Ndondeko 43:29 - Kifuliiru

²⁹ Uyo Yusefu, mbu alambuulage amasu, anabona mulumuna wage wa Binyamiini, ye babutanwa, anabuuza: «Uyu, ka ye mulumuna winyu ye mukambwira?» Anabwira uyo mulumuna wage: «E mwana wani, Rurema akizi kugashaanira.»

Ndondeko 43:29 ပူးပေါင်းရင်းမြစ်များ

Ndondeko 35:24

Bagala Laheeri, nabo amaziina gaabo go gaaga: Yusefu na Binyamiini.

Ndondeko 42:11

Kwo utubwini tweshi, tuli twe baguma. Tutalyagagi bagahirizi, si tuli bandu boꞌkuli.»

Ndondeko 42:13

Nabo, ti: «Nanga, e waliha! Kundu tulyosiri i Kaanani, haliko tuli bakozi baawe. Tweshi, tukabutwa na daata muguma. Twâli riiri misore ikumi niꞌbiri, haliko umuzibo gwitu, gwasigala na daata. Noꞌgundi mulumuna witu, keera akafwa.»

Ndondeko 44:21

«Ku kirya kihe, ukatubwira kwo tugendi kuleetera ye, gira uyiji múyibonera.

Ndondeko 45:8

«Mutali mwe mukandeeta ino munda. Si Rurema yenyene ye kandeeta yo. Ye kanangira mbe mukulu imunda mwami weꞌMiisiri. Uyo mwami, akambiika mbe mwimangizi weꞌbindu bya mu nyumba yage, na mbe mutwali kiri na mu kihugo kyoshi kyeꞌMiisiri.

2 Kutondobola 29:11

Ku yukwo, e beene witu, mutaki yolohe. Si Nahano keera akamùtoola, gira mukizi yimanga imbere lyage, munakizi múkolera, munakizi múyikumba, noꞌkumúyokera umubadu.»

Zaburi 111:4

Ibitangaaza bya Nahano, nyandagi úwangabiyibagira? Si agweti agagashanirana, anali mu yuvwirana indengeerwa!

Zaburi 112:4

Yabo bandu boꞌkuli, kundu bangaba bakola mu kihulu, haliko, umulengeerwe gugakizi batanguulira. Bagweti bagakizi tabaalana, banali mu gashanirana, banali mu yuvwiranwa indengeerwa.

Zaburi 67:1

Imwoꞌmwimangizi waꞌbimbi. Luli mu yimbwa neꞌnanga. Ulwimbo.

Hisaaya 30:19

E bandu beꞌSayuni, mwe mutuuziri i Yerusaleemu! Ku kasiisa, mutâye ki bululuke. Iri mwangatabaaza Nahano, agakizi mùyuvwa, anamùshuvye duba.

Hisaaya 33:2

E Nahano, tukubiisiri kwoꞌmulangaaliro. Aaho! Utukejererage! Ukizi tusikamya ngiisi shesheezi. Neꞌkyanya tugakizi longa amalibu, unatukize.

Malaki 1:9

«Aahago! Kundu mwanganyinginga kwo nimùkejeerere, haliko, munabe muki gweti mugandangira amatuulo mabi, ka mutoniri kwo ngamùyakiira? Si bitaziziri!

Muharuuro 6:25

Akizi mùgirira bwija, iri anakizi mùyuvwirwa indengeerwa.

Mataayo 9:2

Haaho, hanayija abandu, banamúleetera uluzingo, lugwejiiri ku kyajo. Iri Yesu akabona ngiisi kwo bamúbiisiri kwoꞌbwemeere, anabwira lulya luzingo kwokuno: «E mwana wani, ukanie umutima. Ibyaha byawe, keera byakogwa.»

Mataayo 9:22

Ikyanya akaguhumaga kwo, e! Yesu anakebaanuka. Neꞌri akabona uyo mukazi, anamúbwira: «E munyere wani, ukanie umutima. Bwo umbiisiri kwoꞌbwemeere, kyo kyatuma wakira.» Lyeryo, ulya mukazi anayami kira.

Mariko 10:24

Yago magambo ga Yesu, ganasoomeza abigirizibwa, kyanatuma agashubi babwira: «E baana baani, biri bikayu bweneene ukuyingira mu bwami bwa Rurema.

1 Timoteyo 1:2

e Timoteyo, we mwana wani nirizina mu kuyemeera Yesu. Daata Rurema, na Nahamwitu Yesu Kirisito, bakizi kugashaanira! Bakizi kuboneraga noꞌlukogo! Banakizi kuheereza noꞌmutuula.

Baheburaniya 13:1

Mugenderere ukukizi kundana nga baguma!

Yoshwa 7:19

Ulya Hakani, Yoshwa anamúbwira kwokuno: «E mwana wani, uhuuze Nahano Rurema waꞌBahisiraheeri, mu kudeta ukuli. Aahago! Ngiisi byo wakola, ubimbwehuke. Utakolwe kwo wabimbisha.»