Ndondeko 1:28 - Kifuliiru

²⁸ Yabo bandu, iri Rurema akayusa ukubabumba, anabagashaanira mu kubabwira: «Mukizi buta, munayushuuke, halinde mukwire mu mahanga gooshi. Munabe mwe batwali baago, naꞌbeꞌfwi, na boꞌtunyuni, naꞌba ngiisi kiremwa kyoshi íkiri mwoꞌbugumaana, kinabe kiri mu genda kwiꞌdaho.»

Ndondeko 1:28 ပူးပေါင်းရင်းမြစ်များ

Ndondeko 1:22

Yibyo byoshi, Rurema anabigashaanira, anabwira ifwi, ti: «Mukizi butana, halinde muyushuuke, munakwire mu nyaaja. Noꞌtunyuni natwo, tuluguuke mu kihugo.»

Ndondeko 17:16

Uyo Saara, ngamúgashaanira, anakubutire umwana woꞌbutabana. Kwokwo, lyo agaaba nyina weꞌmilala mingi. Mu nda yage, mwo mugalyoka kiri naꞌbaami beꞌmahanga.»

Ndondeko 17:20

«Na ku luhande lwa Hishimaheeri, keera nayuvwa amahuuno gaawe hiꞌgulu lyage. Naye kwakundi, ngamúgashaanira, anabute abaana bingi. Yabo baana, ngabaluza. Hishimaheeri ye gayiji ba yishe waꞌbatwali ikumi na babiri, anayiji ba shokuluza woꞌmulala úguhimbiri.

Ndondeko 24:60

Bashija ba Rebeka, banamúfuuhira amate, ti: «E mwali witu, Rurema akugire ubaagage nyina weꞌbinoono neꞌbinoono, halinde abandu ba mwiꞌkondo lyawe, bagaaze utwaya twaꞌbagoma baabo.»

Ndondeko 26:24

Mu bwobwo bushigi, Nahano anamúhulukira kwo, anamúbwira: «Niehe, nie Rurema wa yisho Hiburahimu. Kwokwo, tuyamiinwi, utayobohe. Bwo Hiburahimu âli riiri mukozi wani, kyo kitumiri naawe ngakizi kugashaanira. Na ngizi luza abandu ba mwiꞌkondo lyawe.»

Ndondeko 33:5

Uyo Hesahu, iri akayinamula amasu, anabona abakazi naꞌbaana, anabuuza Yakobo: «Banyandi yaba muliriinwi?» Yakobo, ti: «Yaba, bali baana bo Rurema akambeereza ku lukogo lwage.»

Ndondeko 49:25

Rurema wa yisho, ye gakizi kutabaala. Ye Rurema woꞌbushobozi bwoshi, ye ganakizi kugashaanira. Kwokwo, ugakizi longa invula ukulyoka mwiꞌgulu. Noꞌtudota, tunakizi bira mu kuzimu. Ugakizi buta abaana bingi. Kiri neꞌbitugwa, binayolole.

Ndondeko 5:2

Akababumba mushosi noꞌmukazi, anabagashaanira. Ku kyanya akababumba, anabayinika iziina Bandu.

Ndondeko 6:1

Ikyanya abandu bakatondeera ukuyushuuka mu kihugo, banakizi buta abanyere.

Ndondeko 8:17

Uhuluse neꞌbiremwa byoshi byo muliriinwi: utunyuni, neꞌnyamiishwa, na íbiri mu yibulula byoshi. Birya byoshi, bikizi shubi butana, binaluguuke, halinde binakwire mu kihugo kyoshi.»

Ndondeko 9:1

Ha nyuma, Rurema anagashaanira Nuhu, bo na bagala baage, anababwira kwokuno: «Mukizi buta bayisho, na banyoko, halinde muyushuuke, munakwire mu mahanga gooshi.

Ndondeko 9:7

«Kwokwo, mukizi buta bayisho, na banyoko, halinde muyushuuke, munabe munakwire mu mahanga gooshi, munagayondoloke mwo.»

1 Kutondobola 26:5

Noꞌweꞌndatu, ye Hamyeri. Noꞌwa kalinda, ye Hisakaari. Noꞌwoꞌmunaana, ye Pehuletayi.

1 Kutondobola 4:10

Uyo Yabeeshi anatakira Rurema waꞌBahisiraheeri kwokuno: «Nakuyinginga, ungashaanire, unayushuule imbibi zaani. Ukuboko kwawe, kukizi ba kuguma na naani. Neꞌkyanya ngaaba ndi imbere liꞌgambo libi, unakizi ndanga, gira ndakizi lyanirwa.» Ngiisi kwo akahuuna Rurema, kwo Rurema akanamúgirira.

Hayubu 39:11

Iyo mbogo, kundu ihiiti imisi mingi, haliko utangakizi gilangaalira. Utangagikoleesa, ikizi kugirira imikolwa yawe.

Hayubu 42:12

Uyo Hayubu, mu kihande kya kabiri kyoꞌburambe bwage, Nahano anamúgashaanira ingingwe bweneene, kiri ukuhima kwo âli múgashaniiri ubwa mbere, anaba akola neꞌbibuzi bihumbi ikumi na bina, neꞌngamiya bihumbi ndatu, neꞌngaavu bihumbi bibiri, naꞌmabuguma ga bapunda kihumbi.

Zaburi 107:38

Yabo bandu, Nahano anakizi bagashaanira ngana, halinde banaluguuka. Kiri neꞌbitugwa byabo, byanayolola.

Zaburi 115:16

Íbiri mwiꞌgulu, biri bya Nahano. Si ikihugo kyohe, akakiheereza abandu.

Zaburi 69:34

Mukuba, ikyanya abandu bali mu ba bagoozirwi, banatabaaze Nahano, ali mu ba abayuvwiti. Neꞌkyanya bali mu ba bagwasirwi mu mbohe, atali mu bahebuura.

Zaburi 8:6

Ukamúgira abe mwiꞌdako lyawe hiniini. Wanamúyambika ulushembe, halinde anagingikwa mu kati koꞌbulangashane.

Zaburi 8:7

Ibindu byoshi, ikyanya ukabibumba, wanabiika umundu akizi bitwala. Yibyo byoshi, ukabibiika mwiꞌdako lyaꞌmagulu gaage:

Hisaaya 45:18

Nahano Rurema, ye kabumba igulu, neꞌkihugo, anabisikamya. Na íbitumiri akagiraga kwokwo, kutali mbu kituule kimaata. Nanga, maashi! Si akabumba abandu kwo bakituule mwo, anadetaga kwokuno: «Nie Nahano, ndaanaye gundi.

Balaawi 26:9

«Ngakizi mùkejeerera, na ngizi mùgashaanira, halinde mulonge abaana bingi. Kirya kihango kyo nꞌganywana na niinyu, ngakizi kikwiza.

1 Timoteyo 4:3

Bagweti bagalahiza abashosi kwo batakizi yanga, naꞌbakazi kwo batakizi yangwa. Banali mu bwiraga abandu kwo bakizi neena ibyokulya birebe. Na Rurema yenyene ye kabibumba, gira abandu baage bakizi birya, banakizi tanga kongwa hiꞌgulu lyabyo, bwo bakoli yiji ukuli.