Mwigiriza 7:5 - Kifuliiru

⁵ Buli bwija umwitegeereza atuyerekeze, ho twangakizi huuzibwa naꞌbahwija.

Mwigiriza 7:5 ပူးပေါင်းရင်းမြစ်များ

Zaburi 141:5

Bwangaba bwija, umundu woꞌkuli anganukire. Kiri noꞌkuhimbula, angambimbula. Ikyanya agiraga kwokwo, iri angira bwija. Kwangabiiri nga mavuta go anyonera mwiꞌtwe. Ee! Itwe lyani, litangalahira. Ngakizi huuna Rurema, kwo ahangirire banangora-mabi ku mabi gaabo.

Zaburi 69:12

Ee! Ikyanya ndi mu jengeerwa, bali mu mbonyoleza.

Migani 13:13

Ikyanya abandu bali mu gayiriza ihano, bali mu yiteera boonyene. Si ngiisi ábali mu simbahana boohe, bali mu hembwa.

Migani 13:18

Ngiisi útali mu twazania, ali mu herera mu bukeni, anateezibwe ishoni. Si ngiisi úli mu yemeera ukuhanuulwa, ali mu kizi longa ulushaagwa.

Migani 17:10

Umwenge, ikyanya ali mu hanuulwa, ali mu longa akamaro bweneene, ukuhima akamaro koꞌmuhwija, úli mu titimbwa ibifune igana.

Migani 25:12

Ikyanya umwitegeereza ali mu hanuula uwabo, noꞌyo wabo anamútege ukutwiri, bisimiizi ngoꞌbungeni-ngeni úbukatulwa mu nooro muguuhya.

Migani 27:6

Umwira, nga angakukanukira, iri akukuuziri. Haliko umugoma yehe, ikyanya akuhoobera, kugaaba naaho ku bulyalya.

Migani 6:23

Ee! Yizo maaja, na yago migirizo, liri itara lyoꞌkumoleka imbere lyawe. Ikyanya bagakuyerekeza, byo bitumiri ugaaba uli mugumaana.

Migani 9:8

Ku yukwo, utayerekeze umunabwikangaate, gira utayiji shombwa! Si umwitegeereza yeki, wangamúyerekeza, anakukunde.

Mwigiriza 12:11

Amadeta gaꞌbitegeereza, galyagagi nga ngoni yoꞌkusholera ingaavu, ganali nga misumaari íri mu naniiza imbahwa kuguma.

Mwigiriza 7:4

Umwitegeereza agweti agayitoneesa bweneene hiꞌgulu lyoꞌlufu. Haliko umuhwija yehe, ayifwijiri naaho kwo akizi yisimiisa.

Mwigiriza 9:17

Umwitegeereza, ikyanya agweti agaadeta ku butuudu, kwo kukulu hoꞌmutwali muhwija angayamiza-yamiza.

Bwigule 3:19

«Ngiisi bo nguuziri, ndi mu bakanukira, iri na mbahana. Ku yukwo, mutwikirage ku byaha biinyu. Mukizi ba baduutu.