Nehemiya 9:15 - Kifuliiru

¹⁵ Ikyanya bâli shalisiri, wanakizi baheereza imikate ukulyoka mwiꞌgulu. Neꞌkyanya bâli nyotiirwi, wanabanywesa amiiji ágakashalala mu lwala. Kirya kihugo kyo ukabalagaania ku ndahiro, wanababwira kwo bagendi kihyana.

Nehemiya 9:15 ပူးပေါင်းရင်းမြစ်များ

Ndondeko 14:22

Halikago, Hiburamu anamúshuvya: «Keera nabiika indahiro imbere lya Nahano Rurema, ulya úkalema igulu neꞌkihugo, anali hiꞌgulu lya byoshi.

Nehemiya 9:20

Umutima gwawe mwija, gwâli kizi bayigiriza. Ikyanya bakashalika, wanabaliisa imana. Neꞌkyanya bakanyoterwa, wanabanywisa amiiji.

Zaburi 114:8

Si ye kahindula ulwala lube kiziba! Kundu lwâli lwala lukomu, haliko lwanayiji shyoka mwoꞌtudota.

Kulyoka 16:4

Kwokwo, Nahano anabwira Musa: «Yaba bandu, ngabatibulira imikate ukulyoka mwiꞌgulu. Ngiisi shesheezi, bagakizi toola imikate yo bagaalya ku lwolwo lusiku. Kwokwo, lyo ngabagera, ndonge ukumenya iri bangakulikira imaaja zaani, kandi iri nanga.

Kulyoka 17:3

Yabo booshi bâli koli nyotiirwi bweneene, kyanatuma bagagenderera ukuyidodombera Musa: «Si ukatulyosa mu kihugo kyeꞌMiisiri, lyo uyiji tuyitira ino munda neꞌnyoota. Kiri naꞌbaana biitu, neꞌbitugwa biitu, byoshi bigaafwa ngana.»

Kulyoka 17:6

Lolaga! Nienyene ngagwanwa ngoli yimaaziri imbere lyawe, ku lwala lweꞌHorebu. Mango wahika ku yulwo lwala, unalushulike kweꞌngoni. Haaho, lunashyoke mwaꞌmiiji, halinde abandu booshi bananywe.» Ngiisi kwo Rurema akadeta, Musa anakugira, imbere lyaꞌbashaaja baꞌBahisiraheeri.

Kulyoka 6:8

Yikyo kihugo, nꞌgakilagaania Hiburahimu, na Hisake, na Yakobo, mu kubabiikira indahiro. Na niinyu, ngaki mùheereza kyo, kibe na kyeꞌmwinyu. Niehe, nie Nahano.”»

Hisaaya 48:21

Ikyanya Nahano âli kizi rongoora Abahisiraheeri mwiꞌshamba, batâli nyotiirwi. Mukuba akababerera ulwala, anabalyokeze mwaꞌmiiji mingi. Yago miiji ganakizi golomba.

Yeremiya 32:23

Banayiji kiyabiira, banakituula mwo. Kundu kwokwo, batâli kizi kusimbaha, mbu bakulikirize imaaja zaawe, batanakizi gira nga kwo ukababwira. Kyanatuma ugabaleetera inguuke.

Hezekyeri 20:15

«Iyo munda mwiꞌshamba, nanashubi shiikiza kwo ndagabayingiza mu kihugo kyo nꞌgabaheereza, kinayeziri mwaꞌmata noꞌbuuki, ukuhima ibindi byoshi.

Muharuuro 14:30

Mu kati kiinyu, ndaaye úgayingira mu kihugo kyo nꞌgamùheereza mu kubiika indahiro, átali Kalebu mugala Yefune naaho, na Yoshwa mugala Nuuni.

Bukengeeze 1:21

Aaho! Lolagi ikihugo yiki kiri imbere liinyu, keera amùheereza kyo. Ku yukwo, mugendi kigwata, nga kwo Nahano, Rurema wa bashokuluza biinyu akamùbwira. Mutayobohe, si musikame.”

Bukengeeze 1:8

«“Lolagi! Kiriira kihugo, keera namùheereza kyo. Ngahwe! Mugendi kigwata. Nie Nahano. Kirya kihugo, keera nꞌgakyula kwo ngakiheereza bashokuluza biinyu Hiburahimu, na Hisake, na Yakobo, naꞌbandu beꞌbibusi byabo.”»

Bukengeeze 8:3

Akatee mùleka mukizi libuuka, munashalike. Ha nyuma, anamùheereza imana, gira mukizi lya. Yibyo byokulya, mutâli biyiji, kiri na bashokuluza biinyu. Na íbitumiri Nahano akagira kwokwo, gira lyo alonga ukumùyigiriza kwo bitalyagagi byoꞌmundu ali mu lya naaho, byo bitumiri ali mu ba mugumaana. Si angalama naaho, ku magambo ágalyosiri imwa Rurema.