Mwigiriza 12:5 - Kifuliiru

⁵ Ugaaba ukoli yobohiri ukushonera áhayinamusiri. Ugayoboha kiri noꞌkugenda mu njira. Umushaku gwawe, gugahinduka mweru-mweru, nga kaaso kiꞌpamba. Neꞌkyanya ugagenda, ugakizi yikanduula nga luhazi lushaaja. Yikyo kyanya, iri wangabona umukazi, utagaki múyifwija. Haaho, lyo ugafwa, unagendi beera ho ugatuula imyaka neꞌmyakuula. Na ábagaaba bakiri ho, banagende mu njira bagweti bagakulirira.

Mwigiriza 12:5 ပူးပေါင်းရင်းမြစ်များ

Ndondeko 42:38

Haliko Yakobo, ti: «Umwana wani, mutangamúndwala. Mukulu wage keera akafwa. Na buno, uno ye koli sigiiri yenyene naaho. Aahago! Si mubwini kwo ngola mushaaja bweneene! Uyu mwana wani, iri angakoli gendi komeerekera mu njira, umukuume guganyita, kunabaagage hiꞌgulu liinyu.»

Ndondeko 44:29

Uyu gundi, iri mwangamútwala, anakengeere agendi longa yeꞌmaana mbi, mugaaba mwanyingiza mu kati koꞌmwizingeerwe, na ngufwane, bwo ngola mushaaja.”

Ndondeko 44:31

E nahamwitu, iri tutangamúgalukana, daata agayami fwa, tunabe twe twamúyita noꞌmukuume, bwo akola mushaaja.

Hayubu 15:10

Si ha kati kiitu, hali abashaaja, naꞌbitegeereza. Banakoli hiiti imyaka mingi ukuhima yisho.

Hayubu 17:13

«I kuzimu, iri yangabiiri yo ikola nyumba yani, na mbe ngoli gwejiiri yo,

Hayubu 30:23

Nyiji bwija kwo ugweti ugammanulira i kuzimu, mu bafwiri. Yeyo munda, yaꞌbandu booshi bagayiji humaanana.

Zaburi 71:18

Buno, ngola mushaaja, na ngolaga neꞌnvwi. Aaho! Utanjandirire! Uleke ngizi menyeesa ubushobozi bwawe imwa booshi ábagaki yija inyuma lyani.

Migani 16:31

Ngiisi úli neꞌnvwi, luli lushembe lwoꞌkulangashana. Ali mu zilonga, mu kukizi gira íbikwaniini.

Migani 20:29

Imisore iri mu longa ubulangashane ku njira yeꞌmisi yayo. Si abashaaja boohe, abandu bali mu bagingika hiꞌgulu lyeꞌnvwi zaabo.

Mwigiriza 9:10

Ngiisi byo ugakizi gira, ukizi bigira ku misi yawe yoshi. Si ulindiriiri ukugenda i kuzimu! Neꞌyo munda, ndaagwo mukolwa, ndaanakwo kushungika, ndaanabwo bumenyi, ndaanabwo bwitegeereze.

Hisaaya 46:4

Nganayama ndi Rurema winyu, halinde ku kyanya mwâye be bashaaja, munabe mukoli hiiti invwi. Ee! Nie kamùbumba. Kwokwo, ngakizi mùkuya-kuya, na ngizi mùtengetera, na ngizi na mùkiza.

Yeremiya 1:11

Nahano anambuuzagya kwokuno: «E Yeremiya, biki ubwini?» Na wa naani, ti: «Mbwini itavi lyeꞌkiti kyoꞌbulaliizi, íkiri mu detwa Loozi.»

Yeremiya 9:16

Nahano woꞌbushobozi bwoshi, adetaga kwokuno: «Yaga magambo, mugirage mugayitoneese kwo! Munalaalike abakazi ábayiji ukulira ku mabiihe, banabe ngana bayiji umukolwa gwabo.

Balaawi 19:32

«Ikyanya umushaaja agayija, mukizi múheereza ulushaagwa, mu kuyimuka imbere lyage. Na kwakundi, mukizi simbaha Rurema winyu. Niehe, nie Nahano.

Baheburaniya 9:27

Bishungisirwi kwo ngiisi mundu ali mu ba wa kufwa liguma naaho. Ha nyuma, Rurema anamútwire ulubaaja.