Mwigiriza 6:12 - Kifuliiru

¹² Abandu, isiku zaabo mu kihugo, ziri niini, zitanali naꞌkamaro. Zigweti zigalenga duba, nga kimbehwa. Aahago! Ikyanya bali mu ba bakiri ho, nyandagi uyiji byo bakwaniini ukugira? Neꞌkyanya bagaaba batakiri ho, nyandi úyiji íbigakoleka?

Mwigiriza 6:12 ပူးပေါင်းရင်းမြစ်များ

1 Kutondobola 29:15

Si imbere lyawe, tuli nga binyamahanga. Tunali bageezi, nga kwo bashokuluza biitu booshi bâli riiri. Isiku ziitu mu kihugo, ziri nga kimbehwa íkiri mu hinjuka. Ndaanagwo mulangaaliro, kwo tugatuula ho.

Hayubu 14:2

Ali mu yasa bwija nga kaaso, haliko haaho, anashubi bogama. Ali mu lenga nga kimbehwa, anayami nyerera.

Hayubu 14:21

Uyo mundu atangaki menya iri abaana baage bagingikwa, kandi iri bali mu kizi shokoorwa.

Hayubu 8:9

Twehe, twabutwa bigingo naaho, ndaanabyo tuyiji. Isiku ziitu mu kihugo, ziri mu lenga nga kimbehwa.

Zaburi 102:11

E Rurema, maashi! Nabonaga kwo ukoli rakiiri bweneene. Keera ukandengeza, wananvugumula hala.

Zaburi 109:23

Ndi mu ba nga kimbehwa íkiri mu nyerera kabigingwe, na nyehuulwe nga luzige.

Zaburi 144:4

Si abandu balyagagi nga muuka naaho! Isiku zaabo ziri mu lenga duba, nga kimbehwa.

Zaburi 16:5

E Nahamwitu, keera ukambiikira ubuhyane bwani. Na byoshi byo ukambiikira, wanabisikamya.

Zaburi 17:15

Bwo ndi mundu woꞌkuli, tugaki bonaana. Ee ma! Ikyanya ngavyuka, na ngubone masu ku gandi, umutima gwani, gugayika mu nda.

Zaburi 4:6

Mukizi tangira Nahano amatuulo ágakwaniini, iri munamúbiika kwoꞌmulangaaliro.

Zaburi 47:4

Akatuhimira ibinyamahanga, anabibiika mwiꞌdako lyaꞌmagulu giitu.

Zaburi 89:47

E maashi Nahano, ugakizi yibisha, halinde mangoki? Si uburaakari bwawe, buki genderiiri ukukizi yaka!

Mwigiriza 10:14

Umuhwija agweti agaadeta amagambo mingi ku bigaki yija. Kundu kwokwo, ndaaye úyiji íbigakoleka ha nyuma lyage.

Mwigiriza 12:13

Keera twayuvwa gooshi. Kwokwo, ngola ngasiguusa. Ukizi simbahaga Rurema, unakizi kulikira imaaja zaage. Kwokwo, kwoꞌmundu akwaniini akizi gira.

Mwigiriza 2:24

Ndaago gandi miija goꞌmundu angagira, ha nyuma naaho lyoꞌkunywa noꞌkulya, iri anashambaalira umukolwa gwage. Ee! Ukugira kwokwo, nabona kwo kulyosiri imwa Rurema.

Mwigiriza 2:3

Ikyanya nâli ki rongwirwi noꞌbwitegeereze, nꞌgagira mbu nyishambaaze neꞌdivaayi. Nanagiraga mbu nimenye ngiisi kwoꞌbuhwija buli. Nâli loziizi ukumenya íbikwaniini, ku siku niini zo tutuuziri mu kihugo.

Mwigiriza 3:22

Ehee! Nanabonaga kwo ndaakwo kundi kwoꞌmundu angagira, kútali kushambaalira umukolwa gwage. Mukuba, byebyo byo ashungikirwa. Si ndaaye úwangamúmenyeesa íbigakoleka ha nyuma lyage!

Mwigiriza 6:11

Umundu, iri angadeta bweneene, amagambo gaage gagaaba gali ga busha-busha. Neꞌri angakizi deta, ndaabwo bunguke bwo ali mu longa.

Mwigiriza 7:15

Mu buno burambe bwani bwa busha-busha, keera nꞌgabonaga yaga gombi: Abandu ábakwaniini, hali ikyanya bali mu yami kinduka. Nanabona ugundi úrambiri bweneene, anabihuusiri.

Mwigiriza 8:13

Yabo banabyaha, bwo batasimbahiri Rurema, nyiji kwo bagayiji goorwa. Isiku zaabo, zitanabe nyingi.

Mwigiriza 8:7

Ndaaye úyiji íbigakoleka. Aaho! Nyandagi úgayiji gwanwa abideta?

Mwigiriza 9:6

Abafwiri bataki kundiini, batanaki shombiini, batanaki yuvwiti uluugi. Mu byoshi íbiri mu koleka mu kihugo, bataki hiiti mwoꞌgwabo mutuli.

Mwigiriza 9:9

Ukizi yisimiisa kuguma na mukaawe. Mukuba, ye ukuuziri isiku zaawe zooshi. Kundu Rurema akuhiiri buno burambe mu kihugo, si bulyagagi bwa busha-busha. Ndaanabyo bindi byo uhiiti. Ku yukwo, ikyanya ugakizi koleereza, ukizi na shambaala kwakundi.

Mika 6:8

E mundu! Si keera Nahano akubwira ngiisi íbiri biija, na ngiisi byo akuloziizi kwo. Aloziizi ukizi girirana íbikwaniini, unabaagage ukuuziri ukukejererana, unakizi yerekana ubutuudu imbere lyage.

Yakobo 4:14

Si mutayiji íbigamùkoleka kwo, kiri na kusheezi! Uburambe bwinyu, bulyagagi buki? Si buli nga luuta! Luli mu boneka ku hyanya hiniini, lunayami nyerera!