Ndondeko 49:6 - Kifuliiru

⁶ Ku yukwo, ndâye ki yibiike mu magambi gaabo. Kiri neꞌmihumaanano yabo, ndâye ki giyingire mwo. Si bakaminika abandu ku buraakari bwabo, banatema ishuuli ikisi, mu kuyishesa naaho.

Ndondeko 49:6 ပူးပေါင်းရင်းမြစ်များ

Ndondeko 34:30

Yakobo, mbu abonage kwokwo, anabwira Simyoni na Laawi: «Lolagi! Keera mwangululira umwama. Keera mwayagaza abatuulaga ba mu kino kihugo, Abakaanani naꞌBapereesi. Yaba bandu, hali ikyanya bangakoli yibiika kuguma, banayiji ndeera. Na bwo ndahiiti abandu bingi, na ngengeere naminikirwa kuguma neꞌmbaga yani.»

2 Samweri 8:4

Ku yikyo kyanya, Dahudi akagwata abasirikaani boꞌkugendera ku fwarasi kihumbi na magana galinda, naꞌbasirikaani boꞌkugenda naꞌmagulu bihumbi makumi gabiri. Ikyanya Dahudi akagwata ifwarasi zoꞌkubulula amagaare, anakizi zitema ibisi. Haliko, anasiga ifwarasi igana zoꞌkukizi kulula amagaare igana.

1 Kutondobola 18:4

Anagwata amagaare gaage giꞌzibo kihumbi, naꞌbasirikaani boꞌkugendera ku fwarasi bihumbi birinda, naꞌbasirikaani boꞌkugenda naꞌmagulu bihumbi makumi gabiri. Uyo Dahudi anatola ibisi byeꞌfwarasi zooshi zoꞌkubulula amagaare. Akasiga ifwarasi igana naaho, buzira kuzitola ibisi.

Zaburi 1:1

Ahiriirwi, umundu útali mu twaza banangora-mabi, anabe atabakombiiri. Ikyanya bagweti bagashekeereza ibya Rurema, atali mu bayibiika kwo.

Zaburi 103:1

Izaburi ya Dahudi. E mutima gwani, ukizi huuza Nahano. Ngiisi íbindi mwo, ukizi huuza iziina lyage, kwo liri litaluule.

Zaburi 139:19

E Rurema, we kongwa, bwangabiiri bwija uminikage banangora-mabi. Mwe biitani, munjaage ha butambi.

Zaburi 16:9

Ku yukwo, umutima gwani gushagalusiri, na ngoli shambiiri. Kiri naꞌmagala gaani, gagatuula gakingiirwi.

Zaburi 26:9

Aaho! Ikyanya ugayita abanabyaha, naani utanzimiize mu kihugo. Ee! Utanjaagize kuguma naꞌbiitani.

Zaburi 28:3

Utambanire kuguma na banangora-mabi, balya bakozi baꞌmabi. Si boohe, bagweti bagaadeta amagambo goꞌkulembuusa abatuulani baabo. Kiziga mu mitima yabo, bagweti bagabashungikira amabi.

Zaburi 30:12

Ikyanya nâli kizi bululuka, na nyambale ibisheeba, haaho, wâli kizi ndabaala. Na buno, ngoli gweti ngakina ku bushambaale.

Zaburi 42:11

Bagweti baganyamiriza. Banali mu shiiba bagweti bagambuuza: «Ewe! Ulya Rurema wawe, alyagagi hayi?» Kwokwo, nayuvwa mu mavuha gaani kwo ngoli fwiri.

Zaburi 42:5

Buno, ngola ngadeteerera íbiri mu mutima gwani. Ngi kengiiri ngiisi kwo nâli kizi genda ndongwiri abandu bingi, mu kugendi yingira mu nyumba ya Rurema. Ee! Tweshi twâli kizi kutangira kongwa, iri tunashagalukira kuguma, noꞌkubanda utubuuli.

Zaburi 43:5

E mutima gwani, kituma kikagi ukoli jengiirwi, unakoli shengusiri? Ubiikage umulangaaliro gwawe imwa Rurema. Ye mu ngiza, ye na Rurema wani. Ee ma! Ngaki shubi múyivuga.

Zaburi 5:10

Balya bagoma, mu byo bali mu deta, ndaakwo ukuli, kiri niꞌgambo liguma. Si mu mitima yabo, baloziizi naaho kwo bakizi yitana. Ngiisi íbiri mu lenga mu bikorokoro byabo, biri mu ba nga shinda íziyanuusiri. Ngiisi byo bali mu deta, biri mu ba naaho bya kulyalyania.

Zaburi 57:8

E Rurema, umutima gwani gusikamiri. Ee! Gukoli sikamiri ngana-ngana. Kwokwo, ngakizi kuyimbira, mu kukuyivuga.

Zaburi 64:2

E Rurema, abagoma baani bambikiiri ikikando. Ku yukwo, uyuvwe ngiisi kwo ngweti ngayidodomba, unakizi njuutira.

Migani 1:11

Hali ikyanya bangadeta: «Uyije tugendi tegeera umundu, gira tukamúyite! Kundu ali muzira buhube, tugendi múteera naaho.

Migani 12:5

Ikyanya umundu mwija ali mu shungika, ishungi zaage ziri mu ba zitungiini. Si banangora-mabi, boohe, amahano gaabo gali mu tebana.

Yeremiya 15:17

Ikyanya abandu bâli kizi yifunda mu bitalaalwe, ndâli kizi bayibiika kwo. Si nâli kizi bwatala nienyene, iri na mbona buligo hiꞌgulu lyeꞌbyaha byabo.

Yeremiya 4:19

Umutima gwani gukola mu lyana! Gukola mu lyana bweneene! Keera gwanatulagula! Umutima gwani, gugweti gugapuupa-puupa ngana! Si keera nayuvwa ibibuga bikola mu dihirizibwa, kuguma noꞌlujongo lweꞌkiteero. Ku yukwo, ndagaki hulika.

Luka 12:19

Haaho, lyo ngayidesa mu mutima gwani: Aa! Ukoli yisinguliiri akanyamwala keꞌbindu biija! Bigakuhisa ku myaka mingi. Aaho! Uvwagarare! Ukizi lya, noꞌkunywa, iri unashambaala.”

2 Bakorindo 6:14

Mutakwaniini ukukizi yibiika ku batayemiiri Kirisito. Íbikwaniini imbere lya Rurema, ka byangalola ku mabi? Noꞌmulengeerwe, ka gwangaba neꞌngoome neꞌkihulu?

Bukengeeze 27:24

«Umundu, iri angayita umutuulani wage ku bumbishwa, adaakwe. Abandu booshi banashuvye, ti: “Ee! Bikizi ba kwokwo.”

Yoshwa 11:9

Yoshwa anatema-tema ibisi byeꞌfwarasi zaabo. Naꞌmagaare gaabo, anagaduulika kwoꞌmuliro, nga kwo Nahano âli mali gwanwa amúbwira.

Batwi beꞌmaaja 5:21

Kwokwo, ulwiji Kishooni lwanayijula, lwanabakumbulula booshi. Yulwo lwiji kwo luyamiri lukundwiri, lukasavya. E mutima gwani, ukizi yama usikamiri.