Ndondeko 18:25 - Kifuliiru

²⁵ Nanga! Utangayita ábakwaniini, na ábatakwaniini. Bitanganaziga kwo ábayimaaziri mu kuli, bahanirwe kuguma na banangora-mabi. Si we mutwi weꞌmaaja wa mu kihugo kyoshi, unali mu zitwa mu kati koꞌkuli.»

Ndondeko 18:25 ပူးပေါင်းရင်းမြစ်များ

Ndondeko 18:24

«Tudete nga mu kaaya mwangaboneka nga bandu makumi gataanu ábakwaniini. Hiꞌgulu lyabo, ka utagakejeerera akaaya kooshi, unaleke ukukashereeza?

1 Kutondobola 16:33

Kiri neꞌbiti byeꞌrubako bikizi yimba, ku bushambaale imbere lya Nahano. Mukuba, ye gayiji twa imaaja zaꞌbandu booshi mu kihugo.

2 Kutondobola 19:7

Kwokwo, mukizi múyoboha. Ngiisi igambo lyo mugaagira, mukizi ba masu. Mumenye kwo Nahano, Rurema witu atali mu siima, ikyanya abandu bali mu shobania ukuli, banabe bali mu bonerana, kandi iri ukubulikwa.»

Nehemiya 9:33

Mu byoshi íbikatukoleka kwo, uyamiri uli mu gira íbikwaniini. Kiri neꞌkyanya tukakuhubira, uyamiri ukiri mwemeera.

Hayubu 34:10

«Bwo mukoli hiiti ubumenyi, mutee nyuvwiriza. Si abandu booshi bayiji-yiji kwo Rurema atangagira ubuligo. Mukuba, ye Rurema woꞌbushobozi bwoshi. Aahago! Kuti kandi kwo angakizi huba?

Hayubu 34:12

«Si yenyene, ndaabwo buligo bwo angagira. Atanganashobania ukuli, kiri neꞌhiniini.

Hayubu 8:20

«Kwokwo, yuvwagwa! Iri umundu angatuula mu kati koꞌkuli, Rurema atangagira mbu ayami múlahira. Si banangora-mabi boohe, atangabatabaala.

Hayubu 8:3

Aahago! Ka utoniri kwo Rurema agweti agashobania ukuli? Si ali Rurema woꞌbushobozi bwoshi! Yehe atangakushobania.

Zaburi 50:6

Rurema ye mutwi weꞌmaaja. Kwokwo, igulu ligweti ligatanga ubumasi kwo ali woꞌkuli.

Zaburi 58:11

Balya banangora-mabi, ikyanya bagaahanwa, lyaꞌbandu boꞌkuli bagashambaala, iri banakizi fina mu muko gwabo.

Zaburi 7:12

Ye mu twa imaaja mu kati koꞌkuli. Si banangora-mabi boohe, agweti agabarakarira.

Zaburi 75:3

Rurema adetaga kwokuno: «Ngola ngaatwa imaaja. Nganazitwa ku kyanya íkikwaniini, na ku njira yoꞌkuli.

Zaburi 94:2

Uyimukage, maashi! Si we mu twa imaaja zaꞌbandu booshi mu kihugo. Aaho! Ngiisi ábagweti bagayikangaata, ugire ubahane nga kwo bibakwaniini.

Zaburi 98:9

Ee! Yibyo byoshi bikizi yimbira Nahano, bwo agayiji twa imaaja za ábali mu kihugo. Yizo maaja, agakizi zitwira ábali mu kihugo nga kwo bibakwaniini, mu kati koꞌkuli.

Mwigiriza 3:17

Nanayidesa mu mutima gwani, ti: «Ku ngiisi igambo, halyagagi ikyanya íkishungisirwi. Rurema agaki twa imaaja za ábakwaniini, kiri na zaꞌbabi.»

Mwigiriza 7:15

Mu buno burambe bwani bwa busha-busha, keera nꞌgabonaga yaga gombi: Abandu ábakwaniini, hali ikyanya bali mu yami kinduka. Nanabona ugundi úrambiri bweneene, anabihuusiri.

Yeremiya 11:20

Kwokwo, nanahuuna Rurema: «E Nahano woꞌbushobozi bwoshi! Si uyamiri uli mu twa imaaja mu kati koꞌkuli, unali mu geza byaꞌbandu bafundereziizi mu mitima yabo, na mu nzaliro zaabo! Ku yukwo, ndoziizi mbonage ngiisi kwo ugabayihoola. Keera nayibiika mu maboko gaawe.»

Yeremiya 12:1

E Nahano, ngiisi kyanya ndi mu kuleetera ulubaaja, unayamiri uli mu lutwa ku njira íkwaniini. Aaho! Lekaga ngubuuze: Balya banangora-mabi, kituma kiki bakiri mu genduukirwa? Si balyagagi ngalagaaja! Aaho! Kituma kiki bayamiri bajeberiiri?

Hezekyeri 18:25

«Hali ikyanya mwangadetaga kwo Nahano atagweti agaagira íbikwaniini. E Bahisiraheeri! Muyuvwirize kwokuno: “Niehe ndi mu kizi gira amiija.” Si mwehe, ngiisi byo mugweti mugaagira, bitali nga byo.

Malaki 3:18

Haaho, lyo mugashubi bona ulubibi, úluli ha kati koꞌmundu úkwaniini, noꞌmundu mubi. Muganaki bona ulubibi ha kati koꞌmundu úgweti úgakolera Rurema, na útali mu twaza ukumúkolera.

Muharuuro 16:22

Haliko, Musa na Harooni banagwa buubi, banayamiza, ti: «E Rurema, si we mu tuma abandu booshi bali bagumaana! Aahago! Ka ugayami rakarira abandu booshi, anali mundu muguma naaho ye kakuhubira?»

2 Bakorindo 5:10

Tweshi, tukwiriiri tuyimange imbere lya Kirisito, gira tutwirwe ulubaaja! Ngiisi muguma witu anahembwe ku byo âli kizi gira ikyanya âli ki tuuziri mu magala, biba biija, kandi iri bibi.

Bukengeeze 1:16

«Ku kyekyo kyanya, nanahanuula naꞌbatwi beꞌmaaja: “Ikyanya mugakizi leeterwa imaaja, mukizi zitwa ku njira íkwaniini, ziba za beene winyu kandi iri zeꞌbinyamahanga íbimùtuuziri mwo.

Bukengeeze 1:17

Yizo maaja, mu kuzitwa, hatabe ye mugakundirira, aba mundasumbwa, kandi iri mugunda. Si booshi, mukizi bayuvwiriza buzira ndoola. Mutanakizi kangwa neꞌnjusho yoꞌmundu. Haliko, mukwiriiri mukizi twa imaaja kwiꞌziina lya Rurema. Ulubaaja lulebe, iri lwangamùkayira, munanyijire, gira naani mbayuvwirize.

Bukengeeze 32:4

ye na lwala. Imikolezi yage ikwaniini. Neꞌnjira zaage zooshi, ziri zoꞌkuli. Rurema witu ali mwemeera, ndaanago mahube go ali mu gira. Ayamiri ali mu gira íbikwaniini, na íbiri byoꞌkuli.

Baheburaniya 12:23

Keera mukagwana yaꞌbandu biꞌshengero, zo fula za Rurema. Naꞌmaziina gaabo gakoli yandisirwi yumwo mwiꞌgulu. Mwo mukanagwana na Rurema yenyene. Ye mu twa imaaja zaꞌbandu booshi. Mwo mukanagwana neꞌmitima yaꞌbandu ábakoli kwaniini imbere lyage, banakoli tungiini.

Batwi beꞌmaaja 11:27

Niehe, ndaakyo kindu kyoshi kyo nzindi kuhubira kwo. Si wehe, keera wambubira, mu kuyiji ndeera. Aaho! Nahano ye gatutwira ulubaaja, mu kuhambuula Abahisiraheeri naꞌBahamooni.»