Ndondeko 5:24 - Kifuliiru

²⁴ Na bwo âli tuuziri neꞌngoome na Rurema, lusiku luguma Rurema anamútwala, atanakiboneka.

Ndondeko 5:24 ပူးပေါင်းရင်းမြစ်များ

Ndondeko 24:40

«Naye, ti: “Nahano ayamiri ali mu ndongoora. Na buno, agakulungikira umuganda wage, halinde ugenduukirwe mu lugeezi lwawe. Uloogeze mugala wani umukazi, mu mulala gwani, na mwiꞌkondo lyani, unamúndeetere hano.

Ndondeko 37:30

Anagalukira imunda balumuna baage, iri anayamiza, ti: «Ala nie! Mulumuna witu Yusefu atakiri mu kirimbi-rimbi. Hayagi niehe ngataahira?»

Ndondeko 42:36

Haaho, Yakobo anabwira bagala baage kwokuno: «Ka muloziizi ukummalira abaana? Yusefu na Simyoni batakiri ho. Na buno mukoli loziizi ukutwala Binyamiini naye. Ala nie! Si yaga malibu gooshi, galyagagi kwiꞌtwe lyani!»

Ndondeko 5:22

Ha nyuma lyoꞌkumúbuta, analama igindi myaka magana gashatu. Mwiꞌyo myaka, Hinoki âli tuuziri neꞌngoome na Rurema. Anabuta abandi baana boꞌbutabana, na boꞌbunyere.

Ndondeko 5:23

Hinoki, analama imyaka magana gashatu na makumi galindatu niꞌtaanu.

Ndondeko 5:25

Uyo Metuseela, iri akaba akola neꞌmyaka igana na makumi galimunaana niꞌrinda, anabuta Laameke.

Ndondeko 6:9

Abandu ba mu mbaga ya Nuhu, umwazi gwabo gwo gwoguno: Ku kyanya kyage, yehe naaho, ye wâli kwaniini imbere lya Rurema, ndaanabwo buhube bwo âli hiiti. Âli tuuziri neꞌngoome nyiija na Rurema.

2 Baami 2:1

Ikyanya Nahano âli kola agalengeza Hiriya mwiꞌgulu mu mbuusi yaꞌkasiru-siru, Hiriya na Hirisha bâli lyosiri i Girigaali.

2 Baami 2:10

Hiriya, ti: «Yibi wahuuna, biri bikayu. Kundu kwokwo, ikyanya ngatwalwa, iri wangambona, lyo ugagulonga. Halikago, iri utangambona, utagaki guhaabwa.»

2 Baami 2:11

Iri bakaba bakiri mu yugwo muganuulo, lyeryo ngana, hanayami hulukira igaare lyoꞌmuliro, ligweti ligakululwa neꞌfwarasi zoꞌmuliro, byanabahandula. Ulya Hiriya analengezibwa mwiꞌgulu, mu mbusi yaꞌkasiru-siru.

2 Baami 2:12

Hirisha, iri akabona kwokwo, anateerera umulaga kwokuno: «E daata! E daata! Si gali magaare gaꞌBahisiraheeri, na ábagarongwiri!» Ha nyuma, atanaki shubi bona Hiriya. Kyanatuma agagwata ibyambalwa byage ku mwizingeerwe, anabidaatula.

Zaburi 49:15

Balyagagi nga bibuzi íbiri mu sholerwa, halinde mu shinda. Narufu ye mungere wabo. Iri bugaakya, ábasimbahiri Rurema bagaaba bo bakulu baabo. Si yabo bahwija, bagaaba bakolaga hala neꞌnyumba zaabo mbamu. Naꞌmagala gaabo, ganayame gaboliiri naaho i kuzimu.

Zaburi 73:24

unali mu ndongoora, mu kukizi mbanuula halinde mu kuheza, unanyegereze mu bulangashane.

Yeremiya 31:15

Nahano adetaga kwokuno: «Mu kaaya keꞌRama, abandu bakola mu bululuka ku kimombo, munali mu yuvwikana uluhanga bweneene! Ee! Laheeri ye gweti úgalirira abaana baage. Atanaloziizi kwo hagire úgamúholeeza, bwo batakiri ho.

Mataayo 2:18

«Mu kaaya keꞌRama, mwanayuvwikana ikimombo, noꞌluhanga! Ee! Laheeri ye gweti úgalirira abaana baage ku kimombo! Atanaloziizi kwo hagire úgamúholeeza, bwo batakiri ho.»

Luka 23:43

Yesu anamúshuvya: «Nakubwira ukuli, kwo zeene tugaaba twembi mu Paradiizo.»

1 Yohana 1:7

Haliko, iri twangaba tutuuziri mu mulengeerwe, nga kwo Rurema agutuuziri mwo, lyo tugaaba neꞌngoome twenyene kwa twenyene. Noꞌmuko gwoꞌMwana wage Yesu, gunayeruuse ibyaha biitu byoshi.

Yuda 1:14

Hinoki, shokuluza witu wa kalinda ukulyokera ku Hadamu, âli mali gwanwa atanga ubuleevi hiꞌgulu lyabo kwokuno: «Lolagi! Nahano agweti agayija neꞌbinoono byaꞌbaganda baage beeru,