Nahumu 1:5 - Kifuliiru

⁵ Hiꞌgulu lya Rurema, imigazi iri mu shagala, noꞌtugangazi tunajongoloke, tunanyerere. Ikihugo kiri mu jugumbana imbere lyage, kuguma na booshi ábatuuziri mwo.

Nahumu 1:5 ပူးပေါင်းရင်းမြစ်များ

2 Samweri 22:8

«Lyeryo, ikihugo kyanalenga mwoꞌmusisi, kyanajugumbana. Kiri neꞌnguliro ziꞌgulu, nazo zanahunga-hunga. Zanalenga mwoꞌmusisi, bwo Rurema âli koli rakiiri.

Hayubu 26:11

Ikyanya Rurema ali mu kanukirana, lyeꞌnguliro ziꞌgulu ziri mu soomerwa, zinakizi juguma.

Hayubu 9:5

«Ikyanya Rurema ali mu bungiisa amalambo, ndaaye úli mu tee kengulwa. Yago malambo, ali mu gabalandula-balandula ku buraakari bwage.

Zaburi 104:32

Ikyanya Nahano ali mu langiiza naaho ku kihugo, kiri mu jugumbana. Kiri neꞌmigazi, ikyanya ali mu gihuma kwo, iri mu tutumuka kweꞌkyusi.

Zaburi 114:4

Imigazi yanakizi simbuka-simbuka nga bipanga. Noꞌtugangazi twanakizi ganga-ganga nga byanabuzi.

Zaburi 114:6

E migazi, kituma kiki mwâli kizi simbuka-simbuka nga bipanga? E tugangazi, kituma kiki mwâli kizi ganga-ganga nga byanabuzi?

Zaburi 18:7

Ikyanya nâli gweti ngalibuuka, nanatabaaza Nahano. Ee! Nꞌgatabaaza Rurema wani, kwo atuuziri mu nyumba yage. Haaho ngana, ikyanya ngi gweti ngaalira, ananyuvwa.

Zaburi 18:8

Lyeryo, ikihugo kyanayami lenga mwoꞌmusisi. Kiri neꞌnguliro zeꞌmigazi, nazo zanahunga-hunga. Ee ma! Bwo Rurema âli koli rakiiri, zanalenga mwoꞌmusisi bweneene.

Zaburi 46:6

Na bwo Rurema ali mwo, katâye shaganibwe. Si agayiji katabaala ku lukula.

Zaburi 68:8

E Rurema! Ikyanya ukalyosa abandu baawe i Miisiri, wanakizi bashongaaniza injira mwiꞌshamba.

Zaburi 98:7

Inyaaja na íbigiri mwo byoshi, bikizi múbandira utubuuli. Ikihugo na íbikiri mwo byoshi, nabyo bikizi múbandira two.

Kulyoka 19:18

Gulya mugazi Sinaayi, Nahano anagumanukira kwo, ali mu kati koꞌmuliro. Gwanakizi zinga kweꞌkyusi, kyananungeera hiꞌgulu, nga kya kiberekaana. Umugazi gwoshi, gwanakizi jugumba bweneene.

Hisaaya 24:1

Lolagi! Nahano akola agashereeza ikihugo, anakisige mushaka. Naꞌbatuulaga baamwo, anabashaabule.

Hisaaya 24:20

Ikihugo kikola mu yifuka iyo munda neꞌyo munda nga mulalwe. Kinakola mu jugumbana nga luhinda mu kihuhuuta. Bwaꞌbandu keera bayifunda mu byaha bweneene, kikoli zidohiirwi. Kwokwo, kikola bu gwa kifudeete, kitaganaki shubi jingirira.

Hisaaya 5:25

Nahano akoli rakariiri abandu baage, anakoli bangwiri ukuboko kwage, gira abahane. Kiri neꞌmigazi ikoli gweti igajugumbana. Neꞌbirunda bikoli luuzirwi mu njira ngiꞌjolera. Kundu kwokwo, ubute bwa Nahano buki yasiri. Akoli bangwiri ukuboko kwage, gira ahaniirize abandu baage.

Yeremiya 10:10

Kundu kwokwo, Nahano naaho, ye Rurema woꞌkuli. Yehe, ye Rurema úli mugumaana, anali ye mwami weꞌmyaka neꞌmyakuula. Ikyanya ali mu raakara, ikihugo kiri mu yami jugumbana. Yubwo buraakari bwage, ibinyamahanga bitangabuyigenderera.

Yeremiya 4:24

Ha nyuma, nanalangiiza ku migazi, nanabona kwo ikola mu jugumbana, kuguma noꞌtugangazi.

Hezekyeri 38:20

Abandu booshi ba mu kihugo, mango bambanda kwaꞌmasu, bagayami lenga mweꞌkinyukura, kiri neꞌfwi, noꞌtunyuni, neꞌnyamiishwa, na íbiri mu yibulula. Imigazi yoshi igayihongoleka haashi, kuguma neꞌnzitiro, neꞌbibambaazi.

Yuheeri 2:10

Ikyanya biri mu yegeera, idaho liri mu yami jugumba, di-di-di! Kiri niꞌgulu, liri mu lenga mweꞌkinyukura. Izuuba noꞌmwezi, binazinge ikihulu, Kiri neꞌndonde, zinayami zima.

Hamoosi 9:5

Nahano woꞌbushobozi bwoshi, ikyanya ali mu huma ku kihugo, kinayami jugumbana. Ikihugo kiri mu yami heema ngoꞌlwiji Niire ku kyanya kyeꞌnvula, kinashubi yema. Kwokwo, abandu booshi banayami bululuka mu kigandaaro.

Mika 1:4

Amalambo gakoli gweti gagajongoloka mwiꞌdako lyaꞌmagulu gaage, iri ganahingira mu tubanda, nga bulembo úbwajongoloka. Ganali nga miiji ágali mu golomba ku higangazi.

Habakuki 3:10

Ikyanya imigazi ikakuloleekeza, yanayami jugumbana, inyiiji zanagolomba mwo. Utulingi tweꞌnyaaja tukalunduma, twanayami vubula imidunda.

Zakariya 4:7

Kiri na nangungubanga woꞌmugazi, gutagakuhangirira. Si ugagushaabula! Neꞌkyanya ugabiika ibuye lyeꞌmbeka mu nyumba ya Rurema, abandu bagakizi deta kiranga, ti: “Ibuyahiri! Ibuyahiri!”»

Mataayo 27:51

Mu nyumba ya Rurema, mwâli manisirwi umulondo, úgwâli giziri ikisiika. Lyeryo, gulya mulondo gwanayami lalaanuka mwo kubiri, ukulyokera hiꞌgulu halinde haashi. Na kwakundi, ikihugo kyanajugumba. Kiri naꞌmabuye, ganabereka.

Mataayo 28:2

Lyeryo mu kihugo, mwanalenga umusisi muhamu bweneene. Mwiꞌgulu, mwanashonooka umuganda wa Nahano, anayegeera iyo shinda, anahirikira lirya ibuye ha butambi, analibwatala kwo.

Bwigule 20:11

Nanabonaga ikitumbi kihamu kyoꞌbwami, kyeru pepeepe! Nanabona na úwâli kibwatiiri kwo. Ikihugo niꞌgulu byanayami nyerera imbere lyage. Mukuba, hatakaki boneka ho bigabeera.

Bwigule 6:14

Igulu lyanabungwa-bungwa, nga kwo bali mu bunga-bunga ikitaabo kibungirize, lyananyerera! Imigazi yoshi, na ngiisi tulira twoshi, nabyo byanashaazibwa ho byâli riiri!

Batwi beꞌmaaja 5:5

E Nahano, imigazi yanajugumba imbere lyawe. Ikajugumba imbere lya Nahano weꞌSinaayi, Rurema waꞌBahisiraheeri.