Sefaniya 3:11 - Kifuliiru

¹¹ «E bandu beꞌYerusaleemu, kundu mwâli kizi mbubira, haliko ku yulwo lusiku, mutâye ki teerwe neꞌshoni. Mu kati kiinyu, ngiisi ábagweti bagayiheemya, noꞌkuyidundulika, ngabashaaza mu kati kiinyu. Ndaanaye úgakizi yikangaata ku mugazi gwani mweru.

Sefaniya 3:11 ပူးပေါင်းရင်းမြစ်များ

Zaburi 131:1

Izaburi ya Dahudi. Luli mu yimbwa na ábali mu zamuukira i Yerusaleemu. E Nahano, ndali mu yiheemya mu mutima gwani. Kiri naꞌmasu gaani, gatali mu negurana. Ndagweti ngaalola ku magambo mahamu, kandi iri ku bya kahebuuza íbindeeziri ulugero.

Zaburi 49:5

Ee! Ngamúsobanulira imigani. Kiri neꞌsakuuzo, ngazirimbuula, mu kulasa ikinubi.

Zaburi 59:12

E Nahano, utalunguli bayita, gira abandu bakizi bakengeera. Ubashaabule naaho, gira bakizi genda bagajeba-jeba. Unakizi batindimaza ku bushobozi bwawe.

Hisaaya 11:9

Mu mugazi gwani mweru, batagaki komeresania, kandi iri kushereezania. Nga kweꞌnyaaja iyijwiri mwaꞌmiiji, kwo na kwokwo, neꞌkihugo kyoshi kigayijula mwaꞌbandu ábakoli yiji Nahano.

Hisaaya 2:12

Ngiisi ábagweti bagayikuza, mu lwolwo lusiku, Nahano woꞌbushobozi bwoshi agabahana, anabatindimaze.

Hisaaya 45:17

Si Abahisiraheeri boohe, keera Nahano akabakiza halinde imyaka neꞌmyakuula. Batâye ki longe ishoni, batanâye ki teteerwe.

Hisaaya 5:15

Abandu booshi bagaki biikwa haashi. Kiri naꞌbanabwikangaate booshi, nabo, bagaki teezibwa ishoni.

Hisaaya 54:4

Utayobohe, utanavunike indege! Mukuba, utâye ki yagagale, kandi iri kugayirizibwa. Kundu ukateezibwa ishoni mu busore bwawe, yibyo byoshi, ukola ugabiyibagira. Na kundu ukahonyolezibwa bweneene, mbu bwo ulyagagi namufwiri, birya byoshi, utâye ki bikengeere.

Hisaaya 56:7

Yibyo binyamahanga, ngabileeta ku mugazi gwani mweru, na mbishambaaze mu nyumba yani yaꞌmahuuno. Ikyanya bigatanga amatuulo goꞌkusiriiza lwoshi, kuguma naꞌgandi matuulo, yibyo byoshi biganzimiisa. Inyumba yani igakizi buuzibwa: Nyumba yaꞌmahuuno imwaꞌbandu beꞌmilala yoshi.

Hisaaya 61:7

Nahano adeta kwokuno: «Abandu baani, kundu abagoma bâli kizi bateeza ishoni, halikago, bagaki longa ibindu bingi ubugira kabiri, banashambaalire ubuhyane bwabo. Ee! Bagahaabwa amahyane gabiri, halinde banashambaale imyaka neꞌmyakuula!

Yeremiya 13:9

«Abandu beꞌYerusaleemu, kiri naꞌbandi Bayuda, kwokwo kwo ngabashereeza. Si bagweti bagayikangaata bweneene,

Yeremiya 7:4

Mutanahendwe naꞌmagambo gaꞌbandu bagweti bagakizi deta, mbu: Ino Nyumba ya Nahano, iri yeꞌmwage yenyene! Iri yeꞌmwage. Ee! Iryagagi ya Nahano!

Hezekyeri 20:40

E Bahisiraheeri! Mweshi, mwâye gendi ngolera ku mugazi gwani mweru, gulya mugazi gwaꞌBahisiraheeri. Kwokwo, kwo nie Rurema Nahamwinyu ndesiri. «Ku yugwo mugazi, ho nâye mùyakiirire. Ho nganalinda kwo mundeetere amatuulo giinyu gooshi, ngiisi ágakwaniini, ganabe mataluule.

Hezekyeri 24:21

mbwire Abahisiraheeri kwokuno: “Rurema Nahamwitu adetaga kwokuno: Ngayulubaza inyumba yani, kundu mugweti mugayikangaata hiꞌgulu lyayo, iri munagilangaalira. Neꞌkyanya muli mu kizi gilola-lola kwo, munashambaale bweneene! Kundu kwokwo, bagala biinyu na banyere biinyu ábakasigala i Yerusaleemu, bagayitwa ku ngooti.

Danyeri 9:16

Yibyo byaha biitu, kuguma noꞌbuligo bwa bashokuluza biitu, byo bitumiri akaaya keꞌYerusaleemu kakola mu kizi gayirizibwa naꞌbandu baꞌmahanga gooshi. Naꞌbandu baawe, bagweti baganegurwa. «“E Nahamwitu! Ukukulikirana na ngiisi kwo uli mu gira íbikwaniini, utaki gwatwe noꞌbute hiꞌgulu liitu. Si akaaya kaawe Yerusaleemu, kali ku mugazi gwawe mweru!

Danyeri 9:20

«Kwokwo, kwo nâli gweti ngahuuna Rurema Nahamwitu mu kuyilega ibyaha byani, kuguma neꞌbyaha byaꞌbiitu Bahisiraheeri. Nanâli kizi huunira kiri noꞌmugazi gwage mutaluule.

Mika 3:11

E batwi beꞌmaaja! Si mu kukizi twa imaaja, mugweti mugalooza ibitulire. Na niinyu, mwe bagingi! Si muli mu yigiriza naaho, mu kulooza imbembo. Na niinyu, mwe baleevi! Si mutali mu tanga ubuleevi, buzira kuhembwa. Kundu kwokwo, mweshi mudesiragi mbu: «Si tuyegamiiri Nahano. Ali hano kuguma na nyiitu, ndaanayo nguuke yo tugalonga.»

Muharuuro 16:3

Yabo booshi, banayiguga imbere lya Musa na Harooni, banababwira: «Keera mwakavya. Si Abahisiraheeri booshi balyagagi bataluule! Ngiisi muguma wabo, Nahano bayamiinwi. Aahago! Kutagi mwehe mugweti mugayikuza, ukuhima abandi bandu booshi ba Nahano?»

Mataayo 3:9

Mutanakizi bwirana, mbu: “Twehe, shokuluza witu ye Hiburahimu.” Namùbwira, kwo Rurema ashobwiri ukulyokeza Hiburahimu abaana, kiri na mu yaga mabuye!

Barumi 2:17

Aaho! Kutagi naawe? Ugweti ugayihaya kwo uli Muyahudi, na kwo uli mundu wa Rurema. Mbu unagweti ugayihega ku maaja za Musa.

Barumi 9:33

nga kwo biyandisirwi mu Mandiko Meeru: «Lolagi! Mu kaaya keꞌSayuni, keera nabiika mwiꞌbuye lyoꞌkusiitaza, noꞌlwala lwoꞌkugwisania. Kundu kwokwo, iri umundu angamúbiika kwoꞌbwemeere, atâye boneesibwe ishoni!»

1 Peturu 2:6

Mukuba, biyandisirwi mu Mandiko Meeru kwokuno: «Lolagi! Keera nꞌgatoola ibuye lyaꞌkamaro. Linali lyo ngayubaka mwaꞌkagongo koꞌlutaliro mu kaaya keꞌSayuni. Umundu, iri angamúyemeera, atâye boneesibwe ishoni.»