63 Lusiku luguma kabigingwe, anagenda mu ndagiriro, ali mu yitoneesa. Lyeryo, analangiiza ingamiya zikola mu yija imunda ali.
Masaasa atabukwa, iri akayinamula amasu, anabona abandu bashatu, bakoli yimaaziri yaho. Kyanatuma agayimuka, anakwabadukira imunda bali, gira agendi basanganira. Neꞌri akahika ho, anayinama ku lushaagwa,
Rebeka naye, mbu alangiize, anabona Hisake. Kyanatuma agayami shonooka ku ngamiya,
Si yehe ayamiri akuuziri imaaja za Nahano, anali mu kizi ziyitoneesa kwo, ubushigi niꞌzuuba.
Ee! Ye mu njambaaza. Kwokwo, imitono yani ikwaniini ikizi músimiisa.
Yizo maaja zaawe, ngakizi ziyitoneesa kwo, na ngizi kulikiriza ibyeꞌmwawe.
Undabaale ukusobanukirwa, ngiisi kwo ugweti ugakizi kyula. Haaho, lyo ngakizi yitoneesa hiꞌgulu lyeꞌbitangaaza byawe.
Na bwo nzikuuziri, ngakizi zisimbaha. Nganakizi ziyitoneesa kwo.
Banamenyeesanie ngiisi kwo uli mu gingikwa mu kati koꞌbulangashane. Kiri na naani, ngakizi yitoneesa ku kitangaaza byawe.
«Yikyo kitaabo kyeꞌmaaja, ngiisi íbiri biyandike mwo, ukizi bikengeera, unakizi biyitoneesa kwo, ubwakya-ubwayira. Unakizi bikulikiriza byoshi-byoshi, halinde lyo ukizi yunguka, unakizi genduukirwa.