Nahumu 2:10 - Kifuliiru

¹⁰ Emwe bagoma! Si mu kano kaaya, mulyagagi akanyabungaka keꞌbindu. Biri kandaharuurwa. Kwokwo, mushahulage inooro, kuguma neꞌharija!

Nahumu 2:10 ပူးပေါင်းရင်းမြစ်များ

Ndondeko 1:2

Ikihugo kyâli riiri kimaata, kitanâli riiri neꞌnjusho yoshi. Ikihulu namudidi kyâli yidisiri hiꞌgulu lyaꞌmabenga gaꞌmiiji. Noꞌmutima gwa Rurema gwâli kizi leera hiꞌgulu lyago.

Zaburi 22:14

Bakoli yashwiri utunwa twabo, nga ndare, banagweti bagalunduma, gira banjanganule.

Hisaaya 14:23

Ngahindula akaaya keꞌBabeeri, lube lujaga, kanahande mwo banafufulu. Kalya kaaya, ngakahyagiza lwoshi noꞌmuhyagizo, halinde kanashereezibwe lwoshi-lwoshi.» Kwokwo, kwo Nahano woꞌbushobozi bwoshi adesiri.

Hisaaya 21:3

Ala nie! Ngoli yuvwiti ubulyanirwe mu kibuno. Bukola mu lyana nga mukero gwoꞌmukazi. Ngiisi byo ngola mu yuvwa, bikoli nyobohesiizi! Kiri na byo ngola mu bona, biri mu mbiika uluhuha.

Hisaaya 24:1

Lolagi! Nahano akola agashereeza ikihugo, anakisige mushaka. Naꞌbatuulaga baamwo, anabashaabule.

Yeremiya 30:6

Ku yukwo, mutee yibuuzagya bwija, ti: “Koꞌmushosi angabuta?” Aaho! Kutagi ngiisi mushosi akola mu yigwata ha kibuno, iri anahinya ngoꞌmukazi úgweti úgaabuta ku bulyanirwe? Na kituma kiki amalanga gaabo gakoli zizibiiri?

Yeremiya 49:23

Nahano adetaga hiꞌgulu lyeꞌDamasiki kwokuno: «Abandu beꞌHamaati naꞌbeꞌHaripaadi, bakayuvwa umwazi mubi, banakoli tetiirwi. Bakoli shengusiri hiꞌgulu lyeꞌkyoba, banakoli hanamiri imitima, nga nyaaja íri mu birinduka.

Yeremiya 51:62

Ha nyuma, unahuunage Rurema kwokuno: “E Nahano! Ukagwanwa wadeta kwo ugashereeza hano handu, halinde hataki tuule abandu, kandi iri bindi biremwa. Si kino kihugo kigajandwa, kinasigale ngiꞌshamba halinde imyaka neꞌmyakuula!”

Yeremiya 8:21

Ikyanya abandu baani bali mu yogogozibwa, naani ndi mu yami twika indege. Na ngweti ngababululukira, iri na njenguka hiꞌgulu lyabo.

Hezekyeri 21:7

«E mwana woꞌmundu, ulangiize i Yerusaleemu, iri unatanga ubuleevi bwoꞌkugikanukira, kundu yaꞌbandu bagweti bagakizi nyikumbira. Ewe! Ukizi kanukira Abahisiraheeri!

Hezekyeri 31:15

«Nie Rurema Nahamwinyu nadetaga kwokuno: Kirya kiti, ulusiku kikalindimukiraga i kuzimu, haaho-haaho, hanaba ikigandaaro. Nanayami dagira utudota. Nanayumya neꞌnyiiji, halinde amiiji ganakama. Nanayambika Lebanooni imirondo miiru, mu kuyerekana umwizingeerwe. Neꞌbiti byoshi bya mu kishuka, byanayuma.

Danyeri 5:6

Ulya mwami, amalanga gaage ganahinduka meeru-meeru, anatondeera ukuyoboha. Indege zaage zanavunika. Kiri naꞌmadwi ganakizi lenga mweꞌkinyukura.

Yuheeri 2:6

Ikyanya abandu bali mu bibona, bali mu gwatwa neꞌkihuumula, Ngiisi kikebe, kinayami hinduka.

Nahumu 2:2

E kaaya keꞌNinaawi! Langiiza! Abagoma bagayiji kuteera. Mulangage akaaya kazitire! Mulaliire ku mitalimbwa! E maashi! Mukenyere, munasikame, munayibiike ibiringiini ukulwa!

Nahumu 3:7

Ngiisi ábagakubona, bagakutibita, iri banakushekeereza kwokuno: “Niino! Leero, Ninaawi ahongolwa ngana! Aahago! Nyandi úgamúlirira? Hayi tugaki longa abandu boꞌkumúholeeza?”»

Sefaniya 3:6

Nahano adetaga kwokuno: «Keera najigiivya abandu ba mu mahanga mingi. Inyumba zaabo, kundu zâli riiri ngomu, keera nazishereeza. Injira zaabo, nazisiga mushaka, zitanakiri mu lenga mwoꞌmundu yeshi. Utwaya twabo, keera tukasigwa mushaka, ndaanaye úki tutuuziri mwo.

Yoshwa 2:11

Ikyanya tukayuvwa kwokwo, imitima yitu yanayami shenguka. Tweshi twanatwika indege. Mukuba, Nahano, Rurema winyu atuuziri mwiꞌgulu, kiri na hano mu kihugo.

Yoshwa 7:5

Banayita Abahisiraheeri nga makumi gashatu na ndatu. Neꞌri abaabo bakapuumuka, banabashindibuka kwo, ukulyokera kwiꞌrembo lyaꞌkaaya kaabo, halinde i Shebarimu, banabayitira ku mudulumuko. Ikyanya Abahisiraheeri bakabona kwokwo, banatwika indege, banaba nga bujonga.