Ndondeko 43:26 - Kifuliiru

²⁶ Uyo Yusefu, iri akataaha, banamúheereza yulwo lutengu. Lyeryo, booshi banafukama imbere lyage, banahisa amalanga haashi.

Ndondeko 43:26 ပူးပေါင်းရင်းမြစ်များ

Ndondeko 27:29

Abandu beꞌgindi milala, bakizi kukolera. Neꞌbibusi byoshi, bikizi kufukamira ku lushaagwa. Ube mutwali wa beene winyu, naꞌbalumuna baawe, bakizi kufukamira. Ngiisi úgakudaaka, naye akizi daakwa. Na ngiisi úgakugashaanira, naye akizi gashaanirwa.»

Ndondeko 33:3

Haliko Yakobo yenyene, anagenda imbere lyabo. Neꞌri akaba akola bu hika hoofi lyoꞌlya mukulu wage, anafukama ubugira kalinda, iri anahisa amalanga haashi. Kwokwo, kwo akamúheereza ulushaagwa.

Ndondeko 42:6

Mu kihugo kyeꞌMiisiri, Yusefu ye wâli kola mutwali mwiꞌdako lya Faraho. Ye wanâli kizi guliisa mweꞌngano ku bandu booshi. Kwokwo, yabo beene wabo, iri bakahika, banafukama imbere lyage, banahisa amalanga haashi.

Ndondeko 43:11

Lyeryo, yishe anababwira: «Bwo biri kwokwo, muyabiirage ku bindu biija bya mu kino kihugo kiitu, munabihambe mu ndaha ziinyu, munabitwalire uyo mutwali, lube lutengu. Mumútwalire ku buuki, naꞌmavuta maniini goꞌmushishi, noꞌmubadu, naꞌmanemane, neꞌkungu, neꞌloozi.

Ndondeko 43:28

Na wa nabo, ti: «Daata alyagagi mukozi wawe. Akiri mugumaana, anakiri ho.» Banashubi yinama kandi mu kumúheereza ulushaagwa.

Zaburi 72:9

Abandu ábatuuziri mwiꞌshamba bakizi múfukamira. Kiri naꞌbagoma baage, bakizi lamba ulukungu imbere lyage.

Kulyoka 18:7

Kwokwo, Musa anayimuka, gira agendi músanganira. Neꞌri akahikaga ho ali, anayinama, mu kumúheereza ulushaagwa, anamúnyunyuguta. Iri bakayusa ukulamusania, banayingira mwiꞌheema.

Barumi 14:11

Biri nga kwo biyandisirwi mu Mandiko Meeru, kwokuno: «Nahano adetaga kwokuno: “Nga kwoku nyamiri ho, kwo na kwokwo ngiisi mundu agaki fukama imbere lyani, iri anadeta kwo nie Rurema.”»