Ndondeko 45:18 - Kifuliiru

¹⁸ Bagendi ndeetera yisho, kuguma neꞌmbaga zaabo. Mu kino kihugo kyeꞌMiisiri, ngayiji babiika ahandu hiija, halinde batuule bwija mu kihugo kyani.

Ndondeko 45:18 ပူးပေါင်းရင်းမြစ်များ

Ndondeko 27:28

Aaho! Rurema akizi kumanulira ikimi kya mwiꞌgulu, anakuheereze idaho íriri mweꞌnagiira. Ukizi yeza ingano neꞌdivaayi ku bwingi.

Ndondeko 45:17

Kyanatuma mwami agabwira Yusefu: «Ubwirage bakulu baawe, kwo ngiisi muguma aheese punda wage umuteekerwa, banagalukire i Kaanani.

Ndondeko 46:34

munamúshuvye: “E nahamwitu, tuli bakozi baawe! Ukulyokera ubwanuke bwitu halinde zeene, umukolwa gwitu, gutuula gwa butuuzi. E waliha, yubwo butuuzi bwitu, bulyokiiri mu bashokuluza biitu.” «Ikyanya mugashuvya kwokwo, lyo agamùhanguula kwo mutuule haahano i Gosheni. Na íbyatuma namùbwira kwokwo, bwo nyiji kwaꞌBamiisiri bali mu kizi neena abangere bweneene.»

Ndondeko 47:6

Mu kino kihugo kyoshi kyeꞌMiisiri, we kola mutwali mwo. Aahago! Utoole ahandu hiija ho ugababiika. Wangabalekiiri kiri na haaho i Gosheni. Mu kati kaabo, iri wangabona mweꞌbikalage byaꞌbashosi, banabe bayiji umukolwa gwoꞌkuragira, ubabiike babe bimangizi beꞌbitugwa byani.»

Zaburi 147:14

Imbibi zeꞌkihugo kiinyu, ali mu zibiika mwoꞌmutuula, anakizi mùyigusa neꞌngano nyiija.

Zaburi 81:16

halinde ngiisi ábanjombiri bayami nvukamira mu kyoba. Ikihano kyabo kyangabiiri kyeꞌmyaka neꞌmyakuula.

Hisaaya 28:1

Yayewe imwaꞌkaaya keꞌSamariya! Si abatuulaga baamwo, Abahifurahimu, balyagagi balalwe! Banagweti bagayihaya, mbu kalimbiri ngoꞌlushembe, na mbu ho kayubasirwi, hayinamusiri mu ndekeera íri mweꞌnagiira. Kundu kwokwo, kakola ngoꞌtwaso útukoli yumagusiri. Yako kaaya koonyene, yubwo bulalwe bwo bugakatindimaza.

Hisaaya 28:4

Yako kaaya, kundu kâli limbiri nga lushembe úlukalukwa noꞌtwaso twija-twija, lwanâli teresirwi mu ndekeera íri mweꞌnagiira, haliko yutwo twaso tukola mu yumaguka. Yako kaaya kashushiini noꞌmutiini úgwakoma imbere lyeꞌkyanya. Ngiisi úli mu gubona, ali mu yami gutwa, anagulye.

Muharuuro 18:12

«Kwokwo, namùheereza ngiisi mimbu miija yaꞌBahisiraheeri bagakizi ndangira mu kundomoza, ngaꞌmavuta, neꞌdivaayi, neꞌngano.

Muharuuro 18:29

Ku ngiisi byo mugakizi yakiira, muheereze Nahano íbiri biija, bibe bitaluule imwage.»

Bukengeeze 32:14

Banakizi kama amata mu ngaavu, na mu bibuzi, na mu mbene. Banakizi longa inyama zeꞌbyanabuzi, na zeꞌbipanga, na zeꞌbihebe. Banakizi lya ingano nyiija. Banakizi kanda idivaayi mu mizabibu, banakizi ginywa.