Ndondeko 19:29 - Kifuliiru

²⁹ Rurema, ikyanya akajigiivya yutwo twaya twa mu ndekeera, akakengeera Hiburahimu. Kiri na Luutu kwakundi, kundu âli tuuziri i Soodoma, haliko atanafwa.

Ndondeko 19:29 ပူးပေါင်းရင်းမြစ်များ

Ndondeko 11:27

Abandu ba mu mbaga ya Teera, umwazi gwabo gwoguno: Teera ye kabuta Hiburamu, na Nahoori, na Harani. Harani naye, anabuta Luutu.

Ndondeko 12:2

Ngakugira ubaagage mulala úguhimbiri, na ngizi kugashaanira. Iziina lyawe, ngakizi lilumbuusa. Hiꞌgulu lyawe, ngakizi gashaanira kiri naꞌbandi.

Ndondeko 30:22

Ha nyuma, Laheeri naye, Rurema anamúkengeera. Anashuvya amahuuno gaage, mu kumúheereza ibuta.

Ndondeko 8:1

Gulya mwijulire, ikyanya gukahisa isiku igana na makumi gataanu, Rurema âli ki kengiiri Nuhu, neꞌbitugwa byoshi, neꞌnyamiishwa zooshi, nga kwo byâli riiri mu mashuba. Kyanatuma Rurema agalungika imbuusi, yanahuusa bweneene mu kihugo, halinde amiiji ganatondeera ukuyema.

Nehemiya 13:14

«E Rurema wani, bwo nagira kwokwo, ungengeere, maashi! Utayibagire ngiisi kwo nâli kizi kukolera mu kati koꞌrukundo, kiri na mu nyumba yawe.»

Nehemiya 13:22

Haaho, nanabwira Abalaawi kwo batee yiyeruusa, babuli gendi langa imiryango yaꞌkaaya, gira ulusiku lweꞌSabaato lukizi simbahwa. «E Rurema wani, bwo nâli kizi gira kwokwo, ungengeere, maashi! Ungejeerere, ukukulikirana noꞌrukundo lwawe.»

Hayubu 35:8

Ikyanya ugweti ugaagira ubuligo, iri wayilibuza wenyene naaho, kuguma naꞌbiinyu bo mutuliinwi.

Zaburi 105:42

Mukuba, gulya muhango mutaluule gwo akalagaania umukozi wage Hiburahimu, âli ki gukengiiri.

Zaburi 105:8

Nahano ayamiri akengiiri ikihango kyage, agaanaba akisimbahiri, halinde ukuhisa ku bandu beꞌbibusi kihumbi.

Zaburi 106:4

E Nahano! Ikyanya ugakizi tabaala abandu baawe, na naani, ukangengeere, unandabaale.

Zaburi 136:23

Ikyanya twâli kizi gayirizibwa, anatukengeera. Urukundo lwage, luyamiri ho, halinde imyaka neꞌmyakuula.

Zaburi 145:20

Ee! Ikyanya abandu bali mu ba bakuuziri Nahano, ali mu kizi balanga. Si banangora-mabi boohe, agabaminika ngana!

Zaburi 25:7

E Nahano, kundu nâli kizi huna mu busore bwani, nanakizi yifunda mu byaha, haliko utakizi ki bikengeera. Si uli mwija! Aaho! Ikyanya ugakizi ngengeera, kube naaho mu kati koꞌrukundo lwawe.

Hezekyeri 14:16

Aahago! Nga kwo nie Nahano Rurema nyamiri ho, yikyo kihugo, kundu kyangabiiri mwo Nuhu, na Danyeri, na Hayubu, batangashobwiri ukukiza kiri bagala baabo, kandi iri banyere baabo. Si bangayikiziizi boonyene naaho, yikyo kihugo kinabe kisigiiri kimaata.

Hosheya 11:8

«E Bahisiraheeri, ka byanganzigira kwo nimùjande? Kutagi kwo nangamùbiika mu maboko gaꞌbagoma? Ka mubwini kwo nangamùshereeza, nga kwo nâli shereziizi akaaya keꞌHadima? Ka nangamùhongolera akaaya, nga kwo nꞌgahongola akaaya keꞌSeboyimu? Nanga maashi! Umutima gwani, gutaki yisiri mu nda! Na ngweti ngamùyuvwirwa indengeerwa bweneene.

Bukengeeze 7:8

Haliko, Nahano amùkuuziri naaho. Kwokwo, ali mu simbaha indahiro yo akabiikira bashokuluza biinyu. Kyo kitumiri akakoleesa ubushobozi bwage bwaꞌkahebuuza, mu kumùshaaza mu buja mu kihugo kyeꞌMiisiri, anamùguluula mu bushobozi bwa mwami weꞌMiisiri.

Bukengeeze 9:27

Ukengeere abakozi baawe, Hiburahimu, na Hisake, na Yakobo. Aaho! Kundu yaba bandu bayumuusa imitima yabo, si utabahaniirize. Utanalole ngiisi kwo bakuhagika, utanalole kiri neꞌbyaha byabo.

Bukengeeze 9:5

Yikyo kihugo, iri mwangakigwata, kutali kudeta mbu bwo muli bandu ábakwaniini, kandi iri mbu muli bandu boꞌkuli. Aahabi! Haliko, mumenye kwo Nahano agamùyimulira bo, ku bwenge bâli bihuusiri, na bwo aloziizi ukusimbahiisa indahiro yo akanywana na bashokuluza biinyu, Hiburahimu, na Hisake, na Yakobo.

2 Peturu 2:7

Haliko Luutu yehe, anamúkiza. Mukuba, Luutu ye wâli kwaniini imbere lyage. Neꞌkyanya balya banangora-mabi bâli kizi yifundaga mu bikoleere, âli kizi bibona, anashenguke hiꞌgulu lyabo.