Nehemiya 9:12 - Kifuliiru

¹² Mwiꞌzuuba, wâli kizi barongoora neꞌnguliro yeꞌkibungu. Na mu bushigi, wâli kizi barongoora neꞌnguliro yoꞌmuliro, gira ikizi bamolekera mu njira.

Nehemiya 9:12 ပူးပေါင်းရင်းမြစ်များ

Nehemiya 9:19

Kundu bakakuhubira kwokwo mwiꞌshamba, utanabajanda. Mukuba, uyamiri uli neꞌndengeerwa ya kahebuuza. Kirya kibungu íkyâli kizi barongoora mwiꞌzuuba, kitanabalyokerera. Kiri na kirya kibungu kyoꞌmuliro, kyanagenderera mu bushigi, gira kikizi bamolekera mu njira.

Zaburi 105:39

Yabo Bahisiraheeri, Rurema anababwikira neꞌkibungu. Neꞌkyanya kya bushigi, anakizi bamolekera noꞌmuliro.

Zaburi 107:7

Akabaleeza mu njira ígolosiri, halinde anabahisa mu kihugo kyo bagatuula mwo.

Zaburi 143:8

Keera nakubiika kwoꞌmulangaaliro. Aaho! Ukizi nyereka urukundo lwawe ngiisi shesheezi. Amahuuno gaani, keera gahika imwawe. Kwokwo, ukizi nyereka ngiisi ho ngalenga.

Zaburi 78:14

Ku kyanya kya mwiꞌzuuba, âli kizi barongoora neꞌkibungu. Na mu bushigi, âli kizi barongoora neꞌnguliro yoꞌmuliro.

Kulyoka 15:13

«Urukundo lwawe, lutahiiti imbeka. Na ku njira yalwo, ugarongoora abandu baawe. Keera wabaguluula. Na ku bushobozi bwawe, ugabahisa ahandu haawe heeru.

Hezekyeri 20:6

Ku yikyo kyanya, nꞌgabalagaania kwo ngabahulusa mu Miisiri, na mbatwale mu kihugo kyo nꞌgabatoolera. Yikyo kihugo, kiyeziri mwaꞌmata, noꞌbuuki. Emwe! Kiri kiija bweneene ukuhima ibindi bihugo byoshi.

Muharuuro 9:16

Ukulyokera ku lulya lusiku, mwiꞌzuuba, yikyo kibungu kyâli kizi bwikira iheema. Na mu bushigi, kyanakizi boneka nga ngulumira yoꞌmuliro.

Muharuuro 9:21

Ikindi kyanya, yikyo kibungu kyâli kizi beera hiꞌgulu liꞌheema ukutondeerera kabigingwe halinde shesheezi naaho. Kundu kwokwo, guba mulege-rege kandi iri bushigi, ikyanya kyâli kizi nunga, nabo lyo bâli kizi hongola ishumbi, banabunge.