Sefaniya 2:13 - Kifuliiru

¹³ Ngashereeza kiri neꞌkihugo kyeꞌHasuriya, uluhande lweꞌmbembe. Akaaya kaakyo kahamu keꞌNinaawi, ngakahindula kabe mushaka, kanasigale kayumiri lwoshi ngiꞌshamba.

Sefaniya 2:13 ပူးပေါင်းရင်းမြစ်များ

Hisaaya 10:12

Mwami weꞌHasuriya agweti agayikangaata, kinatume akola mu gira yaga mabi mingi. Kwokwo, ikyanya Nahano agaaba keera ayusa ukuhana umugazi Sayuni, yaho i Yerusaleemu, uyo mwami waꞌBahasuriya naye, lyo Nahano agamúhana.

Hisaaya 10:16

Aahago! Nahano woꞌbushobozi bwoshi agatumira abasirikaani beꞌHasuriya ikiija kyoꞌkubajaavya. Kwokwo, ubukalage bwabo, bugamalira mu muliro.

Hisaaya 10:5

Nahano adetaga kwokuno: «Yayewe imwinyu, mwe batuulaga beꞌHasuriya! Zeene, muki fumbiiti ubuhiri mu maboko giinyu. Kiziga! Yago mahiri galyagagi ga kuyerekana ubute bwani!

Hisaaya 11:11

Ku yikyo kyanya, Nahano agashubi golola ukuboko kwage, anagalule abandu baage ábaki sigiiri imbohe mu kihugo kyeꞌHasuriya, na mu kyeꞌMiisiri, na mu kyeꞌPaturo, na mu kyeꞌHendyopiya, na mu kyeꞌHelamu, na mu kyeꞌShinaari, na mu kyeꞌHamaati, kiri na mu tulira.

Hisaaya 14:26

Yibyo byoshi, kwokwo kwo ngoli bishungisiri, hiꞌgulu lyaꞌmahanga gooshi. Mukuba, ngoli loziizi ukuhana abandu baago booshi.

Hisaaya 37:37

Kwokwo mwami Senakeribu weꞌHasuriya anajogoboka, anataahira imwage i Ninaawi, anabeera yeyo.

Yeremiya 49:33

«Akaaya keꞌHazoori kagasigala ishamba limaata. Ndaaye umundu úwâye ki katuule mwo, si ligaaba igomberano lyeꞌmirunga.»

Yona 1:2

«Yimuka duba, ugende mu kaaya kahamu keꞌNinaawi, unababwiririre kwo bakola bagaahanwa. Mukuba, bakoli bihuusiri bweneene!»

Yona 3:2

«Yimukaga, ugende mu kaaya kahamu keꞌNinaawi, ubakengule nga ngiisi kwo keera nakubwira.»

Mika 5:6

Abahisiraheeri ábagaaba basigiiri, bagayiji gingikwa mu mahanga. Bagaaba nga kimi kya Nahano, kandi iri nga mitonyi yeꞌnvula ku byasi. Ndaaye mundu úwangabahangirira, kandi iri ukubatindiisa.

Nahumu 1:1

Ino ndumwa, iyerekiini amabone goꞌmuleevi Nahumu, wa mu kaaya keꞌHerikoshi, inadesiri hiꞌgulu lyaꞌkaaya keꞌNinaawi.

Nahumu 3:15

Yibyo byoshi, kundu mugweti mugabigira, si baguma biinyu bagasingoolwa ngana ku muliro, naꞌbandi banayitwe ku ngooti. Mugajanganula-janganula, nga kweꞌnzige ziri mu piisa byoshi. E bandu beꞌNinaawi! Kundu mwangaluguuka nga mahaazi, mugashaganibwa naaho.

Nahumu 3:7

Ngiisi ábagakubona, bagakutibita, iri banakushekeereza kwokuno: “Niino! Leero, Ninaawi ahongolwa ngana! Aahago! Nyandi úgamúlirira? Hayi tugaki longa abandu boꞌkumúholeeza?”»

Sefaniya 1:4

«Ngahaniiriza ikihugo kyeꞌBuyuda, kuguma naꞌbandu booshi beꞌYerusaleemu, na njaaze umuzimu Baali, gutaki boneke mu kihugo. Na ndyose abaleevi beꞌbibeesha, halinde banayibagirwe lwoshi-lwoshi.