Sefaniya 2:8 - Kifuliiru

⁸ «E bandu baani, ikyanya Abamohabu bâli kizi mùhonyoleza, nâli yuvwiti. Nꞌganayuvwa neꞌkyanya Abahamooni bâli kizi mùtuka. Bâli gweti bagakizi gayiriza abandu baani, iri banayiji bagaaza ikihugo kyabo.»

Sefaniya 2:8 ပူးပေါင်းရင်းမြစ်များ

Ndondeko 19:37

Ulya munyere wage woꞌlubere, anabuta umwana woꞌbutabana, anamúyinika iziina Mohabu (kuli kudeta: ye abuta na yishe). Yoyo, ye shokuluza waꞌBamohabu, halinde zeene.

Ndondeko 19:38

Munyere wage woꞌmuzibo, naye anabuta umwana woꞌbutabana, anamúyinika iziina Beni-Hami, (kuli kudeta: mwana weꞌmbaga yani). Yoyo naye, ye shokuluza waꞌBahamooni, halinde zeene.

Hisaaya 15:1

Ino ndumwa ya Rurema, iri hiꞌgulu lyeꞌkihugo kyeꞌMohabu. Akaaya keꞌHari naꞌkeꞌKiiri, twombi tukashaabulwa, twanayami shereezibwa mu bushigi buguma naaho.

Hisaaya 16:6

Keera tukayuvwa kwaꞌBamohabu bali mu yikangaata, na kwo bali banabihayo, banali mu gayirizania. Kundu kwokwo, yubwo bwikangaate, bulyagagi bwa busha.

Yeremiya 12:14

Nahano adetaga kwokuno: «Yibyo binyamahanga bibi íbituuziri ha butambi lyaꞌbandu baani Abahisiraheeri, keera byashereeza ikihugo kyo nꞌgabaheereza. Ku yukwo, nabyo ngabishikula mu bihugo byabyo. Na ngize beene Yuda mu maboko gaabyo.

Yeremiya 48:1

Ino ndumwa, iryagagi hiꞌgulu lyeꞌkihugo kyeꞌMohabu. Nahano woꞌbushobozi bwoshi, Rurema waꞌBahisiraheeri, agitangaga kwokuno: «Ali yayewe, imwaꞌbandu baꞌkaaya keꞌNebo! Si bagashereezibwa lwoshi-lwoshi! Kiri naꞌbandu beꞌKiryatayimu, nabo akaaya kaabo kagagwatwa, banateezibwe ishoni. Kiri neꞌnzitiro zaako, abagoma bagazihongola.

Yeremiya 49:1

Nahano adetaga hiꞌgulu lyaꞌBahamooni kwokuno: «Abahisiraheeri, bakolaga hayi? Ka ndaaye úsigiiri, mbu ahyane ikihugo kyabo? Aahago! Kituma kiki bakaleka Abahamooni bayabiire ikihugo kyeꞌGiryadi? Yabo Bahamooni, bagweti bagayikumba umuzimu Mirikomu, bo banakoli tuuziri mu twaya twaꞌBagaadi!»

Kimombo 3:61

E Nahano! Ikyanya bâli kizi nduka, ukayuvwa! Unayiji bwija ngiisi kwo bâli kizi njungikira amabi.

Hezekyeri 21:28

«Yugwo mwambi, ngiisi byo gugayerekana, balya bandu beꞌYerusaleemu bagaatona kwo biri bya bibeesha. Mukuba balya Bababeeri, Abahisiraheeri bâli mali biika indahiro kwo bagakizi bakolera. Kundu kwokwo, uyo mwami agabakengeeza ngiisi kwo bâli kizi huna imbere lyage. Ha nyuma, anabateere, anabagwate.

Hezekyeri 25:1

Nahano anashubi mbwiraga kwokuno:

Hezekyeri 35:12

Haaho, lyo mugayiji menya kwo keera nꞌgayiyuvwirwa ngiisi kwo mugweti mugahonyoleza imigazi yeꞌHisiraheeri. Mukuba, mwâli kizi deta: “Balya Bahisiraheeri, utwaya twabo keera twashaka! Na buno, twe tukola tugajanganula abandu baatwo!”

Hezekyeri 36:2

kwo nie Rurema Nahamwinyu nyuvwiti ngiisi kwaꞌbagoma biinyu bâli kizi mùshekeereza, mbu: “Yuuhu! Irya migazi íyâli riiri yaꞌBahisiraheeri ukulyoka kare, leero ikola yeꞌmwitu!”

Hamoosi 1:13

Nahano adetaga kwokuno: «Beene Hamooni bagweti bagayifunda mu byaha. Aahago! Ukubahana, ngola ngabahana ngana-ngana! Si bakateera beene Giryadi, mbu lyo bayajabula ikihugo kyabo! Haaho-haaho, banakizi gwata abakazi ábâli kola neꞌnda, banazibunduule.

Hamoosi 2:1

Nahano adetaga kwokuno: «Abandu beꞌMohabu bagweti bagayifunda mu byaha. Si bakayabiira imigongolo ya mwami weꞌHedoomu, banagisingoola, banagigira mwoꞌluhemba. Aahago! Ukubahana, ngola ngabahana ngana-ngana!

Sefaniya 2:10

Yabo Bamohabu, naꞌBahamooni, si bâli kizi yikangaata. Kyanatuma bagaahanwa nga kwo byâli bakwaniini. Bâli kizi shekeereza abandu ba Nahano woꞌbushobozi bwoshi.

Yoshwa 5:9

Ha nyuma, Nahano anabwira Yoshwa: «Ikyanya mwâli riiri baja i Miisiri, mwâli kizi teezibwa ishoni. Haliko buno, namùlyokeza zo.» Kyo kitumiri yaho handu, bakahayinika iziina Girigaali. Lyo niꞌziina lyaho, halinde zeene.