Mwigiriza 11:10 - Kifuliiru

¹⁰ Utakizi ki gerania. Neꞌri wangalyanirwa mu magala, utakutwaze. Si ubusore bwawe, kuguma naꞌmalega gaabwo, bigalenga duba.

Mwigiriza 11:10 ပူးပေါင်းရင်းမြစ်များ

Hayubu 11:12

Punda wa mwiꞌshamba, bitangaziga kwo angabuta umundu. Kwo na kwokwo, bitagaaziga kwaꞌbahwija bahinduke bitegeereza.

Hayubu 13:26

Ugweti ugandega ku birego bilangi, iri unashubi vyula ibyaha byoshi bya mu busore bwani.

Hayubu 20:11

Yabo baana, kundu bâli ki riiri misore, banâli ki hiiti imisi, haliko, iyo misi yabo igamalira mu luvu.

Zaburi 25:7

E Nahano, kundu nâli kizi huna mu busore bwani, nanakizi yifunda mu byaha, haliko utakizi ki bikengeera. Si uli mwija! Aaho! Ikyanya ugakizi ngengeera, kube naaho mu kati koꞌrukundo lwawe.

Zaburi 39:5

«E Nahano, ummenyeese ngiisi kwoꞌburambe bwani buli mu suula umulindi. Unanyereke ngiisi kwo bugaahera. Umbwire ulusiku lwo ngaafwa kwo.

Zaburi 39:6

Isiku zaani, si ziri niini bweneene, zinakwiziri ha fune. Ee! Imyaka yani yoshi, iri nga ndaayo. Ubulamu bwoꞌmundu, buli mu lenga nga úwayisa umuuka liguma naaho.»

Migani 22:15

Umutima gwoꞌmwana guyamiri guli mwoꞌbuhwija. Si iri wangamúhana, yubwo buhwija bugaamala.

Mwigiriza 1:14

Byoshi íbiri mu koleka mu kihugo, mbwini kwo biri bya busha-busha. Biri nga kulooza ukugwata imbuusi.

Mwigiriza 1:2

Mwigiriza adeta kwokuno: Busha! Busha! Si byoshi, biryagagi bya busha-busha ngana!

Mwigiriza 12:1

Ukizi kengeera Umulemi wawe, kiri neꞌkyanya ukiri mwanuke. Ee! Ukizi múkengeera ku kyanya isiku mbi zitazi hika. Mukuba, ikyanya imyaka igalengerana, ugayiji deta: «Ukutuula ho, kutakiri mu njambaaza.»

2 Bakorindo 7:1

E bakundwa baani! Bwo tukoli hiiti iyo mihango, tuyiyeruusagye na ngiisi íbyangayulubaza amagala neꞌmitima. Ee! Bwo tukoli simbahiri Rurema, tufiitirwe ukukwanana imbere lyage.

2 Timoteyo 2:22

Ukizi tibitaga amifwije mabi gaꞌkasore! Ahandu haago, ukizi fiitirwa ku bikwaniini imbere lya Rurema, na mu kubiika Rurema kwoꞌbwemeere, na mu kukundana, na mu kutuula mu mutuula, kuguma na ngiisi bandi ábagweti bagahuuna Nahano ku mutima úguyeruusiri.