Sefaniya 1:11 - Kifuliiru

¹¹ Mwe mutuuziri haꞌkaguliro, mukizi bululuka! Mukuba abadandaza booshi bagaminikwa, kuguma na ábali mu vuuja ifwaranga.

Sefaniya 1:11 ပူးပေါင်းရင်းမြစ်များ

Hayubu 27:16

«Yabo bandu babi, kundu bangalunda-lunda ifwaranga katundu, banabe bagweti ibyambalwa bingi ngiꞌbumba lyoꞌmubuuvi,

Hayubu 27:17

haliko abandu boꞌkuli, bagayiji biyambala. Neꞌfwaranga zaabo, abandu bazira buhube banazigabaane.

Yeremiya 25:34

Mwe bangere! Mubandage akashiba ku kimombo! E bimangizi baꞌbandu! Muyibulage mu munyota-kiiko. Bwobuno, bakolaga bagamùtongeera ku ngooti. Mukola mugakizi yideedeka haashi, nga kirugu kiꞌbumba, neꞌbigyo binashaabuke.

Yeremiya 4:8

Ku yukwo, mukenyerage amasuuzu, mu kuyerekana kwo mukoli jengiirwi. Munabululuke ku kimombo. Si uburaakari bwa Nahano butazi hooha hiꞌgulu liitu!»

Hezekyeri 21:12

Neꞌri bangakubuuza, ti: “Ewe! Kituma kiki ugweti ugabululuka kwokwo?” Unabashuvye: “Ngweti ngabululukira imyazi mibi íyadetwa kwo iri njira. Emwe! Iri ya kushengula imitima, inali ya kulebeza amaboko naꞌmadwi. Ngiisi úrambiri, agaahola. Na yibyo byoshi, ukukoleka, bigakoleka ngana! Kwokwo, kwo nie Rurema Nahamwinyu ndesiri.”»

Hosheya 9:6

Kundu mwangakira Abahasuriya, haliko ikihugo kyeꞌMiisiri kigaki mùhima. Ee! I Mefiisi, yo munda mweshi mugaziikirwa. Kundu mushubi hiiti ibindu byeꞌkishingo, halikago ikishuka kigabimera mwo. Kiri neꞌnyumba ziinyu, zigayijula mweꞌmigenge.

Yuheeri 1:13

Na niinyu, e bagingi! Muyambalage ibyambalwa byoꞌkugandaara. Mwe mugweti mugaakola ha katanda ka Nahano, mulirage. Mwe mugweti mugakolera Rurema, mulaale muyambiiti amasuuzu. Mukuba abandu, ndaakiryo ituulo lyoꞌmushyano kandi iri lyeꞌdivaayi bakiri mu tanga mu nyumba ya Rurema.

Yuheeri 1:5

Mwe mulalusiri! Muvyukage, munalire ku kimombo! Mweshi mwe muli mu laluka idivaayi! Mukizi bululuka. Imizabibu yoshi, keera yasherebera, kyo kitumiri mutâye ki nywe ku divaayi nunu-nunu.

Sefaniya 2:5

E Bafirisiti, mwe mutuuziri ku butambi bweꞌnyaaja, na mu kaaya keꞌKaanani! Na niinyu kwakundi, mukolaga mugaahanwa. Ee! Nahano akola agamùminika, hataganasigala kiri na woꞌmuti!

Zakariya 14:21

Ngiisi nyungu íziri mu Yerusaleemu na mu kihugo kyeꞌBuyuda kyoshi, zigaaba zikoli talwirwi imwa Nahano woꞌbushobozi bwoshi. Ngiisi ábagayiji tanga amatuulo goꞌkusiriiza, bagakizi zikoleesa mu kudeeka inyama. Yulwo lusiku, mango lwahika, abadandaza batagaki labuka mu nyumba ya Nahano woꞌbushobozi bwoshi.

Yohana 2:16

Kiri na ábâli gweti bagadandaliza mwaꞌmahumba, Yesu anababwira: «Shaazi yaga mahumba yaha! Mutakolwe kwo mwaki gira inyumba ya Daata kabe kaguliro!»

Yakobo 5:1

Na niinyu mwe bagale! Munyuvwirize bwija! Mukizi lira ku kimombo, iri munabululuka! Mukuba mugaki yingira mu makuba.