Mwigiriza 3:20 - Kifuliiru

²⁰ Booshi bali mu fwagaga, banalole i kuzimu. Ee! Booshi bakalyokaga mu luvu. Na mwomwo, mwo bagashubi galukira.

Mwigiriza 3:20 ပူးပေါင်းရင်းမြစ်များ

Ndondeko 25:17

Hishimaheeri akalama imyaka igana na makumi gashatu niꞌrinda. Iri lukalamuka, anagwana bashokuluza baage.

Ndondeko 25:8

Iyo myaka yoshi, âli kizi gashaanirwa. Ha nyuma, anafwa, anagwana bashokuluza baage.

Ndondeko 3:19

Mu kulonga ibyokulya, ugakizi shaha ikyuya, halinde ukuhisa ku kyanya ugagalukira mwiꞌdaho. Mukuba, mwiꞌdaho mwo ukalyosibwa, munali mwo ugashubi galukira.»

Hayubu 14:10

«Haliko umundu yehe, ikyanya ali mu fwa, kwoshi kwokwo. Amagala gaage gali mu yami ziikwa. Iri ali mu yisa umuuka gweꞌmbeka, ndaakwo kundi.

Hayubu 14:14

Umundu, iri angaba akoli fwiri, ka angaki shubi tuula ho? Isiku zaani zooshi, ngweti ngalibuuka. Si nangalindirira halinde njwekuulwe mu lufu.

Hayubu 17:13

«I kuzimu, iri yangabiiri yo ikola nyumba yani, na mbe ngoli gwejiiri yo,

Hayubu 30:24

Umundu, iri angaba akoli goozirwi, anatabaaze, koꞌwabo atangamútabaala?

Hayubu 34:15

ibiremwa byoshi byangaheziri. Kiri naꞌbandu nabo, bangagalukiiri mu luvu.

Hayubu 7:9

Nga kweꞌkibungu kiri mu fwifwitira, kinazimiire, kwo na kwokwo, ngiisi ábagaafwa, batagaki shubi galuka.

Zaburi 103:14

Nahano ayiji bwija ngiisi kwo akatubumba, anakengiiri kwo tubumbirwi mu luvu naaho.

Zaburi 104:29

Si ikyanya uli mu bihindulira ingoto, biri mu yami yoboha. Ikyanya uli mu bilyosa mwoꞌmuuka, biri mu yami fwa, binashubi hinduka luvu.

Zaburi 49:14

Yabo bahwija, kundu bangamenyekana kwo bo bali bitegeereza, banakizi na yilangaalira, haliko ku mbeka, bali mu fwagaga ngaꞌbandi.

Mwigiriza 12:7

Ku yikyo kyanya, ugashubi hinduka luvu. Haliko, umutima gwawe gwohe, gugagalukira imwa Rurema. Mukuba, ye kakuheereza gwo.

Mwigiriza 3:21

Aaho! Nyandagi úwangayerekana ku kasiisa, kwoꞌmutima gwoꞌmundu guli mu genda mwiꞌgulu, na gweꞌnyamiishwa gunalindimukire mu kuzimu?

Mwigiriza 6:6

Uyo mugale angaramba kiri imyaka bihumbi bibiri, na Rurema anabe ali mu múheereza amiija. Kundu kwokwo, yago miija, hali ikyanya atashobwiri ukugasiima. Na bwo tweshi tuli mu genda handu haguma, kuti kwo angaki gira?

Mwigiriza 7:2

Buli bwija umundu agendi lirira mu mabiihe, ho angagenda mu nyumba yoꞌbushambaale. Mukuba tweshi, hali ulusiku lwo tugaafwa kwo. Yulwo lusiku, abandu bakwiriiri bakizi lukengeera, bátazi fwa.

Mwigiriza 9:10

Ngiisi byo ugakizi gira, ukizi bigira ku misi yawe yoshi. Si ulindiriiri ukugenda i kuzimu! Neꞌyo munda, ndaagwo mukolwa, ndaanakwo kushungika, ndaanabwo bumenyi, ndaanabwo bwitegeereze.

Danyeri 12:2

«“Mu bandu keera ábakafwa, banakoli ziisirwi, abingi baabo bagazuuka. Baguma, banalonge ukulama imyaka neꞌmyakuula! Halikago, abandi banateezibwe ishoni, iri banateteerwa imyaka neꞌmyakuula.

Muharuuro 27:13

Ikyanya ugaaba keera wakilangiiza, naawe lyo ugaafwa. Ee! Lyo ugagwana bashokuluza baawe, nga kwo mukulu wawe wa Harooni naye keera akabagwana.