Ndondeko 25:34 - Kifuliiru

³⁴ Ha nyuma, Yakobo anaheereza Hesahu ku mukate, na ku zirya ngoole. Neꞌri Hesahu akayusa ukubilya noꞌkunywa, anayigendera. Kwokwo, kwo âli gayiriziizi ubungulwe bwage.

Ndondeko 25:34 ပူးပေါင်းရင်းမြစ်များ

Ndondeko 25:29

Lusiku luguma, iri Yakobo akaba akola mu deeka ingoole, Hesahu analyoka i ruhiiviro, akoli jagabusiri niꞌshali.

Ndondeko 25:33

Yakobo, ti: «Tee biikage indahiro.» Iyo ndahiro, Hesahu anamúbiikira yo. Kwokwo, kwo Hesahu akaguliisa ubungulwe bwage.

Ndondeko 26:1

Iri hakalenga isiku, mu kihugo mwanashubi teera umwena. (Gutali gulya úgukateera abandu ku kyanya kya Hiburahimu.) Yugwo mwena, gwanatuma Hisake agabungira i Geraari, mu kihugo kya Habimereki, mwami waꞌBafirisiti.

Ndondeko 27:32

Yishe anamúbuuza: «Wehe we nyandagi?» Anamúshuvya: «Nie Hesahu, ifula yawe.»

Zaburi 106:24

Kundu Rurema akalagaania abandu baage umuhango, halikago bâli gulahiiri. Kundu kirya kihugo kyeꞌKaanani kyâli riiri kiija, haliko banakijajaaka.

Mwigiriza 8:15

Kwokwo, nanabonaga kwo mu kihugo, tukwaniini tukizi yisimiisa. Mukuba, umundu akwaniini akizi lya, anakizi nywa, anakizi yisimiisa. Kwokwo, ikyanya agweti agaakola mu siku zo Rurema amúhiiri mwo, alonge ukushambaala.

Hisaaya 22:13

Haliko, lolagi buno! Si muki gweti mugashambaala, iri munayilala mu bitalaalwe! Munakiri mu baaga ingaavu neꞌbibuzi, munalye inyama, iri munanywa neꞌdivaayi. Munakiri mu deta, ti: «Tukizi lya, iri tunanywa! Si kusheezi tugaafwa!»

Zakariya 11:13

Ha nyuma, Nahano anambwira: «Irya mbembo, ka yo iyerekiini ikishingo kyani? Aahago! Yutwo tufwaranga, utukabule umutuzi.» Kwokwo, nanatuyabiira, nanatukabula umutuzi mu nyumba ya Nahano.

Mataayo 22:5

«Kundu kwokwo, balya balaalikwa batanatwaza. Muguma, anayigendera iwa ndalo yage, noꞌgundi iwa kudandaza.

Mataayo 26:15

anababuuza: «Ulya Yesu, biki byo mwangambeereza, halinde nimútange imwinyu?» Banayami múheereza ibingorongoro makumi gashatu.

Mikolezi 13:41

“Mwe mugweti mugashekerezania, mulole bwija! Musoomerwe, munafwirage ku mbinga. Mukuba, ngiisi byo ngola mu gira mu zino siku ziinyu, mutangabiyemiiri kundu umundu angamùsobanuliiri byo.”»

1 Bakorindo 15:32

Kiri neꞌkyanya nꞌgalwa na zirya nyamiishwa ndangi mu kaaya keꞌHefeso, bikagi byo nangaki yungusiri, íngilwe nazo hiꞌgulu lyeꞌbya hano mu kihugo naaho? Nga kwangabiiri kwo abafwiri batagazuuka, «Tukizi lya, iri tunanywa! Si kusheezi tugaafwa!»