Ndondeko 20:17 - Kifuliiru

^17-18 Mukuba, uyo Saara, ikyanya akatwalwa imwa Habimereki, kyanatuma Nahano agayami hangika ibuta lyaꞌbakazi booshi ba mu nyumba yage, bwo Saara âli kola muka Hiburahimu. Haliko, Hiburahimu akahuuna Rurema, anakiza Habimereki, na mukaage, kiri naꞌbaja-kazi baage, halinde banashubi longa ukubuta.

Ndondeko 20:17 ပူးပေါင်းရင်းမြစ်များ

Ndondeko 12:17

Kundu kwokwo, Sarayi âli ki riiri muka Hiburamu. Neꞌkyanya akatwalwa imunda Faraho, yayebe! Nahano anayami lwaza Faraho, naꞌbandu booshi ba mu kajumiro.

Ndondeko 20:7

«Kwokwo buno, umúgalulirage imunda yiba. Yiba ali muleevi. Kwokwo, agakuhuunira, halinde unalonge ukulama. Si iri wangayumya umutima, ku kasiisa ugaafwa, mwe naꞌbandu ba mu nyumba yawe booshi.»

Ndondeko 29:31

Nahano, iri akabona kwo Leya akorora, anamúheereza ibuta. Si Laheeri yehe, anagumba.

Hizira 6:10

Kwokwo, lyo bagalonga ukukizi tanga amatuulo imwa Rurema úli mwiꞌgulu. Yago matuulo, gabe gamúsimisiizi. Kwokwo, lyo bagakizi huunira na mwami, kuguma na bagala baage, gira alonge ukukizi genduukirwa.

Hayubu 42:8

«Ku yukwo, muyabiire ishuuli zirinda, neꞌbipanga birinda, munagende imwoꞌmukozi wani Hayubu. Yibyo bitugwa, munabitange gabe matuulo goꞌkusiriiza hiꞌgulu liinyu. Haaho, uyo mukozi wani Hayubu, anamùhuunire. Neꞌkyanya agambuuna hiꞌgulu liinyu, ngamúyuvwiriza. Na ndeke ukumùgirira nga kwoꞌbuhwija bwinyu buli. Mukuba, ngiisi kwo mwâli kizi deta hiꞌgulu lyani, kutâli kwaniini. Si umukozi wani Hayubu, yehe akadeta íbiri ukuli hiꞌgulu lyani.»

Migani 15:29

Banangora-mabi, Nahano ali mu bayisunga. Si ikyanya abandu boꞌkuli bali mu mútabaaza, ali mu bayuvwa.

Migani 15:8

Amatuulo ga banangora-mabi, Nahano agashombiri. Si amahuuno gaꞌbandu ábatungiini, gali mu músimiisa.

Hisaaya 45:11

Nahano ali Mutaluule waꞌBahisiraheeri, anali ye mulemi wabo. Adetaga kwokuno: «Si mugweti mugambuuza, mbu biki íbyâye be? Munali mu mbuuza ku biloziri abaana baani. Ikyanya ndi mu kola igambo, muli mu kizi mbamuliza hiꞌgulu lyalyo.

Muharuuro 12:13

Kwokwo, Musa anatakira Nahano: «E Rurema, we kongwa umúkizagye.»

Muharuuro 21:7

Kyanatuma yabo bandu bagagendera Musa, banamúbwira: «Ikyanya tukayidodombera Nahano, kiri na naawe, tukakuhubira bweneene. Kwokwo, utuhunirage imwa Nahano, gira iyo mijoka, atulyokeze yo.» Musa mbu ayuvwe kwokwo, anabahuunira ulukogo.

Mataayo 21:22

Ee ma! Iri mwangabiika Rurema kwoꞌbwemeere, ngiisi byo mugamúhuuna, agamùheereza byo!»

Mataayo 7:7

«Mukizi huuna Rurema, lyo muhaabwa! Munakizi shakula, lyo mulonga. Munakizi yiguza, lyo muyigulirwa.

Mikolezi 3:24

«Ngiisi íbigweti bigakoleka mu zino siku, abaleevi booshi, bâli mali gwanwa babitangira ubuleevi. Yukwo, kukatondeerera ku muleevi wage Samweri, halinde ukuhisa ku ngiisi bandi baleevi. Balya booshi bakagwanwa badeta hiꞌgulu lyabyo.

Bafiripi 4:6

Hatagirage igambo lyo mugakizi ki gerania kwo. Si mu kati ka byoshi, mukizi huuna Rurema, mu kumúyereka amagoorwa giinyu. Munakizi mútangira kongwa.

1 Batesaloniki 5:25

E beene witu! Na nyiitu, mukizi tuhuunira imwa Rurema.

Yakobo 5:16

Ku yukwo, mukizi yilegerana ibyaha biinyu, iri munakizi huunirana imwa Rurema, halinde lyo mulonga ukukizibwa amalwazi giinyu. Umundu, iri angaba akwaniini imbere lya Rurema, amahuuno gaage gali mu ba mwoꞌbushobozi, ganali mu kola.