Ndondeko 31:7 - Kifuliiru

⁷ Halikago, keera andeba mu kuhindurania ikihembo kyani ubugira kali ikumi. Kundu kwokwo, Rurema atakamúhanguula kwo angomeerese.

Ndondeko 31:7 ပူးပေါင်းရင်းမြစ်များ

Ndondeko 15:1

Ha nyuma, Nahano anayijira Hiburamu mu mabone, anamúbwira kwokuno: «E Hiburamu, utakizi yoboha. Nie siribo yawe. Na byo ngakuhemba, biri tiita.»

Ndondeko 20:6

Rurema anashubi múbwira: «Yikyo kyaha, nyiji kwo utakigiriirira. Nienyene, nie wakubuza kwo utagire ikyaha imbere lyani, kyanatuma ndakuhanguula kwo umúyegeere.

Ndondeko 29:25

Iri bukakya, Yakobo anakanguka, mu kubona kwo ahisa Leya. Kyanatuma agayami gendi buuza Labaani: «E mwizo, makagi gano? Ka ndakakukolera, gira lyo nyanga Laheeri? Aaho! Kituma kikagi wambindurania umukazi?»

Ndondeko 30:28

Umbwirage ngiisi byo ngakuhemba, na ngizi kuheereza byo.»

Ndondeko 31:24

Halikago mu bushigi, Rurema anayijira Labaani, Umuharaamu, mu birooto, anamúbwira: «Uloleekeze bwija. Utakolwe kwo wabwira Yakobo igambo kiri neꞌliguma, liba libi, kandi iri liija.»

Ndondeko 31:29

«Mbiitagi ubushobozi bwoꞌkukugira buligo. Haliko, mu bushigi bwa bigingo, Rurema wa yisho Hisake ambwira: “Uloleekeze bwija, utakolwe kwo wabwira Yakobo igambo kiri neꞌliguma, liba libi, kandi iri liija.”

Ndondeko 31:41

Nꞌgahisa imyaka makumi gabiri nduuziri mu mwawe. Nꞌgatee kukolera imyaka ikumi niꞌna, mu kugonda banyere baawe bombi. Neꞌmyaka ndatu, ndi mungere weꞌbitugwa byawe. Kundu kwokwo, ukahindurania ibihembo byani ubugira kali ikumi.

Nehemiya 4:12

Ngiisi úwâli kizi yubaka, âli shwekiiri ingooti yage mu kibuno. Noꞌlya mundu woꞌkukizi lasa ikibuga, mu kukengula abandu, âli kizi beera ha butambi lyani.

Hayubu 1:10

Si we mu múkingira imbande zooshi, kuguma neꞌmbaga yage, na ngiisi byo agweti! Keera ukamúgashaanira mu byoshi byo ali mu gira. Lolaga ngiisi kweꞌbitugwa byage biyondolosiri mu kihugo.

Hayubu 19:3

Si keera ukandukiiriza ubugira kali ikumi! Aaho! Ka mutayuvwiti ishoni mu kundeera kwoku?

Hayubu 19:8

Rurema keera akambangirira mu njira, ndanaki bwini ho nangalenga. Ee! Injira yani, keera agibiika mweꞌkihulu.

Zaburi 37:28

Mukuba, ngiisi ábakwaniini, Nahano ali mu ba abakuuziri. Na bwo bali bemeera, atagabajanda. Agagenderera ukukizi balanga imyaka neꞌmyakuula. Haliko, banangora-mabi boohe, agashereeza ikibusi kyabo.

Hisaaya 4:1

Hâye ki be ulusiku, abakazi balinda bagakizi fyedekania umushosi muguma, ti: «Ewe! Ibyokulya neꞌbyambalwa, byohe, tugakizi biyigulira twengwa. Si byo tuloziizagi naaho, utuyange, maashi! Utushaagize ishoni, we kongwa we!»

Hisaaya 54:17

Kundu bangatula ibyugi hiꞌgulu lyoꞌkukulwisa, ndaakwo bigakugira. Neꞌkyanya bagakizi kubeeshera, ugakizi babeshuuza. «Yubu bwo buhyane bwaꞌbakozi baani. Ee! Nienyene nie gakuhimira!» Kwokwo, kwo Nahano adesiri.

Danyeri 1:20

Uyo mwami, ikyanya akababuuza, gira amenye ngiisi kwo bali noꞌbwitegeereze, na kwo basobanukiirwi, anayibonera kwo bo bahimiri abaabo booshi ubugira ikumi. Bâli himiri kiri naꞌbanamaleere, naꞌbalaguza booshi ba mu butwali bwage.

Balaawi 26:26

«Ngamùyima ibyokulya. Abakazi ikumi, bagakizi koleesa ikiyokero kiguma naaho, mu kuyokya imikate. Na mu kumùhakira, bagakizi mùheereza utukoojoka tuniniini. Kwokwo, kundu mugakizi lya, halikago mutagayuvwa kwo mwashaluuka.

Zakariya 8:23

Nahano woꞌbushobozi bwoshi, adetaga kwokuno: «Mu yizo siku, ibinyamahanga ikumi, bigagwatira Umuyuda muguma ku byambalwa. Yabo booshi, banamúbwire, ti: “Keera tukayuvwa kwo Rurema mutuliinwi. Aahago! Leka tukizi mùkulikira!”»

Muharuuro 14:22

ndaaye kiri noꞌmuguma wabo úgayingira mu kiriira kihugo. Yabo bandu, si keera bakabona ubulangashane bwani, na ngiisi kwo nâli kizi gira ibisoomeza mu Miisiri, kiri na mwiꞌshamba. Kundu kwokwo, bagenderiiri ukukizi ngayiriza, iri banangeza ubugira kingi.