Nehemiya 9:10 - Kifuliiru

¹⁰ Wâli yiji-yiji ngiisi kwaꞌBamiisiri bagweti bagabalibuza. Kyanatuma ugakizi gira ibisoomeza neꞌbitangaaza, imbere lya Faraho weꞌMiisiri, neꞌmbere lyaꞌbakozi baage booshi, neꞌmbere lyaꞌbandu booshi ba mu kihugo kyage. Kwokwo, kwo ukagingika iziina lyawe, linaki gingisirwi halinde zeene.

Nehemiya 9:10 ပူးပေါင်းရင်းမြစ်များ

Nehemiya 9:16

«Balya bashokuluza biitu, banaba mindagabika, banayumuusa imitima yabo, batanakizi ki kulikira imaaja zaawe.

Nehemiya 9:29

Ukakizi bakengula kwo bakizi simbaha imaaja zaawe. Halikago, banayigira mindagabika, batanazitwaza. Na kundu bangárambiri bwija ku mategeko gaawe, haliko batanakizi gasimbaha. Banayumuusa imitima yabo, banayigira babitwitwi, banakizi na yifunda mu bitali nga byo.

Zaburi 83:18

Balya bagoma bakizi teteerwa, banakizi yama bashengusiri. Ee! Bagendi fwira ku mbinga.

Kulyoka 18:11

Buno ngoli yiji kwo Nahano ye sumbiri íbiri mu yikumbwa byoshi. Mukuba, kundu yabo Bamiisiri bâli kizi libuza Abahisiraheeri bweneene ku kanyaaro, haliko ubuzinda akabaguluula mu maboko gaabo.»

Kulyoka 3:20

Ikyanya ngahaniiriza ikihugo kyage, ngakoleesa ukuboko kwani kwoꞌbushobozi, mu kukizi gira ibitangaaza bya kwingi-kwingi mu kati kaabo. Ha nyuma, uyo mwami akabuli mùleka mugendage.

Kulyoka 5:2

Mwami naye, ti: «Uyo Nahano winyu, ali nga nyandi? Na kituma kiki nangamúyuvwiriza? Nanga, ndamúyiji. Ndanganahanguula Abahisiraheeri kwo bagende.»

Kulyoka 7:1

Iri hakatama, Nahano anabwira Musa: «Yuvwagwa! Namu kugira ube nga Rurema imwa mwami weꞌMiisiri. Na mukulu wawe wa Harooni, agakizi deta ahandu haawe.

Kulyoka 9:16

Na íbikatuma nꞌgakuyimika, gira lyo nyerekana ubushobozi bwani, halinde liꞌziina lyani likizi lumbuuka mu mahanga gooshi.

Hisaaya 42:20

«E Bahisiraheeri! Kundu keera mukabonaga amagambo mingi, si mutagatwaziizi kiri neꞌhiniini. Na kundu amatwiri giinyu gayigusiri, si ndaabyo muli mu tami yuvwa.»

Hisaaya 63:12

Anali ye wâli kizi rongoora Musa, ku bushobozi bwage bwaꞌkahebuuza, anabera inyaaja imbere lyabo, halinde iziina lyage lyanalumbuuka imyaka neꞌmyakuula.

Hisaaya 63:14

Banaba nga ngaavu íziragiiri mu ndekeera, bwoꞌmutima gwa Nahano gwo gukabaluhuusa.» E Nahano, kwokwo, kwo wâli kizi rongoora abandu baawe, halinde iziina lyawe lyanakizi lumbuuka.

Yeremiya 32:20

Irya munda i Miisiri, wâli kizi gira ibitangaaza bya kahebuuza. Kiri na buno, uki genderiiri ukubigira mu Bahisiraheeri, kiri na mu mahanga. Kyo kitumiri ukoli menyekiini mu mahanga gooshi.

Hezekyeri 20:9

Haliko, nanaleka ukugira kwokwo, gira iziina lyani litayiji kengeera lyagayirizibwa mu bandu beꞌgindi milala bo batuliinwi. Mukuba, yabo bandu bakayibonera ngiisi kwo nꞌgayitanga mu Bahisiraheeri, ku kyanya nꞌgabahulusa mu kihugo kyeꞌMiisiri.

Danyeri 5:23

Si keera ukayikuza, mu kuhagana na Nahano, anali ye tuuziri mwiꞌgulu! Kiri na birya bikombe íbikalyosibwa mu nyumba ya Rurema, wabiyabiira, wanabinywera mweꞌdivaayi mwe naꞌbatwali baawe, na bakaawe, naꞌbandi bakazi baawe beꞌmbuga. «Na kwakundi, wanakizi huuza imigisi, kundu ikatuulwa mu harija, na mu nooro, na mu miringa, na mu byuma. Igindi yâli baajirwi mu biti, na mu mabuye. Wanakizi gihuuza, kundu itali mu bona, itanali mu yuvwa, ndaanakyo kindu kyo iyiji. Utanali mu twaza Rurema, kundu ye fumbiiti ubulamu bwawe mu maboko gaage, ye nayiji ngiisi kwo akushungikiiri.

Danyeri 9:15

«“E Rurema Nahamwitu! Yaho keera, ukalyosa abandu baawe mu kihugo kyeꞌMiisiri mu kati koꞌbuhagarusi, kyanatuma iziina lyawe ligakizi huuzibwa, halinde zeene. Kundu kwokwo, tukoli yifuuziri mu byaha, tunakoli bihuusiri bweneene.

Mikolezi 7:36

«Ha nyuma, Musa anabarongoora, mu kubalyosa i Miisiri. Akahisa imyaka makumi gana, agweti agayerekana yeꞌbitangaaza bingi. Anakizi bigira ku Nyaaja Ndukula, kiri na mwiꞌshamba.

Barumi 9:17

Biyandisirwi mu Mandiko Meeru kwo Rurema akabwira Faraho, ti: «Íbitumiri nꞌgakuyimika, gira lyo nꞌgayerekane ubushobozi bwani ku byo ngakugirira, halinde liꞌziina lyani likizi lumbuuka mu mahanga gooshi.»

Bukengeeze 4:34

«Ka hangayimbwa ugundi úli mu yikumbwa, úkashaaza umulala gwage mu buja bwoꞌgundi mulala? Si ndaaye! Haliko, Nahano, Rurema winyu, yehe akamùgirira kwokwo mu masu giinyu. Âli gweti agalibuza Abamiisiri. Si mwehe, anamùkolera amagambo mahamu ku bukalage bwage. Gali ga kahebuuza, ganasomeziizi bweneene.

Bukengeeze 7:19

Mukayibonera ngiisi kwo akabayogogoza, ku njira yeꞌbisoomeza. Neꞌkyanya akamùshaaza mu kihugo kyeꞌMiisiri, akayerekana ubushobozi bwage, mu kati koꞌbukalage. Kwo na kwokwo, kwo agakizi shereeza imilala yoshi yo muki yobohiri.

1 Peturu 5:5

Na niinyu mweꞌmisore, mukizi simbaha abashaaja. Mweshi, mukizi ba batuudu mwenyene kwa mwenyene. Mukuba, «Ikyanya abandu bali mu yiheemya, Rurema ali mu batindimaza. Si abatuudu boohe, ali mu bagashaanira.»