Sefaniya 1:14 - Kifuliiru

¹⁴ Lulya lusiku lukulu lwa Nahano, keera lwayegerera. E maashi! Si lugweti lugayija duba-duba. Haaho, abandu bagakizi bululuka. Kiri neꞌbihagarusi, bigakizi lubanda kwaꞌkashiba.

Sefaniya 1:14 ပူးပေါင်းရင်းမြစ်များ

Hisaaya 15:4

Abandu beꞌHeshibooni, naꞌbeꞌHereyale, nabo bakola mu bululuka. Amazu gaabo gakola mu yuvwikana hala, halinde mu kaaya keꞌYahasa. Balya Bamohabu, kiri naꞌbasirikaani baabo, bakoli shengusiri, banakola mu banda akashiba!

Hisaaya 33:7

Lolagi! Kundu abasirikaani biinyu bali bikalage, si leero bakola mu bululuka mu njira. Kiri na ábakatumwa kwo bagendi huuna umutuula, nabo banagaluka bakola mu lira ku kimombo.

Hisaaya 66:6

Yuvwagwi na ngiisi kwaꞌkaaya kakoli yijwiri mwoꞌlunganga. Lulyosiri mu nyumba ya Nahano. Mukuba, Nahano akola mu hana mwaꞌbagoma baage, nga kwo bibakwaniini.

Hisaaya 8:22

Ngiisi ho bagakizi lola, bagalonga naaho ubuhanya, neꞌkihulu, naꞌmakuba mingi-mingi. Na ha nyuma, boonyene banalashwe mu kihulu kya namudidi.

Yeremiya 25:36

Nayuvwa ngiisi kweꞌbirongoozi bigweti bigayamiza. Bakola mu bululuka, bwo Nahano agweti agashereeza indagiriro zaabo.

Yeremiya 30:7

Yulwo lusiku, lukola lugaaba lweꞌnguuke. Beene Yakobo bagagooka ngana-ngana! Yayewe! Ulusiku mwene yulwo, lutâye shubi ba ho. Kundu kwokwo, ubuzinda, bâye kizibwe.»

Yeremiya 46:5

«Aahago! Biki byo mbwini? Si abasirikaani beꞌMiisiri bakoli humiirwi! Keera bahimwa, banakolaga mu tibita. Kiri neꞌbikalage byabo, bikola mu puumuka, buzira kukebaanuka. Iri bali mu gira mbu balangiize ngiisi luhande, banateerwe neꞌkyoba.

Yeremiya 48:41

Utwaya twamwo tugagwatwa, kiri noꞌtwaya tuzitire. Ku yikyo kyanya, ibikalage byeꞌndwani bigahuumirwa, ngoꞌmukazi úgweti úgaabuta.

Hezekyeri 12:23

«Kwokwo, ugendi babwiraga kwo Rurema Nahamwinyu adeta kwokuno: “Yugwo mugani, ngaguyita. Kwokwo, mu Bahisiraheeri, ndaaye úgakizi ki gukoleesa.” Ku yukwo, ugendi babwira kwo leero, ikyanya keera kyahika, kyaꞌmagambo gooshi gaꞌmaleevi gakola gagakoleka.

Hezekyeri 30:3

Ee! Yulwo lusiku keera lwayegerera. Nie Nahano ngola ngatwira abandu ulubaaja. Ku yulwo lusiku, ibibungu bigazinga, neꞌbinyamahanga binashenguke.

Hezekyeri 7:12

Ikyanya keera kyahikaga! Ee! Lulya lusiku lukoli yegiiri. Umuguzi, mutamúleke mbu ashambaale. Umudandaza naye, atakwaniini ajengeerwe. Si yabo booshi, uburaakari bwani bugabatibukira kwo.

Hezekyeri 7:16

Ngiisi ábakafuushukira mu migazi, ikyanya bagayiganyira hiꞌgulu lyeꞌbyaha byabo, abandu bagabayuvwa bali nga ngunde za mu kabanda.

Yuheeri 1:15

Lulya lusiku lwa Nahano woꞌbushobozi bwoshi, keera lwayegerera, Lunali lusiku lwo agayiji shereeza kwo. Lulya lusiku, lugaleeza abandu mweꞌkihuumula.

Yuheeri 2:1

Mulasagye ikibuga mu kaaya keꞌSayuni! Mubandire akashiba ku mugazi gwani mutaluule, gira abandu bayiji lwa. E batuulaga beꞌBuyuda, mujugume mweshi! Mukuba, ulusiku lwo Nahano agayiji twa kweꞌmaaja, lukola lugaahika.

Yuheeri 2:11

Nahano ali mu sholera ikiso kyage, agweti agayiberekania kwiꞌzu. Yibyo biso, kwo biri bikalage, biri mu músimbaha. Lulya lusiku lwa Nahano, luli lwaꞌkahebuuza. Emwe! Luli mu yobohya ngana-ngana. Aaho! Nyandagi úwangaluyigenderera?

Hamoosi 8:2

Anambuuza: «E Hamoosi, biki wabona?» Na naani, ti: «Mbwini ikitiri íkiri mweꞌbitumbwe íbihiiri.» Anashubiza kwokuno: «Abahisiraheeri balyagagi nga bitumbwe íbihiiri. Bakola bagaahanwa. Ndaganaki bayigooyera ibyaha byabo.

Sefaniya 1:10

Nahano adetaga kwokuno: «Yulwo lusiku, hagayuvwikana ikimboloogo ukulyokera ku lwivi lweꞌFwi. Bagakizi bululuka na mu luhande luhyahya lwaꞌkaaya. Noꞌlunganga lugayuvwikana mu tugangazi.

Sefaniya 1:7

«Muhulikage imbere lya Rurema Nahamwinyu. Si ulusiku lwo agayiji twa kweꞌmaaja, lukola bu hika. Nahano keera akalingaania abandu baage, gira baminikwe, nga kwoꞌmundu angalingaania ibitugwa byoꞌkutangwa ituulo, keera anatoola ngiisi ábagalaalikwa ukubayita.»

Mikolezi 2:20

Izuuba ligahinduka kihulu. Noꞌmwezi gugadukula nga muko. Yibyo byoshi, byo bigatee koleka, ikyanya ulusiku luhamu lwoꞌbulangashane bwa Nahano lutazi hika.

Bafiripi 4:5

Ubutuudu bwinyu, bukizi menyeekana mu bandu booshi. Mukengeere kwo Nahano akola bu galuka.

1 Batesaloniki 4:16

Ku yikyo kyanya, hâye yiberekaanie izu lyoꞌkuhamuliza! Noꞌmuganda mukulu anateerere umulaga. Neꞌkibuga kya Rurema kinadihirizibwe. Haaho Nahano yenyene agashonooka ukulyoka mwiꞌgulu. Na ngiisi ábakafwa mu kati kaage, banazuuke. Boohe, banabe bo bagatangi lengezibwa.

Baheburaniya 12:26

Yaho keera, izu lya Rurema likashagaania ikihugo! Halikago buno, keera akagwanwa abiika umuhigo kwokuno: «Ngaki shubi shagania ikihugo lindi liguma. Kitanali kyonyene naaho. Si leero ngashagania kiri niꞌgulu!»

Yakobo 5:9

E beene witu, mutakizi yidodomberana, mutayiji kengeera mwahanwa. Langiizi! Umutwi weꞌmaaja, akoli yimaaziri ha mulyango!

2 Peturu 2:3

Na bwo bali bazizi beꞌbindu, bagakizi yibangira ibibeesha, mbu lyo bakizi mùlyalyania mwo. Ukulyokera keera, Rurema âli kizi balindiriza ikihano. Na buno, akolaga ibiringiini ukubaminika.