Mwigiriza 3:2 - Kifuliiru

² Hali ikyanya kyoꞌkubutwa, na kyoꞌkufwa. Hali ikyanya kyoꞌkubyala, na kyoꞌkushubi kuula.

Mwigiriza 3:2 ပူးပေါင်းရင်းမြစ်များ

Ndondeko 17:21

«Si ikihango kyani kyohe, kigaaba ku Hisake naaho. Noꞌyo Hisake, Saara agakubutira ye, mu kyanya íkiri nga kyekino, ku gundi mwaka.»

Ndondeko 47:29

Uyo Yakobo, iri akaba akola agaafwa, anatumira mugala wage wa Yusefu, anamúbwira: «Iri wangaba unguuziri, nakuyinginga ubiikage ukuboko kwawe hano mwiꞌdako lyeꞌkibero kyani, unandagaanie kwo utaganziika mu kino kihugo kyeꞌMiisiri. We kongwa! Yiri igambo, ulingirire mu kati koꞌlushaagwa.

1 Baami 13:2

Uyo muleevi, ikyanya akayuvwa yiryo igambo lya Nahano, analisimbaha, anagendi daaka kalya katanda, ti: «E katanda, e katanda! Nahano akyula kwokuno: “Mwiꞌkondo lya Dahudi, hagaabutwa umutabana, iziina lyage Yosiya. Kundu abagingi bali mu kutangira kwaꞌmatuulo, haliko yabo bagingi, we Yosiya agabasingoolera kwo. Ku kasiisa, amavuha gaabo, we agagasiriigiza kwo.”»

2 Baami 4:16

Hirisha anamúbwira kwokuno: «Mu gundi mwaka, ku kyanya íkiri nga kyekino, ugaaba ukoli tengetiiri umwana.» Naye, ti: «E nahamwitu, nanga, si uli mukozi wa Rurema! Utandebe, nie mukozi wawe.»

Hayubu 14:14

Umundu, iri angaba akoli fwiri, ka angaki shubi tuula ho? Isiku zaani zooshi, ngweti ngalibuuka. Si nangalindirira halinde njwekuulwe mu lufu.

Hayubu 14:5

Umundu, isiku zaage zoꞌkuramba, keera ukazigereereza. Unakoli yiji umuharuuro gweꞌmyezi yage. Atanahangwirwi ukutalusa kiri neꞌhinyerere hiniini.

Hayubu 7:1

«Ngiisi mundu ahiiti amagoorwa mingi mu kihugo. Tugweti tugayitubanula ngoꞌmukozi weꞌmbembo.

Zaburi 113:9

Umukazi, kundu angaba agumbiri, haliko Rurema ali mu múshambaaza mu nyumba yage, anamúheereze abaana. Tukizi huuza Nahano!

Zaburi 52:5

Ho wangakunda amiija, ukoli kuuziri amabi naaho. Na ho wangakunda ukuli, ukoli kuuziri ibibeesha.

Migani 24:27

Utee yusa imikolwa yawe yeꞌmbuga. Ulingaanie neꞌndalo zaawe. Ha nyuma, ukabuli yubaka inyumba yawe.

Hisaaya 28:24

Umulimi, ka ayamiri ali mu hinga ngiisi kyanya? Aahabi! Si ali mu byala!

Hisaaya 38:1

Ku yikyo kyanya, mwami Hezekiya analwala bweneene, anahambiri fwa. Kwokwo, umuleevi Hisaaya mugala Hamoozi, anayiji mútanduula, anamúbwira kwo Nahano adetaga kwokuno: «Utagaki kira, si ukola ugaafwa. Aaho! Ulingaanie bwija amagambo ga mu nyumba yawe.»

Hisaaya 38:5

kwo agendi bwira Hezekiya kwokuno: «Ndi Nahano Rurema wa shokuluza wawe Dahudi. Galya mahuuno gaawe, keera nagayuvwa, nanabona neꞌmigenge yawe. Ku yukwo, ngakuyushuulira imyaka ikumi niꞌtaanu ku burambe bwawe.

Hisaaya 54:1

Nahano adetaga kwokuno: «E Yerusaleemu, ugirage ushambaale. Kundu ulyagagi nga ngumba útazindi buta, na kundu utazindi yuvwa umukero gwoꞌkubuta, haliko ubande akabuuli, awi yiyi yiyi! Kundu uli ngoꞌmukazi úkakorora, haliko we gaaba naꞌbaana bingi ukuhima nakiriri!»

Yeremiya 1:10

Buno, ngakuheereza ubushobozi hiꞌgulu lyaꞌmaami, na hiꞌgulu lyeꞌbinyamahanga. Ugakizi shikula, iri unahongola. Uganakizi yondobeza, iri unasivya. Na kwakundi, ugakizi yubaka, iri unabyala imbuto.»

Yeremiya 45:4

«Ku yukwo, Nahano adeta kwo mbwire Baruki kwokuno: “Hooshi mu kino kihugo kyeꞌBuyuda, kundu nꞌgakiyubaka, haliko ngashubi kihongola. Ngiisi byo nꞌgabyala yo, ngashubi bibyaluula.

Mataayo 13:41

«Mukuba, Umwana woꞌMundu agatuma abaganda baage, banashaaze mu bwami bwage ngiisi ábagweti bagahubiisania, na banangora-mabi booshi.

Mataayo 15:13

Na wa naye, ti: «Ngiisi mbuto ítakabyalwa na Daata wa mwiꞌgulu, igaki shikulwa.

Luka 1:13

Haliko, uyo muganda anamúbwira, ti: «E Zakariya, utayobohe! Galya magambo go ukahuuna Rurema, keera agayuvwa. Mukaawe Ruzabeeti, agakubutira umwana woꞌbutabana. Noꞌyo mwana, ukamúyinike iziina Yohana.

Luka 1:20

Halikago, bwo utagiyemeera, ukola ugaaba kimeme. Utagaahasha ukudeta, halinde ukuhisa ku kyanya igakoleka. Ee! Ukukoleka, igakoleka ku kyanya kyayo!»

Luka 1:36

Kiri na muvyala wawe wa Ruzabeeti, naye akola neꞌnda yeꞌmyezi ndatu. Iyo nda, agilonga, kundu akola mugiikulu, anashuba mu detwa kwo ali ngumba.

Yohana 16:21

«Kiri noꞌmukazi, ikyanya akola agaabuta, ali mu liibwa noꞌmukero, bweꞌkyanya kyage kyahikaga. Kundu kwokwo, ikyanya ali mu ba keera abuta, yugwo mukero, ali mu yami guyibagira, bwo ali mu ba keera abuta umwana mu kihugo, anabe akola mu yuvwa amalega naaho.

Yohana 7:30

Ikyanya Yesu akadetaga kwokwo, abandu baguma, arara-rara! Banagira mbu bamúgwate. Kundu kwokwo, ndaaye mundu úkamúbiika kwaꞌmaboko. Mukuba, ikihe kyage, kitâli zaazi hika.

Mikolezi 7:17

«Rurema, iri akaba keera agira kwo âli mali gwanwa alagaania Hiburahimu, Abahisiraheeri bâli kola kandaharuurwa i Miisiri.

Mikolezi 7:20

«Ku kyekyo kyanya, Musa naye anabutwa, anâli riiri mwana mwija ngana! Iri akaba keera alererwa mu mwabo myezi ishatu,

Bagalatiya 4:4

Haliko, ikyanya íkikwaniini, iri kikahikaga, Rurema anatuma Umwana wage, ayiji butwa noꞌmukazi. Uyo mwana wage, anatuula mwiꞌdako lyeꞌMaaja,

Bukengeeze 34:5

Ulya Musa, âli riiri mukozi wa Nahano. Kwokwo, anafwira haaho, mu kihugo kyeꞌMohabu. Akafwira yo, nga kwo Nahano akagwanwa akyula.

Baheburaniya 9:27

Bishungisirwi kwo ngiisi mundu ali mu ba wa kufwa liguma naaho. Ha nyuma, Rurema anamútwire ulubaaja.

1 Samweri 2:5

Balya ábâli yigusiri, buno bakola mu kolerana, mbu lyo balonga byo bagaalya. Si ábâli shalisiri boohe, buno bakoli yigusiri. Úshuba ngumba, keera abuta abaana balinda. Si ulya útágweti abaana bingi, akola kiguli-guuli.