Ndondeko 35:22 - Kifuliiru22 Ikyanya Hisiraheeri akaba akoli tuuziri yaho, mugala wage wa Rubeni anamenyana na nyina wage Biriha, anâli muja-kazi wa Laheeri. Yugwo mwazi, ikyanya Hisiraheeri akagumenya, anabona buligo bweneene. Yakobo âli hiiti abaana boꞌbutabana ikumi na babiri. အခန်းကိုကြည့်ပါ။ |
Uyo Dahudi, ikyanya akagalukira mu kajumiro kaage i Yerusaleemu, anayabiira balya bagoli ikumi ábakasigala hiꞌgulu lyoꞌkulanga inyumba. Yabo bagoli, anababiika mu nyumba nguma, gira bakizi langirwa mwo, anakizi baheereza ibyokulya. Haliko, yenyene atanakizi gwejera mwo bali. Balya bagoli banazirirwa mwiꞌyo nyumba, banaba banakororo, halinde ukuhisa ku lusiku bakafwa.
Naꞌmaziina gaabo, go gaaga: Mu beene Rubeni, hâli Shamuwa mugala Zakuri. Na mu beene Simyoni, hâli Shafaati mugala Hoori. Na mu beene Yuda, hâli Kalebu mugala Yefune. Na mu beene Hisakaari, hâli Higaari mugala Yusefu. Na mu beene Hifurahimu, hâli Hosheya mugala Nuuni. Na mu beene Binyamiini, hâli Paliti mugala Raafu. Na mu beene Zabulooni, hâli Gadyeri mugala Soodi. Na mu beene Manaasi, kwoꞌkudeta beene Yusefu, hâli Gaadi mugala Suusi. Na mu beene Daani, hâli Hamyeri mugala Gemali. Na mu beene Hasheeri, hâli Setuuri mugala Mikaheeri. Na mu beene Nafutaali, hâli Nabi mugala Wofiisi. Na mu beene Gaadi, hâli Gehuweri mugala Maki.
«Ha nyuma, Rurema ananywana ikihango na Hiburahimu, kyanâli kizi koleesibwa ku njira yoꞌkutenguula. Hiburahimu akayiji buta Hisake. Neꞌri Hisake akahisa isiku munaana, Hiburahimu anamútenguula. Uyo Hisake naye, anabuta Yakobo. Noꞌyo Yakobo, naye anabuta abatabana ikumi na babiri, banali bo bashokuluza biitu.