Ndondeko 37:24 - Kifuliiru

²⁴ banamúbirigisha, biri! Banayami mútibulira mu kirimbi-rimbi, kizira miiji.

Ndondeko 37:24 ပူးပေါင်းရင်းမြစ်များ

Ndondeko 37:23

Uyo Yusefu, mbu ahikage áhali balya bakulu baage, banayami múhogola lirya kooti lyage lyoꞌmulimbo,

Ndondeko 37:25

Yabo bakulu ba Yusefu, iri bakaba bakoli bwatiiri ha byokulya, mbu bayinamule amasu, banabona ikiso kyaꞌBahishimaheeri ábalyosiri i Giryadi, bali mu balamira i Miisiri. Ingamiya zaabo, zâli heesiri umubadu, neꞌzeeri, naꞌmanemane.

Ndondeko 42:21

Ha nyuma, banabwirizania: «Ku kasiisa, tukahubira mulumuna witu. E balya, si tukabona kwo âli koli shengusiri mu mutima gwage, anakizi tuyigonga. Kundu kwokwo, tutanamútwaza. Buno nyiitu tukola mu zeezirya ndaanya.»

Zaburi 35:7

Yabo bagoma, kundu ndaakwo nabagira, haliko bandega umubashu ku bumbishwa, banambumbira ubuhya.

Zaburi 40:2

Ikyanya nâli yikiiri mu kirimbi-rimbi, kyâli riiri mweꞌbidaka byoꞌmusaayo. Kundu kwokwo, nâli rindiriiri Nahano ku bwigenderezi. Neꞌkyanya nꞌgamúlirira, ananyuvwa. Ee ma! Anandyosa mwo, ananyimangika ku lwala. Kwokwo, amagulu gaani gakoli sikamiri.

Zaburi 88:6

Bakola mu mbaruulira mu bafwiri, nga mundu keera úkayitwa, anakoli lambamiri mu shinda. Yabo abafwiri, kiri na naawe, utakiri mu bakengeera, utanakiri mu bahahala.

Zaburi 88:8

Ukoli ndakariiri, neꞌmidunda yawe keera yanvindiriza, kyo kitumiri ngoli zidohiirwi bweneene.

Yeremiya 38:6

Kwokwo, yabo batwali banayabiira Yeremiya, banamúlasha hala mu kirimbi-rimbi kyoꞌmuluzi Malikiya. Yikyo kirimbi-rimbi, kyâli riiri mu luzitiro lwaꞌbalaliizi, kitanâli riiri mwaꞌmiiji. Si mwâli riiri umusaayo naaho. Ikyanya bakamútibulira mwo, banakoleesa umugozi, halinde anayikira haashi, ananyika mu gulya musaayo.

Kimombo 4:20

Kiri na mwami witu, naye akagwatwa mu mutego gwabo, anali ye Nahano akataluula, ye twanâli langaliiri. Uyo mwami, twâli toniri kwo ye gakizi tulanga neꞌgindi milala yoshi.

Zakariya 9:11

Nahano adetaga kwokuno: «Keera tukanywanaga ikihango, twanakikwiza ku njira yoꞌmuko. Kyo kitumiri ngaguluula imbohe ziinyu, zilyokage ho zishwekiirwi mu kirimbi-rimbi kizira miiji.