Ndondeko 3:16 - Kifuliiru

¹⁶ Uyo mukazi, Rurema anabuli múbwira: «Mu kubuta, ngakizi kuyushuulira umukero, unakizi buta abaana ku bulyanirwe. Ugakizi yifwija yibalo. Ye gaanaba mutwali wawe.»

Ndondeko 3:16 ပူးပေါင်းရင်းမြစ်များ

Ndondeko 4:7

Aaho! Iri wangakizi kola amiija, ka utangayemeererwa? Halikago, iri wangalahira, ikyaha kikoli kuyiteziri ha mulyango, kinali mu kuyifwija. Kundu kwokwo, ukwaniini ukihime.»

1 Kutondobola 4:9

Hâli umundu muguma, iziina lyage Yabeeshi, munalushaagwa ukuhima beene wabo booshi. Nyina akamúyinika iziina lyage, mukuba akamúbuta ku bulyanirwe bweneene.

Hesiteeri 1:20

Yulu lubaaja, lugamenyeesibwa ngiisi ho twaziri, halinde ngiisi mukazi akizi simbaha yiba. Bikizi ba kwokwo, kundu uyo yiba angaba ali mutasumbwa, kandi iri mugunda.»

Zaburi 48:6

Haliko, iri bakakabonaga, banasoomerwa ngana. Banagwatwa neꞌkyoba, banayami puumuka.

Hisaaya 13:8

Yabo booshi bakola mu shenguka, iri banababala. Bakola mu lyanirwa, nga mukazi úkola mu liibwa noꞌmukero. Bakola mu lolana-lolana kwo mu kati keꞌkyoba. Na bwo bakoli humiirwi, amalanga gaabo gakola mu yaga-yaga nga muliro.

Hisaaya 21:3

Ala nie! Ngoli yuvwiti ubulyanirwe mu kibuno. Bukola mu lyana nga mukero gwoꞌmukazi. Ngiisi byo ngola mu yuvwa, bikoli nyobohesiizi! Kiri na byo ngola mu bona, biri mu mbiika uluhuha.

Hisaaya 53:11

«Umukozi wani, kundu ali mwija ngana, haliko agalibuuka bweneene, mu kubetula ibyaha byaꞌbandu bingi, halinde banabe bakoli kwaniini imbere lya Rurema. Kwokwo, akabuli yiji shambaala.

Yeremiya 13:21

«Balya bandu, mwâli kizi baharuura mbu bali biira biinyu. Aahago! Ikyanya bagayiji mùhima, banakizi mùtwala, bikagi mugaki deta? Si mugakizi hindagala bweneene, ngoꞌmukazi úkola mu buta!

Yeremiya 22:23

E mwami, inyumba yawe iri nyiija, bwo ikayubakwa neꞌmyerezi yeꞌLebanooni. Buno, uki jeberiiri ngana-ngana. Kundu kwokwo, ugakizi himbukira, iri unabululuka ku mwizingeerwe, ngoꞌmukazi úkola úgaabuta.»

Yeremiya 4:31

Nyuvwiti akaamyo, nga koꞌmukazi úgweti úgaabuta ulubuta lwa mbere. Kiziga i Yerusaleemu yonyene, ye gweti igahemagira-hemagira! Akola mu lambuula amaboko, iri anatakira Rurema kwokuno: «Ala nie! Si abahulula bano, bakoli nyita!»

Yeremiya 49:24

Abandu beꞌDamasiki, keera bateerwa neꞌkyoba, neꞌndege zikoli teziri bweneene. Bakoli yuvwiti ubulyaniirwe, ngoꞌmukazi úkola úgaabuta. Banakoli loziizi ukutibita.

Yeremiya 6:24

Abandu beꞌYerusaleemu banadeta: «Yabo basirikaani, keera tukayuvwa imyazi hiꞌgulu lyabo, tunakoli shengusiri. Ala twe! Tukolaga noꞌlushunguti ngoꞌmukazi úgweti úgaliibwa noꞌmukero.

Muharuuro 30:13

«Halikago, ngiisi byo akalagaania mu kubiika indahiro, ulusiku yabiikwa, yiba anamúbuze, kwokwo igaaba itaki gwasiri. Nahano agamúkoga ngana, bwo yiba agihongola.

Yohana 16:21

«Kiri noꞌmukazi, ikyanya akola agaabuta, ali mu liibwa noꞌmukero, bweꞌkyanya kyage kyahikaga. Kundu kwokwo, ikyanya ali mu ba keera abuta, yugwo mukero, ali mu yami guyibagira, bwo ali mu ba keera abuta umwana mu kihugo, anabe akola mu yuvwa amalega naaho.

1 Bakorindo 11:3

Na buno, ndoziizi mumenye kwo Kirisito yiꞌtwe lya ngiisi mushosi. Na ngiisi mushosi, yiꞌtwe lya mukaage. Na Rurema, yiꞌtwe lya Kirisito.

1 Bakorindo 7:4

Mukuba, amagala goꞌmukazi, gatakiri ga halwage yenyene. Si yiba, ye koli gayimangiiri. Kwokwo, noꞌmushosi, amagala gaage, gatakiri ga halwage yenyene. Si mukaage, ye koli gayimangiiri.

Bakolosaayi 3:18

E bakazi, mukizi simbaha bayibalo, nga kwo bimùkwiriiri mu kati ka Nahano.

1 Batesaloniki 5:3

Neꞌkyanya abandu bagaaba bakiri mu deta: «Tuli noꞌmutuula, tuli noꞌbutoge», lyeryo lyo bagayami shereezibwa. Bigaaba nga kwoꞌmukazi weꞌnda ali mu yami hikirwa noꞌmukero. Yabo bandu batagafuushuka, kiri neꞌhiniini!

1 Timoteyo 2:13

Hadamu ye katee bumbwa, Heeva abulagi bumbwa.

1 Timoteyo 2:15

Kundu kwokwo, abakazi bagakizi kizibwa ku njira yoꞌkubuta kwabo, iri bangaba babiisiri Rurema kwoꞌbwemeere, banabe noꞌrukundo, iri banayitooziri mu kati koꞌbweru.

Tiito 2:5

Babahanuule na ngiisi kwo bagakizi yihangirira ku mabi mu kati koꞌbweru bwoshi. Babahanuule na ngiisi kwo bagaakania inyumba zaabo, na ngiisi kwo bagakizi girirana amiija, na ngiisi kwo bagasimbaha bayiba. Kwokwo, liꞌGambo lya Rurema litayiji kengeera lyadetwa buligo hiꞌgulu lyabo.