Sefaniya 2:14 - Kifuliiru

¹⁴ Yako kaaya, kundu kâli gweti kagakizi yikangaata, haliko ibitugwa byo bigasigala mwo, kuguma neꞌnyamiishwa. Banyunda, neꞌnyange-nyange, noꞌtubangarara bigatuula ku nguliro zaako. Banafufulu bagakizi lakira ku twazo twako, kiri na banamujongo bagakizi lakira ku bihamambiro byeꞌmiryango yako. Neꞌbiti byeꞌmyerezi, bigasigala bwalaafwe kwiꞌzuuba.»

Sefaniya 2:14 ပူးပေါင်းရင်းမြစ်များ

Zaburi 102:6

Ngola mu shiiba ngweti ngagongeera naaho. Na ngoli jambiri ngana, halinde amavuha gaani gakoli bonesiri hooshi mu luhu.

Hisaaya 14:23

Ngahindula akaaya keꞌBabeeri, lube lujaga, kanahande mwo banafufulu. Kalya kaaya, ngakahyagiza lwoshi noꞌmuhyagizo, halinde kanashereezibwe lwoshi-lwoshi.» Kwokwo, kwo Nahano woꞌbushobozi bwoshi adesiri.

Yeremiya 22:14

iri unayidesa, ti: “Ngayiyubakira nangungubanga weꞌnyumba, inabe ihiiti izindi ízishoneriini kwo. Nganagibiika kwoꞌtwazo tuhamu, na ngilimbiise neꞌbiti biija byeꞌmyerezi ku bibambaazi. Ha nyuma, na ngibuge kwiꞌbara lidukula.”

Hamoosi 9:1

Ha nyuma, nanabonaga Nahano, ayimaaziri ha butambi lyaꞌkatanda, anambwira: «Ushulikage bukayu ku zirya nguliro zeꞌnyumba ya Rurema, halinde indaliro zaayo zijugumbane. Yizo nguliro, uzihongolere haashi, halinde zitibukire ku bandu. Ngiisi ábagaaba baki sigiiragi, ngabayita ku ngooti. Mu kati kaabo, ndaaye úgafuushuka, kiri noꞌmuguma!

Sefaniya 2:6

E Bafirisiti! Yaho ku ngombe yeꞌnyaaja, hagahinduka ndagiriro yeꞌbibuzi. Abangere bagakizi gisha ho, neꞌbitugwa byabo.

Bwigule 18:2

Uyo muganda, anayiberekaania kwiꞌzu kwokuno: «Akaaya kahamu keꞌBabeeri keera kayihongoleka haashi! Ee! Kayihongoleka haashi. Na buno, likolaga igomberano lyeꞌmizimu, neꞌbisigo, kuguma na ngiisi kanyuni koꞌmuziro ákali mu yagazania.