Ndondeko 41:39 - Kifuliiru

³⁹ Uyo mwami, analola ku Yusefu, anamúbwira: «Ewe! Yaga gooshi, Rurema ye wakuyigulira go. Tutaki bwini ugundi úli noꞌbumenyi, anali mwitegeereza, nga we.

Ndondeko 41:39 ပူးပေါင်းရင်းမြစ်များ

Ndondeko 41:16

Uyo Yusefu anashuvya mwami: «Nienyene ndangahasha. Haliko Rurema ashobwiri. Ye gakulimbulira ibirooto byawe.»

Ndondeko 41:25

Uyo Yusefu, anabwira Faraho: «E mwami, yibi birooto byawe kwo biryagagi byombi, biri noꞌmugeeza muguma naaho. Rurema, aloziizi ukukuyigulira amagambo go akola agaagira buno.

Ndondeko 41:28

«E mwami, nga kwo keera nakubwira, Rurema keera akuyigulira amagambo go akola agaagira buno.

Ndondeko 41:33

«Ku yukwo, e mwami! Ukwaniini utoolage umundu úli noꞌbumenyi, anali mwitegeereza. Uyo mundu, umúheereze umukolwa gwoꞌkurongoora kino kihugo kyoshi kyeꞌMiisiri.

Hizira 7:25

«E Hizira, ku luhande lwawe, ukizi koleesa ubwitegeereze bwo Rurema akakuheereza. Utoolage abatwi beꞌmaaja, naꞌbatwali, gira bakizi twa imaaja za ngiisi ábatuuziri uluhande lweꞌmuga lyoꞌlwiji Hefuraati. Yabo bandu bayiji-yiji imaaja za Rurema wawe. Na ngiisi ábataziyiji, ubayigirize zo.

Migani 12:8

Umundu, ikyanya ali mu ba noꞌbwitegeereze, ali mu yivugwa. Si ngiisi úli mu shobeka amagambo, bali mu múkeneka.

Hisaaya 19:11

Si abahanuuzi beꞌSowani, biri bizeeze ngana! Ikyanya bali mu hanuula Faraho, si bali mu múshobania amagambo! Kituma kiki bangaki yihaya kwokuno: «Twehe, tuli bitegeereza bweneene! Si tubusirwi mwiꞌkondo lyaꞌbaami ba keera!»

Danyeri 2:11

E muhaanyi! Yiri igambo, ndaaye úlishobwiri, ítali mizimu naaho, itanatuuziri mu kati kiitu.»

Danyeri 2:48

Ha nyuma, mwami Nebukandeneza anagingika Danyeri bweneene, anamúkuza abe mukulu, anamúheereza neꞌndengu nyingi zeꞌkishingo. Anamúyimika abe mutwali weꞌkihugo kyage kyoshi kyeꞌBabeeri. Na kwakundi, anamúyimika, abe mukulu waꞌbitegeereza baage booshi.