Ndondeko 46:20 - Kifuliiru

²⁰ Yusefu naye, ikyanya âli kola mu kihugo kyeꞌMiisiri, akabuta abatabana babiri, Manaasi na Hifurahimu. Yabo batabana, akababuta ku Hasinaati munyere Potifeera. Noꞌyo Potifeera, âli riiri mugingi waꞌkaaya keꞌHoni.

Ndondeko 46:20 ပူးပေါင်းရင်းမြစ်များ

Ndondeko 41:45

Uyo Faraho, anayinika Yusefu iziina lyeꞌkimiisiri Safenati-Paneya. Anamúgondera Hasinaati munyere Potifeera, umugingi weꞌHoni. Kwokwo, Yusefu anatondeera ukukizi genda agatanduula ikihugo kyoshi kyeꞌMiisiri.

Ndondeko 46:19

Yakobo, akabuta abatabana babiri ku mukaage Laheeri. Yusefu na Binyamiini.

Ndondeko 48:1

Iri hakalenga isiku, Yusefu anabwirwa kwo yishe, ubulwazi bwamúkayira. Lyeryo, anayami yabiira bagala baage bombi, Manaasi na Hifurahimu, banagendi mútanduula.

Ndondeko 48:20

Ku lwolwo lusiku, Yakobo anabagashaanira, ti: «Amaziina giinyu, Abahisiraheeri bagakizi gakoleesa mu kugashaanirana. Bagakizi deta: “Rurema akizi kugirira amiija, nga kwo akagirira Hifurahimu na Manaasi.”» Kwokwo, kwo Yakobo akasimbahiisa Hifurahimu ukuhima Manaasi.

Hezekyeri 30:17

Imisore mitabana yeꞌHoni na yeꞌPibeseeti, igayitwa ku ngooti. Na ábagasigala, bagatwalwa imbohe mu mahanga.

Yoshwa 14:4

Mwiꞌkondo lya Yusefu, mwâli lyosiri imilala ibiri: umulala gwa Manaasi noꞌgwa Hifurahimu. Umulala gwa Laawi gukalonga naaho ahandu hoꞌkutuula kuguma neꞌbitugwa byabo, neꞌbindi bindu byabo.

Yoshwa 17:1

Manaasi, ifula ya Yusefu, ubuhyane bwo beene wage nabo bakahaabwa bwo bwobuno: Makiiri, ifula ya Manaasi, ye na yishe wa Giryadi. Beene Makiiri, byâli bikalage mwiꞌzibo, kyanatuma bagahaabwa ikihugo kyeꞌGiryadi, na kyeꞌBashaani.