Nehemiya 9:19 - Kifuliiru

¹⁹ Kundu bakakuhubira kwokwo mwiꞌshamba, utanabajanda. Mukuba, uyamiri uli neꞌndengeerwa ya kahebuuza. Kirya kibungu íkyâli kizi barongoora mwiꞌzuuba, kitanabalyokerera. Kiri na kirya kibungu kyoꞌmuliro, kyanagenderera mu bushigi, gira kikizi bamolekera mu njira.

Nehemiya 9:19 ပူးပေါင်းရင်းမြစ်များ

Nehemiya 9:12

Mwiꞌzuuba, wâli kizi barongoora neꞌnguliro yeꞌkibungu. Na mu bushigi, wâli kizi barongoora neꞌnguliro yoꞌmuliro, gira ikizi bamolekera mu njira.

Nehemiya 9:27

Iri ukabonaga kwokwo, wanababiika mu maboko gaꞌbagoma baabo, halinde yabo bagoma banabagira yondo-yondo. Kundu kwokwo, ikyanya bâli kizi libuuka, banakutabaaza. Na kwokwo utuuziri mwiꞌgulu, wanabayuvwiriza. Wanabayuvwirwa indengeerwa, wanabatumira abandu boꞌkubakiza. Yabo bandu, banakizi baguluula mu maboko gaꞌbagoma baabo.

Nehemiya 9:31

Kundu kwokwo, ukabayuvwirwa indengeerwa, utanabashereeza lwoshi-lwoshi, utanabajanda. Ee! Uli Rurema weꞌndengeerwa, unali mu kejererana.

Zaburi 106:45

anakengeera ikihango kyo bakanywana. Na bwo âli bakuuziri, anabayuvwirwa indengeerwa,

Zaburi 136:16

Anakizi rongoora abandu baage mwiꞌshamba. Urukundo lwage, luyamiri ho, halinde imyaka neꞌmyakuula.

Kulyoka 40:36

Yabo Bahisiraheeri, ikyanya bâli kizi balama, ikibungu kyâli kizi tee nunga, banabuli shokola injira.

Kulyoka 40:38

Ikyanya kya mwiꞌzuuba, ngiisi ho bâli kizi genda, yikyo kibungu kya Nahano kyâli kizi beera hiꞌgulu liꞌheema. Na mu bushigi, kyâli kizi boneka nga muliro.

Hisaaya 44:21

«E Bahisiraheeri, beene Yakobo! Si muli bakozi baani! Aahago! Yago magambo, mukizi gakengeera. Nienyene, nie kamùbumba. Ndanâye mùyibagire, kiri neꞌhiniini.

Kimombo 3:22

Urukundo lwa Nahano lutali mu heka. Na bwo atukuuziri bweneene, tutazi mirwa lwoshi-lwoshi.

Hezekyeri 20:14

«Halikago, nanashubi shiginya ukubahaniiriza, gira iziina lyani litayiji kengeera lyagayirizibwa mu binyamahanga. Mukuba, bikayibonera ngiisi kwo nꞌgahulusa Abahisiraheeri mu kihugo kyeꞌMiisiri.

Hezekyeri 20:17

Kundu kwokwo, nanayiji bayuvwira indengeerwa, ndanaki baminikira mu lirya ishamba.

Hezekyeri 20:22

«Kundu kwokwo, nanashubi shiginya ukubahana, gira iziina lyani litayiji kengeera lyagayirizibwa mu binyamahanga. Mukuba, bikayibonera ngiisi kwo nꞌgahulusa Abahisiraheeri mu kihugo kyeꞌMiisiri.

Danyeri 9:18

E Rurema wani! Akaaya keꞌYerusaleemu, abandu booshi bayiji-yiji kwo kali keꞌmwawe. Halikago buno, kakoli hanyagiiri. Kwokwo, uyinamule amasu, unakalangiize. «“Íbitumiri tugweti tugakuhuuna, kutali mbu bwo tugweti tugaagira íbikwaniini. Haliko tugweti tugakuhuuna, bwo we mwene ulukogo.

Danyeri 9:9

«“E Rurema Nahamwitu! Kundu tukahunaga imbere lyawe, haliko utuyereke kandi kwo uli munandengeerwa, na kwo uli mu kizi kogana.

Malaki 3:6

E beene Yakobo! Niehe nie Nahano! Ndanali mu hinduka. Kyo kitumiri ndakamùminika lwoshi-lwoshi.»

Muharuuro 14:14

Lyeryo, banayami menyeesa abatuulaga ba mu kino kihugo. Mukuba, yabo batuulaga, keera bakalonga imyazi kwo uli kuguma na nyiitu. E Nahano, bayuvwiti kwo uli mu boneka masu ku gandi. Bayuvwiti na kweꞌkibungu kyawe kiri mu beera hiꞌgulu liitu, na kwo ku kyanya kiꞌzuuba, ugweti ugatanga imbere liitu mu nguliro yeꞌkibungu. Na bushigi, ugweti ugatutanga mu nguliro yoꞌmuliro.

Bukengeeze 8:2

«Mukengeerage ngiisi kwo Nahano, Rurema winyu, akahisa imyaka makumi gana, agweti agamùrongoora mwiꞌshamba. Akalooza kwo mube batuudu. Anamùgeza, halinde alonge ukumenya íbiri mu mitima yinyu, iri mugasimbaha imaaja zaage, kandi iri nanga.

1 Samweri 12:22

«Bwo Nahano ahiiti iziina lya kahebuuza, atagamùjanda. Si agakizi mùgira mube bandu baage. Kwokwo, kwo asiimiri.