Sefaniya 1:7 - Kifuliiru

⁷ «Muhulikage imbere lya Rurema Nahamwinyu. Si ulusiku lwo agayiji twa kweꞌmaaja, lukola bu hika. Nahano keera akalingaania abandu baage, gira baminikwe, nga kwoꞌmundu angalingaania ibitugwa byoꞌkutangwa ituulo, keera anatoola ngiisi ábagalaalikwa ukubayita.»

Sefaniya 1:7 ပူးပေါင်းရင်းမြစ်များ

Hayubu 24:1

«Nangaloziizi kwo Rurema woꞌbushobozi bwoshi angashungisiri ikyanya kyoꞌkutwa kweꞌmaaja za banangora-mabi. Kundu kwokwo, yikyo kyanya, si abandu ba Rurema batagweti bagakiyitoneesa kwo!

Zaburi 46:10

Agweti agaamala izibo, halinde ukuhisa haꞌmahanga gooshi gahekiiri. Agweti agavuna imiheto, wa koto! Naꞌmatumu, ali mu gajajagula. Kiri neꞌsiribo, ali mu zisiriiza.

Hisaaya 13:3

Yabo basirikaani, nie Nahano nie bahamagiiri, keera nanabataluula, gira bagendi teera Abababeeri. Bwo ngoli rakiiri, keera nabatuma, kwo bagendi bahana. Banakoli shambaliiri ukugendi gira ngiisi byo nabatuma.

Hisaaya 13:6

E bandu beꞌBabeeri, mukizi banda akaluulu. Ulusiku lwo Nahano agayiji mùtwira kweꞌmaaja, lukoli yegeriiri. Ee! Rurema woꞌbushobozi bwoshi, akola agamùshereeza.

Hisaaya 2:12

Ngiisi ábagweti bagayikuza, mu lwolwo lusiku, Nahano woꞌbushobozi bwoshi agabahana, anabatindimaze.

Hisaaya 29:2

Kundu kwokwo, ngola ngakulibuza, halinde unalire ku kimombo. Ugaaba nga katanda ákayijwiri kwoꞌmuko.

Hisaaya 34:5

Yabo Bahedoomu, nie Nahano ngoli hiziri kwo ngabaminika lwoshi-lwoshi. Ingooti yani igadobekwa mu muko yaho mwiꞌgulu, inayami batibulirwa kwo.

Hisaaya 34:6

Irya ngooti yani ikoli yijwiri umuko gweꞌkipanga, na gweꞌkihebe, kiri na gweꞌbyanabuzi, kuguma neꞌbinyule byeꞌnyama yeꞌfiko. Yehee! Nahano akolaga agatanga ituulo mu kaaya keꞌBosira. Akola agayita abandu bingi mu kihugo kyeꞌHedoomu.

Hisaaya 6:5

Iri nꞌgabona kwokwo, nanadeta: «Ala nie! Si leero ngola ngashereera! Si akanwa kaani kayulubiiri. Naꞌbandu bo tutuliinwi, nabo utunwa twabo tuyulubiiri. Kundu kwokwo, keera nayibonera Umwami. Ye na Nahano woꞌbushobozi bwoshi!»

Yeremiya 46:10

Kundu kwokwo, luno lusiku lulyagagi lweꞌmwa Nahano Rurema woꞌbushobozi bwoshi! Yabo booshi, mu siku ízigayija, agabayihoola. Agahaniiriza abagoma baage, halinde anabaminike ku ngooti. Abagoma baabo, bagabajiga, halinde abasirikaani bingi banayitwe. Abandu ábatuuziri uluhande lweꞌmbembe, hoofi noꞌlwiji Hefuraati, bagaaba ngiꞌtuulo íryatangwa imwa Nahano woꞌbushobozi bwoshi.

Hezekyeri 7:10

«Lolagi! Lulya lusiku, keera lwahika! Ndaanakwo kundi! Kundu kwokwo, mwehe, mukiri mu komeresania bweneene, iri munayikangaata. Ku yukwo, mukola mugashereezibwa.

Hezekyeri 7:7

Mwe mutuuziri mu kino kihugo, mukola mugashereezibwa! Ikyanya kiinyu, kyahikaga. Ku migazi yinyu, mutagaki banda akabuuli koꞌbushambaale, si mukola mugashenguka!

Yuheeri 1:15

Lulya lusiku lwa Nahano woꞌbushobozi bwoshi, keera lwayegerera, Lunali lusiku lwo agayiji shereeza kwo. Lulya lusiku, lugaleeza abandu mweꞌkihuumula.

Yuheeri 2:11

Nahano ali mu sholera ikiso kyage, agweti agayiberekania kwiꞌzu. Yibyo biso, kwo biri bikalage, biri mu músimbaha. Lulya lusiku lwa Nahano, luli lwaꞌkahebuuza. Emwe! Luli mu yobohya ngana-ngana. Aaho! Nyandagi úwangaluyigenderera?

Hamoosi 6:10

Mwizo wa nakufwa, ikyanya agayiji hulusa ikirunda, anabuuze ngiisi ye angagwana mwo: «Ka hali ugundi mundu ye muliriinwi?» Anamúshuvye: «Ndaaye!» Haaho, ulya wa mbere anamútoleranie kwokuno: «Hulika! Utangadeta iziina lya Nahano.»

Hamoosi 8:3

Ku yikyo kyanya, abandu bingi bagafwagaga. Kundu bakiri mu gira ikisegengo ha kajumiro, haliko bagaki liruuka. Ibirunda byabo bigakizi kabulirwa bwalaafwe, ndaanaye woꞌkudeta kiri niꞌgambo.» Kwokwo, kwo Rurema Nahamwitu adesiri.

Habakuki 2:20

Haliko, Nahano atuuziri mu nyumba yage ndaluule. Abandu booshi ba mu kihugo bakizi beera munyerere imbere lyage!»

Sefaniya 1:14

Lulya lusiku lukulu lwa Nahano, keera lwayegerera. E maashi! Si lugweti lugayija duba-duba. Haaho, abandu bagakizi bululuka. Kiri neꞌbihagarusi, bigakizi lubanda kwaꞌkashiba.

Zakariya 14:1

Mulolage bwija! Si ulusiku lwo Nahano agaatwa kweꞌmaaja, ukuhika, lugaahika! Haaho, mwe bandu beꞌYerusaleemu, abagoma bagamùshahula ibindu munabwini.

Zakariya 2:13

«Yibyo binyamahanga, ngamùyihoolera byo. Si abaja baabo, nabo bo bagayiji bashahula ibindu!» Haaho, lyo mugaamenya kwo Nahano woꞌbushobozi bwoshi, ye kandungika.

Mataayo 22:4

«Uyo mwami anatuma abandi bakozi, ti: “Yabo bo nꞌgalaalika, mugendi babwira: Lolagi, maashi! Keera nabaaga ishuuli zaani, kiri neꞌnyana ízidehiri! Buno, byoshi bikola ibiringiini. Aaho! Muyijage ku buhya!”

Barumi 3:19

Tuyiji kweꞌMaaja zidesiri imwa ábali mwiꞌdako lyazo, gira lyaꞌbandu booshi bakatwirwe ulubaaja imbere lya Rurema. Hataganaba umundu úgaaba niꞌgambo lyo agayifwongooza mwo imbere lyage.

Barumi 9:20

Naani, ti: «Uli nga nyandagi we mundu ngana, halinde ugweti ugahaliiza Rurema? Keꞌnyungu yiꞌbumba yangabuuza umubuuvi: “Kituma kiki wambumba kwoku?”

Bafiripi 4:5

Ubutuudu bwinyu, bukizi menyeekana mu bandu booshi. Mukengeere kwo Nahano akola bu galuka.

Bakolosaayi 1:12

Munabe muli mu tanga kongwa imwa Daata Rurema. Mukuba, ye kamùshoboleesa ukulonga ku byo abikiiri abandu baage bataluule, mu bwami bwoꞌmulengeerwe.

1 Samweri 16:5

Samweri, ti: «Nayija mu mutuula. Na íbyandeeta hano, gira nyiji tangira Nahano ituulo. Ku yukwo, muyiyeruuse, gira tugendi mútangira lyo, tuli kuguma.» Lyeryo, Samweri anayeruusa Yese na bagala baage, anabayegereza kwo bashangiire ituulo.

1 Samweri 20:26

Sahuli ku yulwo lusiku, akasalira kwo ngeeka hali íbyadwakaza Dahudi, halinde atahika ku lusiku lukulu, kyanatuma ndaalyo igambo lyo akadeta.