Sefaniya 1:16 - Kifuliiru

¹⁶ Ku lwolwo lusiku, abandu bagadihiriza ibibuga hiꞌgulu liꞌzibo, iri banabanda akashiba. Abagoma bagayiji hongola inzitiro zoꞌtwaya, kiri neꞌniizo zaatwo.

Sefaniya 1:16 ပူးပေါင်းရင်းမြစ်များ

Hisaaya 27:13

Ku yulwo lusiku, ikibuga kihamu kigadihirizibwa. Mu kati kaꞌBahisiraheeri, baguma bagaaba bagwasirwi imbohe mu kihugo kyeꞌHasuriya, na mu kyeꞌMiisiri. Balya booshi, bagagalulirwa i Yerusaleemu, gira bagendi yikumba Nahano ku mugazi gwage mutaluule.

Hisaaya 32:14

Kiri naꞌkajumiro kagasigala kamaata. Utwaya twoshi, kundu tushuba mwoꞌlujongo, si tugasigala mushaka. Ulwingo lweꞌnaazi, kiri naꞌkaaya kazitire koꞌkutibitira mwo, byombi bigasigala biguuka, halinde imyaka neꞌmyakuula. Linasigale naaho igombaniro lya bapunda ba mu kishuka, neꞌbibuzi binakizi ragirira mwo.

Hisaaya 59:10

Tuli mu genda tugamamaata ku kibambaazi nga mbumi. Tunali mu genda tugajuba-juba, nga bandu bazira masu. Ku kyanya kyaꞌkalenge-renge, tuli mu siitaara-siitara ngoꞌmundu úli mu genda bushigi. Kundu tukiri bagumaana, si tuli mu ba nga tukoli fwiri.

Yeremiya 6:1

«E beene Binyamiini, mutibitage! Si ikiteero kikola mu lyoka uluhande lweꞌmbembe, munakola mugashereezibwa lwoshi! Mulyokage i Yerusaleemu, muhunge. Mulakize ibibuga mu kaaya keꞌTekowa. Munashonie irembera mu keꞌBeeti-Hakeremu, gira likizi kengula abandu.

Yeremiya 8:16

Yuvwagwi ngiisi kweꞌfwarasi zaꞌbagoma zigweti zigafuura iriira munda imbembe, mu kihugo kya beene Daani! Si zikola mu girigimba, halinde idaho linajugumbane! Abagoma bakola mu njira, gira bagayiji shereeza ikihugo kiitu, na íbikiri mwo byoshi. Bagashereeza utwaya twoshi, na booshi ábatutuuziri mwo.»

Hezekyeri 7:7

Mwe mutuuziri mu kino kihugo, mukola mugashereezibwa! Ikyanya kiinyu, kyahikaga. Ku migazi yinyu, mutagaki banda akabuuli koꞌbushambaale, si mukola mugashenguka!

Hosheya 5:8

«Mukizi dihiriza ikibuga i Gibeya, kiri na mu kaaya keꞌRama. Mukizi yamiza-yamiza mu kaaya keꞌBeeti-Haweni, mu kubakengula. Mwe basirikaani ba Binyamiini! Mushokolage injira, mu kugendi lwa.

Hosheya 8:1

«BwaꞌBahisiraheeri bakahongolaga ikihango kyani, batanatwaziizi imaaja zaani, abagoma bagayiji bayihwika kwo nga nyunda, mu kubateera, wa vwi! Kwokwo, mugirage mudihirize ibibuga, mu kubakengula!

Yuheeri 2:1

Mulasagye ikibuga mu kaaya keꞌSayuni! Mubandire akashiba ku mugazi gwani mutaluule, gira abandu bayiji lwa. E batuulaga beꞌBuyuda, mujugume mweshi! Mukuba, ulusiku lwo Nahano agayiji twa kweꞌmaaja, lukola lugaahika.

Hamoosi 3:6

Ikibuga, iri kyangadihirizibwa mu kaaya, abandu baamwo bali mu yami yoboha. Kwokwo, noꞌbuhanya, butangagwata akaaya, Nahano átazi kyula.

Habakuki 3:6

Ikyanya ali mu yimanga, ikihugo kinajugumbane. Neꞌkyanya ali mu lyeguuza amasu, abandu banayami lenga mweꞌkinyukura. Kundu imigazi iyamiri-yamiri ho, ali mu givungula. Noꞌtugangazi, kundu tuyamiri ho, ali mu yami tuhongola. Ee! Yehe ye tuuziri ho imyaka neꞌmyakuula.

Bukengeeze 28:52

«Kundu Nahano, Rurema winyu agamùheereza ikihugo, haliko bagayiji mùteera, banasokanane utwaya twinyu twoshi. Na kundu mulangaliiri inzitiro ziinyu ngomu, kwo zikizi mùsiikira, haliko bagamùlwisa, banazigwise.

Yoshwa 6:20

Kwokwo, ikyanya ibibuga bikadihirizibwa, abandu banakizi banda akaluulu. Lulya luzitiro úlwâli zungulusiri yako kaaya, lwanayami yibumbulika haashi, buu! Ngiisi muguma wabo, anayami lyoka ho âli yimaaziri, banayami lunguula mu kaaya, banakagwata mbira.