Mwigiriza 5:1 - Kifuliiru

¹ Utakizi deta mulindi-mulindi. Ikyanya utazi deta, utee yitoneesa. Utayami lagaania igambo imbere lya Rurema. Mukuba, Rurema ali hiꞌgulu, naawe uli wa mu kihugo. Ku yukwo maashi, amagambo gaawe, ukizi ganiihya kwo.

Mwigiriza 5:1 ပူးပေါင်းရင်းမြစ်များ

2 Kutondobola 26:16

Ulya mwami Huziya, ikyanya akabona kwo akola mugangambale, ehee! Anatondeera ukuyikangaata, anahuna imbere lya Nahano Rurema wage, kyanatuma agashereezibwa. Lusiku luguma, Huziya akayifunda mu nyumba ya Nahano, gira ayokye umubadu ku katanda.

Hayubu 11:2

«Bwo ugweti ugalomboojera bweneene, tukwiriiri ukukushuvya. Aaho! Koꞌmundu angayerekana kwo atahiiti ubuhube, mbu bwo ali mu lomboojera?

Hayubu 22:12

«Rurema atuuziri iyo munda mwiꞌgulu. Na kundu indonde ziri hala, haliko atuuziri hiꞌgulu lyazo.

Zaburi 89:7

E Nahano, yaho mu kyanyaanya, nyandi úwangakuyegeera? Mu bindi byoshi íbiri mu yikumbwa, si ndaakyo íkikushushiri!

Kulyoka 3:5

Nahano anamúbwira kwokuno: «Utayegeere hano. Uhogolage ibiraato byawe, bwo yaho uyimaaziri, hali handu hataluule.

Kulyoka 30:18

«Ulingaanie umutanga gwoꞌkuyikarabira mwo. Yugwo mutanga, gutulwe mu miringa, kuguma neꞌkiterekero kyagwo. Ha nyuma, unagubiike ha kati kiꞌheema lyeꞌmihumaanano, naꞌkatanda koꞌkusiriigiza kwaꞌmatuulo. Unagudugumulire mwaꞌmiiji.

Migani 10:19

Ngiisi úli mu tyabiriza ululimi, ali mu yami yifunda mu byaha. Haliko, iri wangahangirira akanwa kaawe, lyoki uli mu ba mwitegeereza.

Migani 15:8

Amatuulo ga banangora-mabi, Nahano agashombiri. Si amahuuno gaꞌbandu ábatungiini, gali mu músimiisa.

Migani 21:27

Banangora-mabi, ituulo lyabo liri kyagaza, neꞌngingwe, ku kyanya liri mu tangwa neꞌshungi mbi!

Hisaaya 66:3

«Si balya babi boohe, ikyanya bali mu ndangira ituulo lyeꞌngaavu, lyo bali mu ba ngoꞌmundu úwayitana. Neꞌkyanya bali mu ndangira ituulo lyeꞌbibuzi, lyo bali mu ba nga úwasingula akabwa igosi. Ikyanya bali mu ndangira ituulo lyoꞌmushyano, bali mu ba nga bayiji mbeereza umuko gweꞌngulube. Neꞌkyanya bali mu nyokera umubadu, bali mu ba nga bali mu yikumba imigisi. Yaba bandu bakola mu yifunda mu ngiisi byo baloziizi. Imitima yabo ikuuziri ukuyilala mu bitali nga byo.

Balaawi 10:3

Iri Musa akabona kwokwo, anabwira Harooni: «Yiri igambo, Nahano keera akagwanwa atumenyeesa lyo, ikyanya akadeta kwokuno: “Ngiisi ábagakizi nyegeera, bakwaniini bamenye kwo nie Rurema mutaluule. Na ndi nie gakizi gingikwa imbere lyaꞌbandu booshi.”» Harooni, iri akayuvwa kwokwo, anaba shee!

Mikolezi 10:33

Kwokwo, nanayami kutumira. Naawe, wagira bwija bwo wayija. Aahago! Tweshi tukola imbere lya Nahano Rurema, gira tuyuvwe ngiisi gaꞌkutekerera.»

Mikolezi 17:11

Abandu beꞌyo munda i Beroya, bâli riiri boꞌbwitonde ukuhima abaabo beꞌTesaloniki. Kyanatuma ikyanya Pahulu akabaganuulira Igambo lya Rurema, banaliyakiira ku mwete gwoshi. Banakizi yitegeereza mu Mandiko Meeru ngiisi lusiku, gira basise amagambo ga Pahulu, bamenye iri gali goꞌkuli.

1 Bakorindo 11:22

Aaho! Ka mutahiiti inyumba zo mwangakizi liira mwo, noꞌkunywera mwo? Si baguma biinyu, ikyanya batahiiti byo bagaalya, muli mu babonia ishoni, iri munakizi gayiriza niꞌshengero lya Rurema! Ndetage kuti? Ka nangamùhuuza ku byo muli mu gira? Nanga! Bitangaziga!

Baheburaniya 10:26

Iri twangaba keera tukamenyeesibwa íbiri byoꞌkuli, tunashubi haasa-haasa mu byaha, iri ndaakiryo ituulo íryangatushaagiza ibyaha.

Yakobo 1:19

E beene witu bakundwa! Munyuvwirizagye bwija! Hatagire úgakizi deta ku mulindi! Haliko mukizi ba beeshu mu kuyuvwiriza. Mutanakizi ki yagalwa duba.

Yoshwa 5:15

Ulya mukulu, ti: «Hogolaga ibiraato byawe. Mukuba, hano uyimaaziri, hali handu hataluule.» Yoshwa anayami bihogola.