizi múbiika kwoꞌmulangaaliro.»

Mataayo 5:3

«Bahiriirwi, ábali mu yimenya kwo bali bakeni ku byoꞌmutima! Boohe, bo beene ubwami bwa mwiꞌgulu.

Barumi 15:12

Hisaaya naye adesiri: «Mwiꞌkondo lya Yese, mwo mugalyoka mundu muguma. Ye gayimikwa abe mutwali wa ábatali Bayahudi, halinde bakizi múbiika kwoꞌmulangaaliro.»

Yakobo 2:5

E beene witu bakundwa! Munyuvwirize bwija! Ngiisi ábali mu bonerwa mu kihugo kwo bali bakeni, baabo bo Rurema keera akatoola kwo bo bagaaba bagale ku bwemeere. Ee! Bwo bakuuziri Rurema, bagahaabwa ubwami bwo akatulagaania.

1 Peturu 1:21

Kunali ku njira ya Kirisito kwo muyemiiri Rurema. Neꞌkyanya Rurema akamúzuula mu bafwiri, anamúkuza mu bulangashane. Kwokwo, mubiikage ubwemeere bwinyu, noꞌmulangaaliro gwinyu, imwa Rurema.