Mwigiriza 1:3 - Kifuliiru

³ Aaho! Ikyanya umundu agweti agashaha ikyuya mu kukoleereza mu kihugo, bikagi byo ali mu ba ayungusiri?

Mwigiriza 1:3 ပူးပေါင်းရင်းမြစ်များ

Mwigiriza 2:11

Kundu kwokwo, ikyanya nꞌgasalira ku byoshi byo nâli kizi yitubanula kwo, yoo! Nanabona kwo byoshi biri bya busha-busha. Kuli mu ba naaho, nga kulooza ukugwata imbuusi. Kiziga mu kihugo, ndaakyo kyoꞌmundu angaki longa mwo.

Mwigiriza 2:18

Birya byoshi byo nâli kizi yitubanula kwo mu kihugo, nanashubi binegura. Mukuba, bingwiriiri kwo nâye sigire ugundi mundu úwâye yije ha nyuma lyani.

Mwigiriza 2:19

Noꞌyo mundu, nyandi úyiji, iri angaba ali mwitegeereza, kandi iri muhwija? Kundu kwokwo, ye gabikoleesa byoshi. Yoyo ye gahyana ngiisi byo nꞌgashahira kweꞌkyuya mu kihugo, mu kukoleesa ubwenge bwani. Aahago! Yibyo nabyo, si biryagagi bya busha-busha!

Mwigiriza 2:22

Aahago! Ikyanya umundu ali mu yitubanula mu kihugo, anayiluhye ku bwenge bwage, bikagi byo ali mu ba ayungusiri?

Mwigiriza 3:9

Ikyanya umukozi agweti agayitubanula, bikagi byo ali mu ba ayungusiri?

Mwigiriza 4:3

Si ku yabo bombi, útazi butwa yehe, ye hiriirwi ingingwe. Mukuba, kundu abandu bali mu longa amalibu mu kihugo, uyo útazi butwa, yehe atazi gabona.

Mwigiriza 4:7

Ha nyuma, nanashubi bona irindi igambo lizira kamaro mu kihugo.

Mwigiriza 5:16

Yabo bandu, barambiri naaho mu kihulu, iri banajengeerwa. Noꞌbuzinda, bazizibiiri, banalwaziri, banayagiirwi.

Mwigiriza 5:18

Kwokwo, Rurema agweti agaheereza abandu baguma ibindu íbiri tiita, anabashoboleese ukubisiimira. Noꞌburambe bwo bâli butiirwi mwo, balonge ukubushambaalira, bashambaalire noꞌmukolwa gwabo.

Mwigiriza 6:12

Abandu, isiku zaabo mu kihugo, ziri niini, zitanali naꞌkamaro. Zigweti zigalenga duba, nga kimbehwa. Aahago! Ikyanya bali mu ba bakiri ho, nyandagi uyiji byo bakwaniini ukugira? Neꞌkyanya bagaaba batakiri ho, nyandi úyiji íbigakoleka?

Mwigiriza 7:11

Iri wangaba walonga ubwitegeereze, bwangabiiri bwija, ulongage noꞌbugale. Yibyo byombi, bigakugenduukira ikyanya ukiri mugumaana.

Mwigiriza 9:13

Hano mu kihugo, nanabonaga irindi igambo hiꞌgulu lyoꞌbwitegeereze, lyananzoomeza bweneene.

Mwigiriza 9:3

Si abandu booshi bagweti bagagenduukirwa ku njira nguma! Kwokwo, nanabonaga kwo buli buhanya. Mukuba, booshi bali mu ba babihuusiri, banabe bahwijikiiri. Na ha nyuma banayiji fwa.

Mwigiriza 9:6

Abafwiri bataki kundiini, batanaki shombiini, batanaki yuvwiti uluugi. Mu byoshi íbiri mu koleka mu kihugo, bataki hiiti mwoꞌgwabo mutuli.

Hisaaya 55:2

Kituma kiki mukiri mu tanga ifwaranga ku bitagaliibwa? Na kituma kiki mukiri mu yitubanula ku bitagamùmala isabwe? Aaho! Mundegage amatwiri, lyo mulya ibyokulya binunu, halinde imitima yinyu ihesherwe.

Habakuki 2:13

Kundu kwokwo, Nahano woꞌbushobozi bwoshi keera akalagaania kwo ngiisi byaꞌbandu bali mu himbuukira kwo, bigaki herera mu muliro. Haliibwi! Si yabo bandu bagweti bagayitubanulira ubusha!

Habakuki 2:18

Aahago! Ikyanya umundu agweti agayibaajira imigisi, ali mu longa akamaro kaki? Si irya migisi iri mu tulwa mu byuma, inali ya kutebana naaho! Itashobwiri kiri noꞌkudeta! Uyo mundu, si ali mu biika umulangaaliro ku kindu kyo akayigirira yenyene!

Mataayo 16:26

Umundu, iri angalonga íbiri mu kihugo byoshi, anayiteere yenyene, bikagi byo agaaba ayunguka? Na biki byo angatanga, lyo ayikiza? Si ndaabyo!

Yohana 6:27

«Mutakizi ki kola hiꞌgulu lyeꞌbyokulya íbiri mu gaga! Haliko, mukizi kola hiꞌgulu lyeꞌbyokulya íbigayama ho. Byebyo, byo bigamùleetera ubulamu bweꞌmyaka neꞌmyakuula. Binali byokulya byoꞌMwana woꞌMundu agamùheereza. Noꞌyo Mwana woꞌMundu, Rurema Yishe keera akamúbiika kweꞌkyereso, mu kuyerekana kwo amúyemiiri.»

1 Bakorindo 16:16

abandu mwene yabo, mukizi basimbaha! Mukizi simbaha naꞌbandi booshi bo tuli mu yitubanula kuguma mu kukola guno mukolwa.