Sefaniya 2:10 - Kifuliiru

¹⁰ Yabo Bamohabu, naꞌBahamooni, si bâli kizi yikangaata. Kyanatuma bagaahanwa nga kwo byâli bakwaniini. Bâli kizi shekeereza abandu ba Nahano woꞌbushobozi bwoshi.

Sefaniya 2:10 ပူးပေါင်းရင်းမြစ်များ

1 Kutondobola 16:21

Kundu kwokwo, Rurema atanahanguula kwo hagire umundu úgabalibuza. Si hiꞌgulu lyabo, anakanukira abaami, ti:

Kulyoka 10:3

Kwokwo, Musa na Harooni banagenda imwa Faraho, banamúbwira: «E mwami, Nahano Rurema waꞌBaheburaniya, akyula kwokuno: “Ugaahisa halinde mangoki, ugweti ugalahira ukuyibiika haashi imbere lyani? Uleke abandu baani bagendage, gira bagendi nyikumba.

Kulyoka 9:17

«“Si uki genderiiri ukuhangirira abandu baani, utanabahanguula kwo bagende.

Hisaaya 16:6

Keera tukayuvwa kwaꞌBamohabu bali mu yikangaata, na kwo bali banabihayo, banali mu gayirizania. Kundu kwokwo, yubwo bwikangaate, bulyagagi bwa busha.

Yeremiya 12:14

Nahano adetaga kwokuno: «Yibyo binyamahanga bibi íbituuziri ha butambi lyaꞌbandu baani Abahisiraheeri, keera byashereeza ikihugo kyo nꞌgabaheereza. Ku yukwo, nabyo ngabishikula mu bihugo byabyo. Na ngize beene Yuda mu maboko gaabyo.

Yeremiya 48:14

«E bandu beꞌMohabu, kuti kwo mwangakizi yihaya, mbu: “Tulyagagi bikalage byeꞌndwani! Neꞌkyanya tulyagagi mwiꞌzibo, tuli mu zibiiriza.”

Yeremiya 48:29

«Twâli yuvwiti kwaꞌBamohabu bâli kizi yikangaata bweneene. Ee ma! Ubwikangaate bwabo bwâli leeziri ulugero. Bâli kizi yiheemya bweneene mu mitima yabo, mbu bo bali naꞌkamaro.

Kimombo 1:9

Kundu ibitalaalwe byage byâli kizi múkululira umwama, si atâli kizi gutwaza. Kyanatuma agayiyulubaza bweneene. Kwokwo, ikyanya akayihongoleka haashi, ndaaye úkayiji múholeeza. Akolaga mu yinginga Nahano, ti: «E Nahano, langiiza ngiisi kwo nalonga ubuhanya! Si abagoma keera bambima!»

Hezekyeri 25:6

«“Nie Rurema Nahamwinyu nadetaga kwokuno: Ikyanya abandu baani bakashereezibwa, mukakizi koma amagasha, iri munatamba ku busiime. Mwanakizi shekeereza Abahisiraheeri bweneene.

Hobadiya 1:11

Ikyanya ibinyamahanga bikayingira i Yerusaleemu, byanashahula yeꞌbindu byoshi, byanabigabaana mu kutaara ikibare. Ku yikyo kyanya, mwanayisunga hala naaho, mwanayigira nga muguma waꞌbagoma.

Hobadiya 1:3

E Bahedoomu, si mwayibona, mbu bwo mutuuziri mu maala ga mu migazi, na bwo muyubasiri inyumba ziinyu áhayinamusiri bweneene. Mugweti mugayikangaata, ti: “Nyandagi úwangatushungulula hano?” Kundu mugweti mugaadeta kwokwo, si mutebesiri!

Sefaniya 2:8

«E bandu baani, ikyanya Abamohabu bâli kizi mùhonyoleza, nâli yuvwiti. Nꞌganayuvwa neꞌkyanya Abahamooni bâli kizi mùtuka. Bâli gweti bagakizi gayiriza abandu baani, iri banayiji bagaaza ikihugo kyabo.»

1 Peturu 5:5

Na niinyu mweꞌmisore, mukizi simbaha abashaaja. Mweshi, mukizi ba batuudu mwenyene kwa mwenyene. Mukuba, «Ikyanya abandu bali mu yiheemya, Rurema ali mu batindimaza. Si abatuudu boohe, ali mu bagashaanira.»