Nahumu 2:2 - Kifuliiru

² E kaaya keꞌNinaawi! Langiiza! Abagoma bagayiji kuteera. Mulangage akaaya kazitire! Mulaliire ku mitalimbwa! E maashi! Mukenyere, munasikame, munayibiike ibiringiini ukulwa!

Nahumu 2:2 ပူးပေါင်းရင်းမြစ်များ

Zaburi 47:4

Akatuhimira ibinyamahanga, anabibiika mwiꞌdako lyaꞌmagulu giitu.

Hisaaya 60:15

«E bandu beꞌYerusaleemu, mwâli kizi shombwa lwoshi, mwanâli jandagiirwi. Ndaaye mundu úwâli kizi ki mùlenga mwo. Haliko buno, ngamùgingika imyaka neꞌmyakuula! Mukolaga mugashambaaza abandu beꞌbibusi byoshi.

Yeremiya 25:29

Kirya kihano, keera kyatangirira mu kaaya kaani nienyene. Aahago! Ka mwe mugakikenga? Aahabi! Mutagakikenga. Si ngalwisa abandu booshi ba mu kihugo.”» Kwokwo, kwo Nahano adesiri.

Yeremiya 48:11

«Yabo Bamohabu, ukulyokera keera, bâli jeberiiri. Balyagagi nga divaayi íri mu ndango imyaka mingi, buzira kutwangwa. Ndaakyo kyanya bakatwalwa imbohe. Kwokwo, bakiri mu ba noꞌmuhongolo mwija, banakiri mu simiisa.

Yeremiya 49:9

Abimbuzi beꞌmizabibu, ikyanya bali mu yiji yimbula, bali mu siga imisigala ku mulandira. Kiri naꞌbazimba, ikyanya bali mu yiji zimba bushigi, bali mu yabiira naaho ngiisi íbyangabatabaala.

Hezekyeri 37:21

Unababwire kwo nie Rurema Nahamwinyu nadetaga kwokuno: Yabo Bahisiraheeri, bakoli tuuziri i mahanga. Kundu bakatwalwa yo, haliko, ngabalyosa yo, na mbakumanize kuguma, halinde banagalukire mu kihugo kyabo.

Hezekyeri 37:23

«Yabo bandu, batagaki shubi yiyulubaza, mu kukizi yikumba imigisi. Mukuba, iyo migisi iri mu yagazania. Batanâye ki kizi gira ibyaha mu buhuni bwabo. Mukuba ngabakiza, halinde bayeruuke bwija. Kwokwo, lyo bagaaba bandu baani. Naani, na mbe ndi Rurema wabo.

Hosheya 10:1

Abahisiraheeri bâli riiri nga muzabibu mwija, úgwali kizi joojeka bweneene. Halikago, ikyanya bakalonga ibindu bingi, banatondeera ukukizi yubaka ututanda twa kundi-kundi. Na ngiisi kweꞌkihugo kyabo kyâli kizi genderera ukugala, banakizi limbiisa inguliro zaabo ndaluule zoꞌkuyikumbira kwo.

Nahumu 2:10

Emwe bagoma! Si mu kano kaaya, mulyagagi akanyabungaka keꞌbindu. Biri kandaharuurwa. Kwokwo, mushahulage inooro, kuguma neꞌharija!

Nahumu 3:14

E bandu beꞌNinaawi! Muyibiikire ikihinda kyaꞌmiiji! Munasikamye inzitiro ziinyu, lyo mulonga ukugooyera ikiteero. Muyabiirage ibidaka, munabihonde naꞌmagulu, halinde lyo mubumba amatafaari, munagayokye.

Sefaniya 3:11

«E bandu beꞌYerusaleemu, kundu mwâli kizi mbubira, haliko ku yulwo lusiku, mutâye ki teerwe neꞌshoni. Mu kati kiinyu, ngiisi ábagweti bagayiheemya, noꞌkuyidundulika, ngabashaaza mu kati kiinyu. Ndaanaye úgakizi yikangaata ku mugazi gwani mweru.