Mwigiriza 6:6 - Kifuliiru

⁶ Uyo mugale angaramba kiri imyaka bihumbi bibiri, na Rurema anabe ali mu múheereza amiija. Kundu kwokwo, yago miija, hali ikyanya atashobwiri ukugasiima. Na bwo tweshi tuli mu genda handu haguma, kuti kwo angaki gira?

Mwigiriza 6:6 ပူးပေါင်းရင်းမြစ်များ

Ndondeko 5:5

Hadamu, iri akalama imyaka magana galimwenda na makumi gashatu, anafwa.

Hayubu 1:21

«Nꞌgayija mu kihugo, ndi bukondwe. Na mu kulyoka mwo, ngagenda ndi bukondwe. Ngiisi byo nâli hiiti, Nahano ye kabimbeereza. Ye wanashubi binyaga. Ee! Iziina lya Nahano, likizi huuzibwa.»

Hayubu 30:23

Nyiji bwija kwo ugweti ugammanulira i kuzimu, mu bafwiri. Yeyo munda, yaꞌbandu booshi bagayiji humaanana.

Hayubu 7:7

«E Rurema, kengeera kwoꞌburambe bwani guli muuka naaho. Ndagaki bona isiku nyiija.

Zaburi 34:12

E baana baani, muyije munyuvwirize. Ngamúyigiriza ngiisi kwo mugakizi gingika Nahano.

Mwigiriza 12:7

Ku yikyo kyanya, ugashubi hinduka luvu. Haliko, umutima gwawe gwohe, gugagalukira imwa Rurema. Mukuba, ye kakuheereza gwo.

Mwigiriza 2:14

Mukuba, umwitegeereza, ahiiti amasu mwiꞌtwe lyage. Si umuhwija yehe, ali mu kizi mamaata naaho mu kihulu. Kundu kwokwo, yabo bombi, nanayiji bona kwo bagahekera mwomwo mu lufu.

Mwigiriza 3:20

Booshi bali mu fwagaga, banalole i kuzimu. Ee! Booshi bakalyokaga mu luvu. Na mwomwo, mwo bagashubi galukira.

Mwigiriza 6:3

Halyagagi ikyanya umundu angaba abusiri abaana igana, anabe arambiri imyaka mingi. Kundu kwokwo, anabe atasiimiri uburambe bwage, atanaziikwe bwija. Uyo mundu, nangadesiri kwoꞌmwana úwabutwa akoli fwiri, ye múhimiri.

Mwigiriza 6:5

Atanali mu bona ulukeera lwiꞌzuuba, ndaanabyo ayiji. Kundu kwokwo, aluhuusiri ukuhima ulya mugale.

Mwigiriza 7:2

Buli bwija umundu agendi lirira mu mabiihe, ho angagenda mu nyumba yoꞌbushambaale. Mukuba tweshi, hali ulusiku lwo tugaafwa kwo. Yulwo lusiku, abandu bakwiriiri bakizi lukengeera, bátazi fwa.

Mwigiriza 9:2

Booshi bali mu hekera ku njira nguma, baba bandu ábakwaniini, kandi iri banangora-mabi, baba biija, kandi iri babi, baba ábakoli yeruusiri, kandi iri ábakoli yulubiiri, baba ábali mu tanga amatuulo, kandi iri ábatali mu gatanga. Baba ábali mu tanga imihango imwa Rurema, kandi iri ábatali mu gitanga. Ee! Umundu mwija, ngiisi byo ali mu longa, umunabyaha, naye, byo na byebyo.

Hisaaya 65:20

Hataganaki boneka akaanafu. Kiri naꞌbandu bakulu batagakizi ki fwa, bátazi shaaja. Umundu úwafwagaga mbura-kihe, agakizi fwa neꞌmyaka igana. Neꞌri angafwa átazi hisa imyaka igana, agamenyeekana kwo ali munabyaha, na kwo adaasirwi.

Hisaaya 65:22

Ndaaye úgakizi yubaka inyumba, mbu abandi bandu banayiji ziyifunda mwo. Ndaanaye úgakizi lima indalo, mbu inayimbulwe naꞌbandi-bandi bandu. Abandu baani bagakizi lama bweneene, ngeꞌbiti. Abataluule baani, ngiisi byo bagayitubaanulira kwo, byebyo byo bagashambaalira.

Yeremiya 17:6

Uyo mundu, agaaba nga hishungu-shungu mwiꞌshamba, hazira mundu. Yaho, hahangalusiri bweneene! Noꞌluvu, lulyagagi lwa muloba. Yabo bandu, ndaalwo lusiku bangagenduukirwa!

Baheburaniya 9:27

Bishungisirwi kwo ngiisi mundu ali mu ba wa kufwa liguma naaho. Ha nyuma, Rurema anamútwire ulubaaja.