Sefaniya 1:3 - Kifuliiru

³ Ngaminika abandu, neꞌnyamiishwa, noꞌtunyuni twa mu kyanyaanya, kiri neꞌfwi mu nyaaja. Ngiisi ábakoli bihuusiri, ngaasiga nabalunda nga ndundo zaꞌmabuye. Yabo bandu, ikyanya ngabaminika, batâye ki boneke mu kihugo.

Sefaniya 1:3 ပူးပေါင်းရင်းမြစ်များ

Ndondeko 6:7

Kwokwo, Nahano anadeta: «Balya bandu, kundu nie kababumba, halikago ngola ngabaminika. Kiri neꞌnyamiishwa zooshi, nazo ngaziminika, kuguma neꞌbiremwa íbiri mu yibulula, noꞌtunyuni twa mu kyanyaanya. Mukuba, ngola mu yishuhiza, mbu biki íbikatuma ngabilema.»

Hisaaya 27:9

Kwokwo, kwo Rurema agahotola amabi gaꞌBahisiraheeri. Mango ayusagya, ututanda twoshi tweꞌkipagaani tugavungulwa, tunasigale luvu naaho. Ndaagwo mugisi gwa Hasheera úgugasigala, kandi iri akatanda koꞌkuguyokera kwoꞌmubadu.

Hisaaya 6:11

Nanabuuza: «E Nahamwitu, yibyo byoshi, ngwiriiri ukukizi bigira, halinde mangoki?» Naye, ti: «Ukizi giraga kwokwo, halinde ku kyanya utwaya twabo tugaaba tusigiiri mushaka. Neꞌnyumba zaabo, zinasigale biguuka. Neꞌkihugo kyabo kinasherebere lwoshi-lwoshi.

Hisaaya 6:12

Balya bandu, nie Nahano ngabayimula hano, bagendi beera i mahanga. Kino kihugo kyabo kyohe, kigasigala mushaka.

Yeremiya 12:4

Kino kihugo kigayama kiyumagusiri halinde mangoki? Si ibyasi keera bikahangalala! Ibitugwa nabyo bikola bigaamala, kiri noꞌtunyuni. Abandu banakola mu deta: «Si Rurema atabwini íbiri mu tukoleka kwo!» Na íbitumiri yibyo byoshi bikola mu koleka, bwaꞌbandu bakoli bihuusiri.

Yeremiya 50:3

Yikyo kihugo kyeꞌBabeeri, abandu bakola mu yija ukulyoka imbembe, gira bayiji kiteera, banakishereeze, kinahinduke ishamba lizira bandu. Abandu neꞌbitugwa byoshi bigakitibita, ndaanaye úgaki tuula mwo.»

Yeremiya 7:20

Rurema Nahamwitu, adetaga kwokuno: «Yaka kaaya, ngakayonera mwoꞌburaakari bwani. Nganabuyonera ku bandu, na ku bitugwa, kiri na ku biti, na ku mimbu. Yubwo buraakari bwani, bugayaka nga muliro, ndaanaye úwangabuhoohya.»

Yeremiya 9:10

Nahano adetaga kwokuno: «Akaaya keꞌYerusaleemu, ngakagira bibe biguuka, gunabe mushaka, halinde kanahinduke igomberano lyeꞌmirunga. Abandu ba mu twaya tweꞌBuyuda, ngabashaabula, halinde yutwo twaya tusigale tuzira bandu.»

Hezekyeri 44:12

Haliko, nie Rurema Nahamwinyu nashiikiza kwo yibyo byaha byabo babihanirwe kwo. Mukuba bo bakakizi yimangira Abahisiraheeri mu kuyikumba imigisi, banakizi bashimya ukugira ibyaha.

Hezekyeri 7:19

Ifwaranga zaabo, kiri neꞌnooro, bagazikabulira mu njira, nga kindu íkikoli yulubiiri. Ehee! Ku lusiku lwo Nahano agabarakarira kwo, ifwaranga zaabo neꞌnooro zitagabakiza. Batanganabikoleesa, mu kuyiliisa, bitaganabayigusa. Si yibyo byoshi, byo byâli kizi bahubiisa.

Hosheya 14:3

Neꞌkyanya mugamúgalukira, mumúhuune ulukogo, mu kumúbwira: «Utukogage amabi giitu gooshi, unatuyakiire ku lukogo lwawe. Kwokwo, lyo tugakuyivuga ku mitima yitu yoshi.

Hosheya 14:8

Bagashubi tuula mwiꞌdako lyoꞌbulaazi bwani, Bagakizi gangaala nga ngano, Banayase bwija nga mizabibu. Bagaaba noꞌmuhongolo mwija, nga gweꞌdivaayi yeꞌLebanooni.

Hosheya 4:3

Kyo kitumiri ikihugo kiinyu kikoli yumagusiri. Ngiisi ábakituuziri mwo, bakola mu fwa. Kiri neꞌnyamiishwa, zikola mu hera, kuguma noꞌtunyuni, neꞌfwi.»

Zakariya 13:2

Nahano woꞌbushobozi bwoshi, adetaga kwokuno: «Ku kirya kyanya, ngashaaza imigisi mu Bahisiraheeri. Kiri naꞌmaziina gaayo, gagayibagirwa lwoshi-lwoshi. «Ngazimiiza abaleevi beꞌbibeesha, kiri neꞌmizimu íri mu bakoleesa.

Mataayo 13:41

«Mukuba, Umwana woꞌMundu agatuma abaganda baage, banashaaze mu bwami bwage ngiisi ábagweti bagahubiisania, na banangora-mabi booshi.

Mataayo 23:39

Namùbwiraga, kwo mutagaki shubi mbona, mútazi deta: “Ulya úwayija kwiꞌziina lya Nahano, agashaanirwe!”»

Bwigule 2:14

«Haliko mu kati kiinyu, mulyagagi amagambo maguma ágatanzimisiizi. Baguma biinyu bakulikiiri amigirizo ga Balaamu, ulya úkayigiriza Balaaki ngiisi kwo agahubiisa Abahisiraheeri kwo bakizi lya ibyokulya keera íbyatangwa imweꞌmigisi. Akabahubiisa, halinde banakizi gira noꞌbushule.